Dardania.de - Shiko Postimin Tek

**Zero Cool** · 30-01-12, 14:58

Liderët fetarë të Kosovës janë takuar në Prizren

Prizren, 28.01.2012 19:22

Festa ortodokse e Shën Savës ka bërë bashkë, të shtunën, në Prizren, liderët fetarë të religjioneve më të përhapura në Kosovë, të cilët kanë drekuar edhe në shoqëri të komandantit të KFOR-it, Erhard Drews.

Ftesës së peshkopit të dioqezës së Rashka-Prizrenit, Teodosije, i janë përgjigjur udhëheqësi i Bashkësisë Islame të Kosovës, myftiu Naim Tërnava dhe Ipeshkvi i Kosovës, imzot Dodë Gjergji, me ç'rast kanë diskutuar për avancimin e bashkëpunimit të ndërsjellë dhe për relaksimin e marrëdhënieve ndër-fetare, transmeton Koha.

Pas takimit, liderët e të tri konfesioneve nuk janë prononcuar për mediet. Mirëpo burime brenda takimit kanë bërë të ditur se bëhet fjalë për një takim joformal, që tashmë është i zakonshëm për të tri liderët fetarë.

"Takimi ka qenë privat. Janë diskutuar çështjet e interesit të përbashkët, promovimi i respektit të ndërsjellë mes bashkësive fetare sikurse edhe fuqizimi i kulturës së tolerancës dhe paqes", ka thënë ky burim.

Ndërsa zëdhënësi i KFOR-it, Uwe Nowitzki ka konfirmuar për "Kohën Ditore" se komandanti i KFOR-it, Erhard Drews ka qenë i pranishëm në takimin e liderëve fetarë. "Komandanti i KFOR-it ka marrë një ftesë për drekë nga peshkopi i dioqezës së Rashka-Prizrenit, Teodosije, me rastin e shënimit të ditës së Shën Savës, ku kanë qenë të pranishëm edhe liderët e komuniteteve tjera fetare", ka thënë Nowitzki, përmes telefonit.

Pas mbarimit të takimit, liderët fetarë janë parë bashkë edhe në qendër të qytetit. Madje, ipeshkvi i Kosovës, Dodë Gjergji dhe peshkopi Teodosije kanë marrë udhën për në selitë e tyre në shoqëri të njëri-tjetrit.

30-01-12, 14:58	#897
Zero Cool Administratorët Anëtarësuar: 18-03-03 Vendndodhja: Netherland Postime: 24,987	Titulli: Lajme nga bota Islame Liderët fetarë të Kosovës janë takuar në Prizren Prizren, 28.01.2012 19:22 Festa ortodokse e Shën Savës ka bërë bashkë, të shtunën, në Prizren, liderët fetarë të religjioneve më të përhapura në Kosovë, të cilët kanë drekuar edhe në shoqëri të komandantit të KFOR-it, Erhard Drews. Ftesës së peshkopit të dioqezës së Rashka-Prizrenit, Teodosije, i janë përgjigjur udhëheqësi i Bashkësisë Islame të Kosovës, myftiu Naim Tërnava dhe Ipeshkvi i Kosovës, imzot Dodë Gjergji, me ç'rast kanë diskutuar për avancimin e bashkëpunimit të ndërsjellë dhe për relaksimin e marrëdhënieve ndër-fetare, transmeton Koha. Pas takimit, liderët e të tri konfesioneve nuk janë prononcuar për mediet. Mirëpo burime brenda takimit kanë bërë të ditur se bëhet fjalë për një takim joformal, që tashmë është i zakonshëm për të tri liderët fetarë. "Takimi ka qenë privat. Janë diskutuar çështjet e interesit të përbashkët, promovimi i respektit të ndërsjellë mes bashkësive fetare sikurse edhe fuqizimi i kulturës së tolerancës dhe paqes", ka thënë ky burim. Ndërsa zëdhënësi i KFOR-it, Uwe Nowitzki ka konfirmuar për "Kohën Ditore" se komandanti i KFOR-it, Erhard Drews ka qenë i pranishëm në takimin e liderëve fetarë. "Komandanti i KFOR-it ka marrë një ftesë për drekë nga peshkopi i dioqezës së Rashka-Prizrenit, Teodosije, me rastin e shënimit të ditës së Shën Savës, ku kanë qenë të pranishëm edhe liderët e komuniteteve tjera fetare", ka thënë Nowitzki, përmes telefonit. Pas mbarimit të takimit, liderët fetarë janë parë bashkë edhe në qendër të qytetit. Madje, ipeshkvi i Kosovës, Dodë Gjergji dhe peshkopi Teodosije kanë marrë udhën për në selitë e tyre në shoqëri të njëri-tjetrit. __________________ Asgjë nuk është e pamundur. Pamundësinë apsolute e shkakton mosdija jonë reale.