[Denim]

Princesha saudite përpiqet të ikë pa paguar


Një princeshë saudite është kapur teksa po përpiqej të ikte pa paguar nga një hotel luksoz në Paris.
Le Parisien shkruan se Maha al-Sudairi, gruaja e ndarë e princit saudit Najef ben Abdel Aziz, ka tentuar ta braktisë pallatin Shangri-La në qendër të kryeqytetit francez së bashku me 60 përcjellës të saj, duke lënë pa paguar borxhin prej gjashtë milionë eurosh.

Për këtë rast është thirrur policia dhe është kontaktuar edhe Ambasada e Arabisë Saudite në Francë, duke qenë se princesha gëzon imunitet diplomatik dhe ajo nuk mund të detyrohet që t’ia paguajë borxhin hotelit me pesë yje ku po qëndron që nga viti i kaluar.

Maha al-Sudairi është e njohur për mospagimin e borxheve edhe në të kaluarën. Në vitin 2009 ajo është paditur nga një kompani rrobash për mospagim të 89.000 eurove.

2.06.2012 Telegrafi