[Ora e ligë]

Rriqrat në Malishevë nuk zhduken në mungesë të parave



Publikuar: 18.06.2012 - 22:10

Prishtinë, 18 qershor - 1 milion e 800 mijë euro mbase do të zhduknin rriqrat vdekjeprurëse në Malishevë. Realizimi i një projekti i hartuar kohë më parë nga Instituti i Shëndetit Publik do të shpëtonte jetën e shumë qytetarëve të kësaj ane, e ndoshta edhe të Albana Gashit. Por, ai projekt nuk u realizua kurrë pikërisht për shkak të shumës së madhe të mjeteve dhe dezinsektimi në këtë anë mbeti vetëm i pjesërishëm, raporton KTV. Nga ana tjetër, Ministria e Shëndetësisë nuk ka buxhet për të mbështetur një projekt prej rreth 2 milionëve, thotë zëdhënësi i ministrisë Faik Hoti. Derisa drejtori i Departamentit të Shëndetësisë në Malishevë thotë se Ministria nuk ua ka lëshuar 20 mijë euro të vitit të kaluar, Hoti e thotë të kundërtën. Kurse për sivjet, pranon se ende nuk u janë transferuar paratë dy komunave, Malishevës e Rahovecit, nga 10 mijë euro.



Kur dashuria per vendin dhe popullin tend, vendoset ne radhe te pare.
Kur vleresohet jeta e njeriut!