[Makresh]

PËRSHTYPJET E AKADEMIK DACIT PËR DR. KRASNIQIN


A keni ndonjë marrëveshje me Shefqet Krasniqin? A ju ka ofruar elektorat?

Jo, kurrë! Unë kam pasur kënaqësi ta takoj dy-tri herë. Përshtypja dhe bindja ime është se ai është intelektual i pakonkurrencë ma i madh në aspektin profesional të shkencës, në mënyrën si e trajton islamin. Edhe pse unë nuk marr vesh shumë në atë punë, por është kënaqësi e rrallë biseda me të. Po ju them kurrë në jetë as nuk më ka ofruar kurgjë as që i kam kërkuar diçka. Unë besoj se i bën nder Kosovës vet prania në Kryesinë e Dijetarëve botëror të shkencës islame, është një pranim i madh për Kosovën. Në takimin me mua kurrë nuk ka pasur diçka që ka qenë regresive ose diçka që ai ka fy një besim tjetër fetar. Unë do ta përkrah imamin Shefqet Krasniqin gjithmonë në ato tema që i kemi diskutuar dhe kurrë nuk do ta lija në të thatë ose pa përkrahje. E ka shumë gabim dikush që e sulmon dike dhe nuk e njef. Për mua Shefqeti është krenari bile takimi i fundit unë kam zhvilluar bisedë shumë më tepër si mik ose si shok edhe pse kurrë kafe a qaj nuk kam pi jashtë selisë së LDD-së, por do ta pija me kënaqësi gjithkund, bile me shku në xhami sepse nuk kam shkuar kurrë edhe pse e kam pasur xhaminë përball shtëpisë ku jam rritur dhe e kam respektuar shumë, por nuk kam pasur kohë me shku. Me pas kohë, kur ligjëron ai në xhami do të kisha shkuar dhe do ta kisha ba llom nëse diku nuk isha pajtuar me të sepse raportet vërtet janë vërtet shumë njerëzore me të dhe unë e çmoj.

***