[Denim]

Me rastin e festës së Fitër Bajramit ju përgëzoj për përmbushjen e njërit prej obligimeve kryesore të fesë islame, duke ju uruar Fitër Bajramin, e duke e lutur Zotin e Madhërishëm që gjithë atyre që kanë agjëruar të jua ketë pranuar agjërimin, lutjet, ibadetet dhe punët e mira që i kanë bërë gjatë këtij muaji në shenjë respekti ndaj Krijuesit Fuqiplotë.

Edhe ata që për ndonjë aryse nuk kanë mundur të agjërojnë i lutem Zotit të Madhërishëm që të ua falë mëkatet.

Uroj që në shtëpitë tuaja të mbretërojë mirëqenia, prosperiteti, toleranca e dashuria për njeriun.

Me rastin e kësaj dite, le t'i lutemi Zotit të Madhëruar, që të na drejtojë e të na forcojë besimin në Të, e të na ruajë nga të ligat e nga intrigat!

Na udhëzo o Zot në rrugën e drejtë, e shtona dashuri e vëllazëri midis nesh, për të mirën e fesë e të kombit shqiptarë!