[Lona]

Ibrahimi dhe Hasani sulmojnë Serbinë?

Seleksionuesi i Maqedonisë në futboll, Çede Janevski. ka mbrojtur futbollistët e tij në prag të ndeshjes kualifikuese për KB me Serbinë që do të zhvillohet të martën (sot) në stadiumin “Filipi i dytë” në Shkup.

Ai edhe njëherë potencoi se lojtarët e tij në ndeshjen e fundit kanë luajtur mbi mundësit e tyre, por ka pasur edhe disa gabime që i kushtuan shumë. “Ato janë momente që patjetër duhet të futemi me një agresivitet më të shfaqur, por kjo nuk do të thotë se duhet të marr pushkën që ti gjuaj futbollistët. Unë jam i pari që duhet mbrojtur Bogatinov por edhe lojtarët tjerë, kurse kush do të luaj do të vendosi para ndeshjes. Kjo varet edhe nga përgatitja psikike e tyre. Kam biseduar me futbollistët individualisht por edhe në grupe, kurse tema ka qenë gabimet e ndodhura në takimin me Kroacinë”, tha Janevski. Seleksionuesi më pas shtoi se do të ketë ndryshime në formacion me çka Maqedonia duhet të fitoj në freski. “Do të ketë disa ndryshime në formacionin bazë, pasi kemi edhe dy ndryshime të detyruara pasi Pandev dhe Shikov janë jashtë këtij takimi, por do ketë edhe disa freski në ekip.

Serbia humbi nga Belgjika me rezultat 0:3, por kjo nuk do të thotë se kundërshtari ynë është me vlera më të vogla. Ata kanë futbollist që luajnë nëpër ekipe të forta evropiane që me siguri se edhe ata kërkojnë që të nxjerrën pas humbjes së fundit. Dallimi mes Kroacisë dhe Serbisë është që rivali ynë i ardhshëm ka lojtar më konkret që janë shumë të shpejtë dhe me kualitete individuale. Ata janë të rrezikshëm në ndërprerjet e lojës, që në e kemi pikën më të dobët”, deklaroi seleksionuesi maqedonas. Në konferencën për shtyp që u zhvillua në Shkup mori pjesë edhe futbollisti Nikollçe Noveski i cili u shpreh optimist se ndaj Serbisë do të tregojnë lojë fenomenale por edhe triumf. “Mendoj se jemi të rehabilituar pas humbjes ndaj Kroacisë. Tani më jemi të përgatitur psiqikisht për ndeshje te re dhe mendoj se do të arrijmë sukses. Para nesh është një duel i vështirë. Serbia është një rival kualitativ, por ne do të japim maksimumin që të luajmë mirë për rezultat pozitiv”, tha lojtari mbrojtjes i Maqedonisë.


Erdhën për të rrahur shqiptarët, por hëngrën vet dajakun

Një grup serbësh që kishin ardhur për të përcjell ndeshjen ndërmjet Maqedonisë dhe Serbisë janë rrahuar të martën në afërsi të Çarshisë së Vjetër të Shkupit, nga disa shqiptarë.

Sipas informatave që qarkullojnë, serbet kanë provokuar kalimtarët e rastit duke bërtitur disa herë me fyerje antishqiptare. Kjo ka bërë që disa të rinj të godasin serbët, me çka këta të fundit kanë ikur me vrap në drejtim të sheshit të Shkupit. Kjo ka bërë që policia të përforcoj qarkullimin e saj në pjesët të banuara me shqiptarët.