[sherri]

Çitaku: Do të bëjë padi private për përgjimet

PDK-ja ende nuk ka diskutuar në forume partiake nëse do ta shkarkojë Jakup Krasniqin apo jo, ka deklaruar Vlora Çitaku, ministre e Integrimeve Evropiane, e cila ka konfirmuar edhe përpjekjet e fundit të partisë së saj, që Krasniqi të merrte pjesë në zgjedhje. Çitaku pranoi se ish shefi i SHIK-ut, Kadri Veseli ka bërë përpjekje për kthimin e kryeparlamentarit Jakup Krasniqi në punimet e Konventës Zgjedhore të PDK-së.
Çitaku ka njoftuar se rezultatet për anëtarët e rinj të Këshillit Drejtues do të publikohen të martën.
Por, e njohur për gafa, asaj i shpëtoi një informacion. “Unë nuk jam ende anëtare e Kryesisë së PDK-së, por vetëm e Këshillit të Përgjithshëm”, tha ajo në Interaktiv, duke lënë hapur të kuptohet se ajo do të jetë së shpejti anëtare e Kryesisë.
Duke folur për mospjesëmarrjen e Krasniqit në konvent dhe të Limajt, tha se organizimet partiake janë vullnetare dhe askush nuk mund të detyrohet për pjesëmarrje.
Ajo është munduar të mohojë të gjitha pretendimet e Krasniqit dhe Limajt duke thënë se ato që fliten janë më shumë spekulime, pasi nuk ka akuza të drejtpërdrejta për partinë.
Duke folur për votat e Thaçit, pasi mori 718 vota nga 719 të mundshme, ajo tha se më mirë është një votë kundër se një sëmundje. Ajo këtë e arsyetoi edhe me mungesën e një kundërkandidati dhe kjo gjë nuk ka ndodhur pavarësisht që Thaçi i ka inkurajuar për kundërkandidaturë.

Duke folur për ndryshimin statutar me përcaktimin që të bëhet parti e qendrës së djathtë, Çitaku tha se ky ishte një hap drejt konsolidimit, dhe se PDK nuk ishte asnjëherë pjesë e të majtës, ndërsa sa i përket pjesëmarrjes në internacionalen socialiste, tha se në të njëjtën kohë ka marrë pjesë edhe në takimet e të djathtës evropiane. Ajo tha se në deklaratën e miratuar kanë bërë thirrje për vendosje të raporteve me partitë popullore evropiane.
Duke folur për mysafirët tha se nuk kanë dashur ta ftojnë Vetëvendosjen, pasi janë të qarta raportet me këtë subjekt politik.
Duke folur për zgjedhjet tha se Bajrush Xhemajli ishte kandidat i PDK-së, tha se ai ishte në zgjedhje për shkak se kishte pësuar një aksident pa dëshirën e tij, ku edhe vetë e kishte jetën në rrezik. “Bajrush Xhemajli është një ndër figurat me të cilat PDK identifikohet fuqishëm, mirëpo ai ka pas aksident trafiku jo me dëshirën e tij pasi që edhe jeta e tij ka qenë e rrezikuar”.
E pyetur për ikjen e Zharkut prej drejtësisë ajo tha se nga verdikti i drejtësisë nuk mund të ikë askush, ajo tha se për të është e pa marrun me mend që dikush në shekullin e 21-të të ikë nga drejtësia.
Duke folur për rastin Velijaj, ajo tha se ndjehet mirë me punën në institucione, por nganjëherë edhe është ndier keq, sikurse në rastin e skandalit me pasaportat biometrike. “Ka qenë absolutisht shokuese kur kam parë tituj e gazetave në mëngjes. Unë shpresoj që drejtësia të merret sa më shpejt me këtë rast”.
Duke folur për skandalin e përgjimeve tha se është ndier shumë keq, dhe se me këtë ka zhgënjyer shumë kë dhe se edhe vetë ajo është cenuar nga ky rast përfshirë edhe kredibilitetin e saj. “Ky ka qenë një ndër momentet më të rënda, jam ndjerë e fyer por në të njëjtën kohë kam ndjerë vetën se kam zhgënjyer dhe dëshpëruar shumë miq që kanë besuar në mua. Kredibiliteti im është thyer nga ato telefonata. E kam menduar kërkesën për dorëheqje nga telefonatat që kam marrë në atë kohë”.
Ajo tha se përmbajtja e bisedës së saj në telefonata megjithatë nuk ka qenë shkelje ligjore, prandaj nuk ka dhënë dorëheqje.
Ajo pranoi se nipi i Adem Grabovcit ishte pranuar në praktikë, por ajo mbahet pa pagesë.
Duke iu kthyer momentit të përgjimeve, ajo tha se bisedat e atilla ato ndodhin në momente të caktuara dhe janë private.
Çitaku tha se telefonatat nuk kanë ndikuar në atmosferën në PDK.
Çitaku tha se do të bëjë padi private për zbardhjen e përgjimeve, pasi sipas saj edhe EULEX-i po bën hetim të rastit.
Duke folur për koalicionin Çitaku tha se koalicioni do të vazhdojë, nuk ka krizë as numerike dhe as programore.
Duke folur për një koalicion të mundshëm me AAK-në, ajo tha se ende është herët të flitet dhe çështja e koalicioneve ende nuk është debatuar në parti.
Duke folur për akuzën e Ismet Beqirit të LDK-së, i cili ka thënë se konventa e PDK-së ishte si një kongres i partisë së punës në Koren Veriore, Çitaku tha se konventa ishte demokratike dhe ka marrë vlerësim pozitiv edhe nga vetë LDK-ja.
Duke folur për lapidarin dhe dialogun tha se e kanë thënë shpesh se do të jetë një proces me shumë sfida, që përcillet edhe me shumë kritika, dhe pavarësisht se sa është i dhembshëm tha se normalizimi i marrëdhënieve me Serbinë dhe etablimi i shtetësisë sonë është borxh edhe për brezat që vijnë. BS

Tha konobarica e PDK-es :D