[Dardanesha]

Partia Demokratike e Kosoves - PDK:


Vlerat na bëjnë të djathtë.


Së pari, përcaktimi i PDK-së si parti e qendrës së djathtë ka të bëjë me historikun e PDK-së, me identitetin e PDK-së, në të njëjtën kohë ka të bëjë edhe me vetë vizionin e PDK-së si dhe me njerëzit të cilët e kanë themeluar PDK-në, të cilët kanë qenë pjesë e një lëvizje të rëndësishme politike për çlirimin dhe pavarësinë e Kosovës. Ne e dimë që në të gjitha partite e djathta atdheu, atdhedashuria, vlerat kombëtare dhe vlerat morale janë vlera të djathta.
Së dyti, programi qeverisës, që ka pasur PDK-ja nga fitorja e vitit 2007 ishte i bazuar në konceptin e ekonomisë së tregut, në konceptin e modernizimit dhe të transformimit të shoqërisë. Pra jemi bazuar në konceptet e një drejtësie shoqërore, të një dialogu social si dhe në agjendën evropiane. Realisht këto janë arsyet që PDK-ja ka vendosur të lëvizë drejt qendrës së djathtë.