[Guri i madh]

Shkup, persona të maskuar sulmojnë 16 vjeçaren Arlinda Bajrami (Video


Policia ende nuk ka dhënë detaje për motivet e sulmit

Edhe pse situata pas incidenteve të dhunshme të së premtes dhe përplasjes së protestuesve me policinë të shtunën po i kthehet normalitetit, nuk kanë munguar incidentet. Një vajzë 16 vjeçe, nxënëse e shkollës së mesme “Dimitar Vllahov” në Shkup ka qenë cak i sulmit të personave të maskuar. Arlinda Bajrami është sulmuar me mjete të forta dhe me thikë në fytyrë dhe trup, ndërsa ajo po ecte rrugës. Ajo ka rrëfyer për televizionin Alsat se sulmuesit kanë qenë të maskuar dhe kanë komunikuar mes vete në gjuhën maqedonase. Policia ende nuk ka dhënë detaje për motivet e mundshme të këtij sulmi. Vajza e sulmuar pas kurimit të plagëve në spitalin e qytetit është lëshuar në shtëpi.
“U lëshova prej orës së tretë dhe desha të shkoj në shpija për shkak të këtyre rasteve u frikova shumë, thashë më mirë më herët të shkoj në shtëpi. U nisa nga rruga kryesore te banesat e vjetra prej pas dy persona më sulmuan, më ranë shumë me diçka të fortë. Unë rrash për tokë mandej njëri u ul në prehër dhe filloi të më prek nga trupi, tjetri rinte në këmbë dhe shikonte përreth nëse vjen dikush dhe papritmas filloi t’i bërtas këtij që ishte ulur, i tha çohu më shpejtë se është duke ardhur dikush dhe ai tjetri filloi me qeshë dhe tha po ta lëmë një kujtim, nxori diçka prej xhepit dhe më ra në fytyrë dhe në bark” u shpreh Arlinda Bajrami.
Nga ana e tij, babai i Arlindës shprehu keqardhje dhe dhimbje për një ngjarje të tillë.
“Ma keq më a ka, vajzën e kam lëshuar në shkollë tani prej spitali po e shihni vet se si po e marr prej spitalit, vajza nuk është vetëm e rrahur ka edhe dhunë tjera që kanë dashur çka s’duhet të bëjnë. Fajtorin janë duke e mbrojtur, policia aty ka qenë s’ka marr masa pas 5 ose 10 minutave. Sot ka pasur në tërë anët polici në secilin shkollë në secilin autobus ka polici dhe vajzat ja se çka i ka ndodhur i ka mëshuar nga prapa me bejsboll, me thikë i ka mëshuar, i kanë bërë dhunë çka nuk i kanë bërë”, deklaroi babai i Arlinda Bajramit.
Kjo është hera e dytë që Arlinda Bajrami sulmohet nga persona të panjohur. Herën e parë ajo kishte marrë lëndime më të lehta. Sulmi ndaj 16 vjeçares vjen pas rrahjes brutale të disa nxënësve nga Haraçina e Shkupit dhe pas sulmit ndaj 13 vjeçarit Blin Shabani në Çair të Shkupit, të cilit persona të maskuar po ashtu i kishin shkaktuar lëndime të rënda pasi kishte refuzuar të puthte kryqin.





http://www.youtube.com/watch?feature...&v=I6oqa7Mp6IY