[King Street]

Deputeti i Kuvendit të Kosovës, Gëzim Kelmendi, e ka quajtur Gjergj Kastriot Skënderbeun hero të katolikëve, dhe jo hero kombëtar.
Kelmendi, e argumentoi mendimin e tij me faktin se në shekullin 15, në kohën kur ka jetuar Skënderbeu, nuk kanë ekzistuar kombet.
“Katolikët e kanë heroin e tyre – Skënderbeun. Në shekullin 15 nuk kanë ekzistuar kombet dhe luftërat janë bërë për çështje fetare”, – tha deputeti Kelmendi, në një Show Televiziv.
Ai gjithashtu ka dyshime në prejardhjen e heroit kombëtar për shkak të nënës së tij dhe ekzistencës së shumë kombeve në Shqipërinë e asaj kohe. Kelmendi, gjithashtu tha se është dakord që historia shqiptare të ndryshohet.
Sipas tij, Turqia nuk ka qenë pushtues i Shqipërisë, por vetëm ka sunduar me këtë vend dhe si e tillë duhet trajtuar si vend mik.
“Ne kemi bashkësunduar me Turqinë dhe për këtë duhet të ndryshohet historia. Edhe ashtu historia që mësohet në shkolla nuk është shumë e vërtetë”, – tha deputeti Kelmendi.