[Guri i madh]

Merr fund Qeveria Thaçi!?

Bota Sot | 11.10.2013 18:25




PDK-ja edhe formalisht e ka humbur shumicën në Kuvend

Pas katër dështimeve të Qeverisë së Hashim Thaçit që ta privatizojë PTK-në duke e kaluar raportin e privatizimit, dhe krijimit të Komisionit hetimor parlamentar nga opozita për procesin e ndjekur nga qeveria për shitjen e PTK-së, tashmë ka marrë edhe goditjen përfundmtare.
Qeveria e Thaçit ka humbur edhe një deputet, Njazi Idrizin, i pari që zyrtarisht largohet nga grupi i saj parlamentar në këtë legjislaturë. Por, kjo parti nuk e ka humbur vetëm deputetin, pasi me këtë koalicioni qeverisës ka rënë në 60 deputet, nga 61 sa duhet ti ketë minimalisht një qeveri.
Mburrjet e Thaçit kolapsohen

Deklarimet e kryeministrit, Hashim Thaçi se PDK-ja është partia më stabile në Kosovë, nuk përputhen fare me realitetin. Pas, kryeparlamentarit Jakup Krasniqi, ish-nënkryetarit dhe deputetit Fatmir Limaj e shumë e shumë anëtarëve të tjerë nëpër komuna, Partisë Demokratike të Kosovës i është larguar nga gjiri i saj edhe deputeti Njazi Idrizi.