[Guri i madh]

IQP: Thaçi të flasë për hajni është paturpësi





Kush është kryehajni i Kosovës!

Fushata zgjedhore për zgjedhjet lokale të 3 nëntorit për veç premtimeve të shumta nga Partia Demokratike e Kosovës, është duke na zbuluar edhe të bëmat tjera të partisë në pushtet. Përçarjet brenda PDK-së po e zbulojnë krimin e organizuar, vjedhjet, korrupsioni si dhe shumë gjëra dhe shkelje ligjore që kanë ndodhur më herët. Por nuk është vetëm PDK-ja që po zbulon një gjë të tillë me premtime milionëshe dhe me shkelje ligjore që po vazhdon të bëjë, pasi në këso skandale është duke u përfshirë edhe AAK-ja. Në PDK është duke ndodhur një përçarje e madhe, ku dihet se tashmë Fatmir Limaj dhe Jakup Krasniqi janë duke i përkrahur iniciativat qytetare, dhe po thonë haptazi se mos ta votojnë PDK-në.
“Në fakt fushata deri në një mas të caktuar mendoj që po ndikon në zbulimin e shkeljeve ligjore, korrupsionin deri në njëfarë mase dhe një sërë çështjesh të tjera, të cilat po e degradojnë vendin. Vetë qasja e kreut të ekzekutivit të vendit Hashim Thaçit ndaj komunave të caktuara me tendencë për të fituar sërish edhe një mandat edhe premtimi i shifrave shumë milionëshe tregon se është irracional dhe është totalisht i pavërtetë, pra kryeministri këtu është shumë i pasinqertë dhe nuk mund ta bëjë një gjë të tillë”, thotë Kelmendi.
Kelmendi thekson se kjo fushatë po zbulon edhe parregullsi të tjera nw tw gjitha komunat e Kosovës, jo vetëm të kësaj partie në pushtet, por edhe të partive të tjera.