[Zero Cool]

Në ligjet bëhet fjalë për TREDHJE KIMIKE.




1. Parlamenti i Estonisë miratoi ligjin për tredhje kimike


4 qershor 2012



Parlamenti estonez autorizoi aplikimin e tredhjes kimike, si një metodë për të vepruar ndaj personave që kanë kryer krime seksuale.

Duke folur për shqyrtimin e projektligjit, Ministri i Drejtësisë së Republikës së Estonisë Kristen Michal shpjegoi se tredhje kimike (përdorimi i preparatave që reduktojnë epshin seksual dhe përjashtojnë mundësinë e kryerjes së marrëdhënieve seksuale) do të përdoret, para së gjithash, për të luftuar pedofilinë.

Gjykatat do të jetë në gjendje t’i japim fajtorit për krime seksuale një kurs trajtimi që zgjat deri në tre vjet. Ndërkohë tredhja kimike mund të jetë parakusht për lirim të parakohshëm.





2. Tredhja kimike vështrohet në rajon për të frenuar pedofilinë



Një ligj që bën të detyrueshëm tredhjen kimike të atyre që abuzojnë fëmijët nën 15 vjeç, i miratuar nga parlamenti moldav në fillim të marsit, është vetëm një hap i fundit i ndërmarë në një rajon ku debati mbi pedofilinë e përgjigjen e shoqërisë ndaj saj, po merr formë çdo ditë.

Ligjvënësit në Kishiniev argumentuan se dëshironin të shmangnin shndërrimin e vendit të tyre në një strehë për ata që kërkonin turizmin e seksit, pas një rritje dramatike në rastet e pedofilisë gjatë viteve të fundit. Por Këshilli i Evropës e kritikoi veprimin.

"Komiteti Kundër Torturës i Këshillit të Evropës (CPT) ka deklaruar në raportet e tij se, në parim, trajtimi anti-androgjen duhet të jepet vetëm mbi një bazë vullnetare e pas një vlerësimi tërësor psikiatrik e mjekësor. Si me çdo mjekim tjetër, duhet të merret më parë pëlqimi me shkrim i personit. Këta individë duhet të jenë në gjendje t'a tërheqin pëlqimin në çdo kohë. Asnjë person nuk duhet të vihet nën presion për të pranuar trajtimin anti-androgjen," thoa këshilli në një deklaratë të dhënë për SETimes.(Fshatari - power8 na qenka anëtarë i këtij komiteti se po e kundërshton tredhjen kimike :P

Një debat i ngjashëm u ndez në Rumani verën e kaluar pas një rasti tragjik në qytetin jugperëndimor Xhimbolia, ku një vajzë dhjetë-vjeçare u sulmua seksualisht e pastaj u vra nga një komshi. Në nëntor, Senati rumun miratoi një projekt-ligj që bën thirrje për tredhjen kimike të një pedofili të dënuar për një krim të kryer nën rrethana përkeqësuese. Pasi të dalë nga burgu, pedofili do të mbikqyret nëpërmjet një pajisje GPS për një periudhë kohe të caktuar nga gjyqtari. Projekt-ligji ende duhet të miratohet nga dhoma më e ulët.

"Pedofilia mund të shndërrohet në një dukuri. Ndëshkimet e tanishme në fuqi nuk janë më të mjafttueshme; nuk japin më rezultate; kështu që ka nevojë për ndëshkime alternative," tha për SETimes Stefan Pirpiliu, ligjvënësi demokrat-liberal që paraqiti në parlament projekt-ligjin mbi tredhjen kimike. "Në të njëjtën kohë, ndëshkime të tilla me kalimin e kohës do të zbusin teprinë e përdorimit të fëmijëve në trafikimin njerëzor," tha ai.

Sa për kritikat për shkelje të të drejtave të njeriut, Pirpiliu mendon se gjërat do të ndryshojnë me kalimin e kohës. "Duhet të jenë vetëdijshëm se zhdukja e kufijve të brendshëm në Evropë çon në dukuri të reja shoqërore. Me kalimin e kohës, forumet ndërkombëtare do të mendojnë ndryshe, ndërsa ligje të tilla do të përmirësohen e do të përfundojnë në një ligj të përbashkët evropian," tha ai.

Në Turqi, një projekt-ligj u paraqit në shkurt 2011 nga një grup deputetësh të partisë AK në pushtet. Ai bëri thirrje për tredhjen kimike të pedofilëve e të përdhunuesve, duke u dhënë me detyrim mjekim të pakësimit të testosteronit për të ulur veprimtarinë seksuale. Sipas projekt-ligjit, një rast i përdhunimit të parë do të dënohet me një afat burgimi. Nëse krimi përsëritet, do të nisë procesi i tredhjes kimike.

Por ky propozim, duke shkaktuar shumë polemikë rreth asaj nëse shkel të drejtat e njeriut, nuk mblodhi shumë mbështetje e është hequr nga rendi i ditës që atëhere. Avokatja dhe veprimtarja e të drejtave të grave Hulja Gulbahar nuk është dakort me çfardo ndëshkimi kundër integritetit të trupit të njeriut. "Ky nuk është një vendim i shëndetshëm," tha ajo për SETimes. "Zgjidhja e këtij problemi është në heqjen e të gjithë mekanizmave që prodhojnë dhunë në strukturën shoqërore."

Sipas Gulbahar, pedofilët duhet të trajtohen në mënyrë mjekësore e psikologjike kur kërkohet, ndërsa shkelësit e tjerë duhet të burgosen. "Për aq sa gjendja e mirëqënies është dobësuar, do të ketë shumë më pak dëshirë të financohet trajtimi i sëmundjeve të tilla nëpërmjet fondeve publike, të cilat shtyjnë autoritetet që të përdorin metoda të tilla," shpjegoi ajo.

Megjithatë, sipas Profesores Ersi Abaçi Kalfoglu, profesorja e parë e Turqisë për gjenetikën mjeko-ligjore dhe themeluese e qendrës së parë të krizës së përdhunimeve në vend, kjo është një masë mjekësore që përbëhet nga trajtimin hormonal që mund të ndërpritet në çdo kohë. "Duke ditur provat konkrete, është përgjithësisht e pranueshme se përdhunimet janë krime që zakonisht ndodhin për një herë të dytë," tha Kalfogluja për SETimes, duke pranuar se masa kimike të tilla mund të heqin dëshirën për të kryer krime të tilla seksi përsëri.

"Megjithatë, është me rëndësi të madhe që autoritetet e duhura të marrim pëlqimin e shkelësit, përndryshe kjo do të ishte e dëmshme ndaj të drejtave të njeriut," tha ajo.