[Zero Cool]

Sidoqofte ky dhe Bujar Bukoshi jane inbteresagjinj te medhaj, veq per shkak te parave i ndrrojne partite, ska te bej asgje as me frymen e as me filozofine Rugoviane (nese i ndjeri ka pase te tille)!

Dardan Gashi: Uka s’ka kaluar në LDK



Publikuar: 18:27 / 13.11.2013



Dardan Gashi, njëri nga themeluesit e Listës “Dr Ibrahim Rugova”, ka thënë se nuk është i vërtetë lajmi se Ukë Rugova ka kaluar në LDK. Sipas tij, ai lajm ka dalë prej një ‘Facebook-u’ që nuk i përket djalit të ish-presidentit Rugova.

Dardan Gashi në një bisedë për “Epokën e re”, ka arsyetuar deklaratën e Bujar Bukoshit, të ketë thënë se janë pjesë e LDK-së. Të njëjtën gjë e ka konfirmuar edhe vetë Gashi, madje ai ka thënë se për balotazh në Prishtinë do ta përkrahin Isa Mustafën.

“Ne gjithë kemi thënë se jemi pjesë e kësaj lëvizje që e ka themeluar Ibrahim Rugova dhe nuk kemi dalë prej asaj lëvizje, edhe pse kemi pasur mosmarrëveshje më herët. Në zgjedhjet lokale në Prishtinë, përkrahja është për kryetarin Mustafa. Ne presim që kurdo që të pjekën kushtet të bëhemi pjesë e LDK-së. Ky nuk është lajm i ri”, ka deklaruar Gashi, duke shtuar se do të vazhdojnë bashkëpunimin me LDK-në.

"Ne jemi për bashkëpunim dhe kemi bashkëpunuar gjithë më LDK-në”, është shprehur Gashi.

Pavarësisht kësaj, Gashi ka thënë se do të jenë pjesë e Qeverisë të drejtuar nga Hashim Thaçi.

“Ne jemi pjesë e Qeverisë dhe do të mbesim pjesë e saj në kuptimin e stabilitetit politik, kur të vendosë Kuvendi për ta shpërbërë vetveten dhe Qeverinë, atëherë ne do t’i marrim veprimet tona. Derisa Kuvendi i Kosovës i jep mandat kësaj Qeverie për të vazhduar së ekzistuari, ne do të jemi pjesë e Qeverisë”, është shprehur Gashi.

I pyetur se, sa është i vërtetë lajmi që Ukë Rugova ka kaluar në LDK, Gashi është përgjigjur: “Lajmet nuk kanë dalë prej Ukë Rugovës por kanë dalë prej një ‘Facebook-u’ që nuk është i Ukë Rugovës”, ka thënë Gashi.