[King_Gentius]

PE miraton rezolutën: Shqipërisë t’i jepet statusi “kandidat”

- 12/12/2013 - 11:07 AM
Rezoluta u miratua me shumicë votash në Parlamentin Europian këtë të enjte. “Këshilli duhet ta bëjë Shqipërinë zyrtarisht kandidate për anëtarësimin në BE, pa vonesë”-thuhet në rezolutë. Raportuesi për Shqipërinë, Nikola Vuljaniç tha se me këtë miratim “po dërgojmë një mesazh unanim ndaj Këshillit Europian: Shqipëria meriton t’i jepet statusi “kandidat”
Denion Ndrenika
“Më lejoni t’u jap një lajm të mirë: Parlamenti Europian e miratoi rezolutën në seancë plenare sot”.
Kjo ishte fjalia që kryetari i Kuvendit, Ilir Meta ua drejtoi deputetëve në seancën plenare ndërsa ishte përfshirë në një debat për shkarkimet në administratë.
Ky çast u shoqërua me duartrokitje nga deputetët, pasi shënoi një mbështetje shumë të rëndësishme të Parlamentit Europian që Këshilli Europian t’i japë Shqipërisë statusin e vendit “kandidat” për anëtarësim në Bashkimin Europian.
Mbledhja pritet të zhvillohet ndërmjet datave 17/19-20 dhjetor dhe do të marrë në shqyrtim rekomandimin e Komisionit Europian për t’ia dhënë statusin Shqipërisë.
Rezoluta u miratua me shumicë votash në Parlamentin Europian këtë të enjte.
“Këshilli duhet ta bëjë Shqipërinë zyrtarisht kandidate për anëtarësimin në BE, pa vonesë”-thuhet në rezolutë.
Raportuesi për Shqipërinë, Nikola Vuljaniç tha se me këtë miratim “po dërgojmë një mesazh unanim ndaj Këshillit Europian: Shqipëria meriton t’i jepet statusi “kandidat”.
Sipas eurodeputetit Vuljaniç, Shqipëria “përparoi axhendën e reformave dhe arriti nivel të ri pjekurie politike duke kaluar në mënyrën e duhur pushtetin në paqe pas zgjedhjeve të përgjithshme të 23 Qershorit”.
Zoti Vuljaniç e bëri deklaratën pas votimit.
Partitë dhe shoqëria në Shqipëri, megjithatë kërkohet në këtë rezolutë, që të përmirësojnë frymën e dialogut dhe mirëkuptimit;
se korrupsioni dhe pandëshkueshmëria mbizotërojnë ende;
se duhen reformat dhe rezultate për sundimin e ligjit, luftës ndaj krimit të organizuar, korrupsionit të të gjitha niveleve;
trafiqeve të lëndëvë narkotike, armëve dhe qenieve njerëzore; bashkëpunim të qëndrueshëm ndërmjet qeverisë dhe opozitës;
ndërtimin e administratës publike efikase e të pavarur dhe përmirësimin e sistemit të drejtësisë.
Rezoluta thekson domosdoshmërinë për një sistem drejtësie plotësisht të pavarur, eficent, të drejtë dhe më shumë i parashikueshëm, që “të mund të kthente besimin e qytetarëve dhe biznesit ndaj gjyqësorit”.
Eurodeputetët në Strasburg të Francës rrëzuan ndërkohë disa amendamente, por nuk e cenuan thelbin për t’ia dhënë statusin “kandidat” Shqipërisë “pa humbur kohë”.
Gjatë diskutimeve, të theksuara në rezolutë, përgëzohet Shqipëria për përmbushjen e 12 rekomandimeve të Komisionit Europian të tetorit 2012 si dhe zhvillimin e zgjedhjeve të përgjithshme të 23 qershorit.


http://illyriapress.com/pe-miraton-r...tusi-kandidat/


Pra shkurt o popull duhet te tregojme seriozitet ne qellimin tone qe kur te bashkohemi ne EU do jemi kontribues dhe jo vetem marres, duhet te kemi nje force pune te pergatitur per kompeticion ne ekonomi globale, dhe jo me diploma te blera ne kafene. Ne nuk duhet ta bejme si greket qe hyne ne EU me genjeshtra per financat e tyre, dhe pasi hyne vodhen sa kishin mundesi derisa arriten ne piken e kulmit qe do merrnin shqelme jashte Evropes, dhe po mbyten ne borxhe te dalin nga kriza, pra skandal boteror.