[4peace]

vazhdim:









BOTA E XHINËVE





Xhinët për ne janë një botë e posaçme, e padukshme. Fjala xhin është shumësi i fjalës arabe “xhinij”, që dtth: i mbuluar, i padukshëm. Prandaj, kjo botë është quajtur e “xhinëve”, që dtth: e të padukshmes, ndërsa njerëzit janë quajtur “insanë”, që dtth: të dukshëm.







Xhinët sidoqoftë janë krijuar para njerëzve. All-llahu i Lartmadhëruar, xh.sh., thotë: “Ne e krijuam Ademin (njeriun) nga balta e argjilit, të zi e të prishur, e xhinët i krijuam më parë, nga zjarri e nga flala e fortë” (el-Hixhr, 26-27).







Për dallim nga njerëzit, të cilët, siç thotë All-llahu i Lartmadhëruar, xh.sh., në Kur’an, që e krijuan nga toka, xhinët u krijuan nga zjarri, gjë për të cilën flasin edhe Kur’ani dhe Hadithi.







“Ai e krijoi njeriun nga balta e terur, si (enë balte) e pjekur, dhe xhinët nga flaka (pa tym) e zjarrit”.





“Ne e krijuam Ademin e pastaj ia dhamë formën, e pastaj u thamë engjujve: “përuljuni atij!” dhe ata iu përulën, ndërsa Iblisi nuk deshti t’i përulet. “Përse nuk iu përule kur të urdhërova?”, e pyeti Ai. “Unë jam më i mirë se ai; mua më krijove nga zjarri, ndërsa atë nga balta e argjilit”, u përgjigj ai”.

(Er-Rrahman, 14-15.)







Muslimi në Salih shënon nga Aisha r.a., e cila kishte thënë: I dërguari i All-llahut, a.s., ka thënë: “Melekët (engjujt) janë krijuar nga drita, xhinët nga prushi i zjarrit, ndërsa Ademi është krijuar nga ajo që tashmë u është pëshkruar.”













XHINËT DO TË VUAJNË NË XHEHENNEM (FERR)











Meqë xhinët janë krijuar nga zjarri, ndokujt s’i besohej e nuk mund të kuptonin që disa nga xhinët, si edhe njerëzit, do të vuajnë në zjarrin e xhehenemit, gjë që e vërtetojnë edhe ajetet pëkatëse të Kur’anit:





“Hyni në xhehennem me atë popull që ishte para jush nga xhinët dhe njerëzit”. (El-A’raf, 38)





“Dhe do të plotësohet fjala e Zotit tënd; do ta mbush gjithsesi xhehennemin me të gjithë xhinët dhe njerëzit”. (Hud,119.)





“Dhe ata që i kanë sjellur lajthitje, do të hidhen në të, dhe ushtritë e Iblisit – të gjithë së bashku. Dhe, ata, duke u grindur, do të digjen në të”. (Esh-Shuara, 94-96.)







Xhinët në të vërtetë janë të krijuar nga zjarri, por nuk kanë ngelur zjarr. Ata, si qenie të posaçme, janë krijuar nga zjarri. Më vonë, All-llahu i Lartmadhëruar, u ka dhënë formën që ka dashur dhe ka frymëzuar shpirtin në ta. Njësoj sikundër njeriu që është krijuar nga dheu, por nuk ka mbetur dhé. Dhe, njësoj si njeriu që është i krijuar nga dheu, ndien dhimbje kur bie në tokë (dhé), apo kur ndonjë mjet nga dheu i bie në kokë, apo nëse dikush e godet me ndonjë mjet nga toka, apo me gur – po ashtu edhe xhini ndien dhembje nga zjarri.







Madje, ndër të tjera, po të ngelnin zjarr xhinët, All-llahu, xh.sh., do të ishte i aftë t’i dënojë me zjarr, sepse Ai ka mundësi për çdo gjë. Ai është i plotfuqishëm e i Gjithëmundshëm. Edhe vetë xhinët e pranojnë që ata të padëgjueshmit në mesin e tyre, do të denohen në zjarr të xhehennemit: “Është e vërtetë se prej nesh ka besimtarë dhe prej nesh ka që janë jashtë rrugës, e kush e pranoi islamin, fitoi rrugën e shpëtimit. Ndërsa ata që e lëshuan rrugën, ata u bënë lëndë (djegëse) e xhehennemit”. (el-Xhin, 14-15.)







vazhdon (mes tjerash) me:

XHINËT DO TË HYJNË NË XHENNET (PARAJSË)