[4peace]

Sqarim i shkurtër për ata që tregojnë interesim…





Këtë temë që kam hapur unë, pra „Jezusi (Isa a.s.) do të kthehet në tokë, e kam hapur i shtyer më së tepërmi nga situata e ligë kudo në botë. Shtjellimi i kësaj teme bëhet duke u mbështetur në burime të sigurta islame. Unë gjithashtu jam i vetëdijshëm për atë se në këtë forum marrin pjesë edhe shqiptarë të konfesioneve tjera. Megjithatë, më duhet të theksoj se nuk e kam për qëllim ta denoncoj apo uli ndonjë individ me bindje e besim tjetër. Pra, nuk dua kurrsesi që, duke folur për islamin, të mirrem me religjione tjera dhe ta ngris veten në llogari të tyre. Këtu shënon „Feja e shqiptarit“, ashtuqë kanë të drejtë të flasin të gjithë pa dallim. Mirëpo, që ditën e parë pas rihapjes së këtij forumi më ka rënë në sy se disa ndjejnë kokëdhembje sa hare të përmendet Kur’ani, islami… Këtyre iu kisha sugjeruar që, sa herë të kenë dhimbje koke, le të marrin ASPIRIN, le të shkojnë te „hoxha“/“prifti“, te mjeku specialist apo t’ia bëjnë çaren vetes në ndonjë mënyrë tjetër.





Siç e ceka edhe pak më lart, gjindemi në një kohë të pakohë. Në një kohë ku mbisundon e keqja. Mbisundon korrupcioni, padrejtësia… Jemi në një kohë ku të pasurit pasurohen gjithnjë e më shumë ndërsa të varfërit varfërohen gjithnjë e më shumë. Dikush, ruana Zot nga këto të këqia, ka edhe për të hedhur ushqim e dikush nuk ka as për ta ngopur barkun. Njerëzit vdesin nga uria. Për këtë arsye, ata që vuajnë nga të gjitha këto të këqia me plot të drejtë presin t’iu vijë ndonjë shpëtimtar. Besimtarët ndër ta e lusin pandërprerë Zotin për t’iu ardhur në ndihmë… Bazuar nga disa ngjarje të kohëve të mëhershme që mund t’i lexojmë në Kur’an , All-llahu i Lartmadhëruar iu ka dalë gjithmonë në ndihmë lutjeve të besimtarëve të sinqertë. Prandaj, edhe kësaj rradhe, besimtarët e sinqertë dhe të përshpirtshëm e presim me padurim ardhjen e profetit Isa a.s. (Jezu Krishtit).





Për disa që nuk e kuptojnë, një sqarim:

Një ndër pesë shtyllat e islamit është:Besimi në profetët e All-llahut Me këtë nënkuptojmë se çdo besimtar beson në të gjithë të dërguarit e Zotit, duke filluar nga Ademi a.s. (Adami) e deri te profeti i fundit Muhammed, bekimi dhe mirësia e All-llahut qofshin mbi të. Prandaj, nuk qëndron fare kur thuhet „ky (profet) është yni e ai i juaji“. Të mos flasim për ata që flasim me „ky është Zoti ynë e Ai është i atyre…“, gjë që nuk qëndron fare. Por ne, të gjithë njerëzit, pa dallim konfesioni, gjinie, ngjyre… jemi të Tij.





Megjithëse këtë temë do ta postoj në formë fejtoni, kjo nuk do të thotë se iu është e ndaluar dukujt pjesëmarrja në të. Megjithatë, unë do të reagoj vetëmse ndaj atyre që janë ose mundohet të jenë konstruktiv në bisedë a debat. Pra, do t’i përgjigjem vetëm atyre që flasin, ashtu të them, „për lisat“ e jo atyre që „falisn për fshisat“.





Të nderuarit e mi



Siç keni mundur të hetoni, nick-u im është „4peace“ , që dtth se jam për paqë. Këtë nick do të mundohem ta dëshmoj me të gjitha mundësitë e mia.





Shpresoj se do të mbisundojë paqe në botë.

Shpresoj se do të mbisundojë paqja edhe në këtë forum.

Shpresoj gjithashtu se ky forum të bëhet shembull për shumë gjëra të mira.





Paqe, mirësi, lumturi e shëndet për të gjithë!





Juaji

4peace