[4peace]

Lindja e Merjemes dhe si ishte rritur/edukuar ajo









Merjemja, që ishte përzgjedhur për ta lindur Jezusin, ka lindur në një kohë parregullsish kur të gjithë bijtë e Izraelit të gjitha shpresat i kishin mbështetur në ardhjen e një Mesiu. Ajo rridhte nga një familje e fisme, nga familja Imran(Amran). Allahu e kishte favorizuar këtë familje mbi pjesën tjetër të njerëzve.







Anëtarët e familjes së Imranit kishin qenë të njohur si besimtarë të thellë. Për të gjitha veprat e tyre iu drejtoheshin Allahut me qëllim që të mos i tejkalonin kufinjtë e vendosur prej Tij. Kur bashkëshortja e Imranit kuptoi se ishte shtatzënë e ftoi Krijuesin e vet dhe iu kushtua asaj që i flinte në zemër. Për këtë Allahu raporton si në vijim:







Kur gruaja (nga familja) e Imranit lutej: „ Zoti im, të premtoj se do ta mbajë atë që është në prehrin tim. Ndaj pranoje këtë nga unë. Shih! Ti i Dëgjueshmi, i Dituri.“





Dhe kur e kishte lindur atë, ajo tha: „Zoti im, shihe, kam lindur një çupëz.“ Allahu e dinte shumë mirë çka kishte lindur ajo; meqë çuni nuk është si çupëza. „Dhe unë e kam emërtuar (me emrin) Merjeme dhe prandaj kërkoj për të dhe pasardhësit e saj mbrojtje te Ti nga satani i mallkuar.“ (sure 3:35 – Al-‚Imran)









Pas lindjes së Merjemes (Marisë) bashkëshortja e Imranit kërkonte vetëmse kënaqësinë e Allahut. Ajo i lutej Atij dhe e kishte vendosur Merjemen dhe fëmijët e vet nën përkujdesjen e Tij për mbrojtje nga satani. Si kundërshpërblim ndaj çiltërsisë dhe lutjes së saj Allahu i kishte dhënë Merjemes virtyte të fisme. Në Kur’an Allahu na e shpjegon se si ishte rritur Merjemja nën mbrojtjen dhe përkujdesjen e Tij.







Dhe kështu e pranoi atë nga ajo me plot hirë dhe e la (ia mundësoi) të rritet në rritje të mbarë. Kurse Zekerijaja (Zahariu) kujdesej për të...“ (sure 3:37 – Al’Imran)









Zekerijaja ishte bërë tutor i saj dhe përgjat asaj kohe që kishte kaluar ajo me të ai kishte konstatuar se ajo posedonte me aftësi të jashtëzakonshme. Veç tjerash Allahu i kishte dhënë asaj të ngrëna „ pa kurrfarë llogarie“:



...Sa herë që kishte hyrë Zekerijaja te ajo në tempull pranë saj kishte gjetur ushqim: pastaj pyeste ai: „ O Merjeme, prej nga e ke këtë?“ Ajo përgjigjej:“ Kjo është nga Allahu. Vërtet, Allahu e furnizon, kë të dojë Ai, pa llogaritur.“ (sure 3:37 – Al-‚Imran)







Ashtu siç e kishte përzgjedhur Allahu familjen e ´Imranit, në të njëjtën mënyrë e kishte përzgjedhur edhe Merjemen si anëtare të kësaj familjeje dhe i kishte mundësuar edukim të jashtëzakonshëm. Ai e kishte dëlirësuar atë dhe e kishte ngritur (favorizuar) mbi të gjitha femrat tjera. Kur’ani lidhje me këtë thot:







E kur folën engjujt: „ O Merjeme! Allahu me të vërtetë të ka përzgjedhur e të ka dëlirësuar dhe të ka përzgjedhur para femrave të gjithë botës.



O Merjeme! Jij e devotshme para Zotit tënd dhe gjunjëzohu (bëj sexhde) dhe përkulu (përtokë) me ata që përkulen. (sure 3:42-43 – Al-´Imran)







Në bashkinë ku jetonte ajo ishte ngritur në një personalitet që kishte qenë e njohur me lojalitetin dhe çiltërsinë e saj ndaj Allahut. Ajo ishte bërë veçanërisht e njohur si femër, „e cila e ruante virgjërinë“.





Dhe (si shembull i mëtutjeshëm) Merjemja, i bija e Ímranit, që e ruante virgjërinë e vet. Dhe ajo besonte në fjalët e Zotit të saj dhe në Shkrimet e Tij dhe ishte njëra nga ata që (i) shërbejnë (Allahut). (sure 66:12 – at-Tahrim)





vazhdon me:







Kur Merjemja bëhet shtatzënë