[4peace]

Mesazh urimi me rastin e agjërimit të muajit të bekuar të Ramazanit







Në emrin tim dhe forumit dardania.de ua uroj të gjithë besimtarëve shqiptarë të forumit si dhe mbarë besimtarëve kudo që gjinden dhe jetojnë në botë, muajin e bekuar të Ramazanit të ndershëm. Duke shpresuar se ky muaj do të jetë shkollë e edukimit, pastrimit, emancipimit, lartësimit shpirtëror si dhe i fuqisë dhe i bukurisë.









Këtë muaj besimtarët islam, anë e kënd botës e presin me kënaqësinë më të madhe, sepse agjërimi i shëndritë zemrat e besimtarëve dhe i ngritë në shkallën më të lartë të devotshmërisë. Ndërsa, largon nga zemra zilinë,urrejtjen,përgojimin,egoizmin, përtacinë… Pastaj, i fton që të bëhen personalitete të sinqertë, të butë të mëshirshëm ndaj besimtarëve,të jenë të dashur mes veti, t`ia ruajnë shpinën njëri tjetrit, si të jenë një trup dhe shpirt.









Andaj, sot, kush ka nevojë më tepër se ne shqiptarët për pastrim shpirtëror,për qëndrueshmëri, durim, mbisundim mbi epshet, për çlirim nga kolonizimi shpirtëror, për stabilitet, paqë dhe harmoni, si dhe marrëdhënie të mira...









Kur dihet se kemi shum gjëra të përbashkëta ,para se gjithash,jemi njerëz,gjithë jemi të kësaj toke, detyrat dhe të drejtat i kemi të barabarta, së bashku duhet ta ndërtojmë këtë botë të kujdesemi dhe të luftojmë për ardhmërinë më të mirë, dhe së bashku të i përjetojmë begatitë e saja.









E lusim All-llahun e Madhëruar, që ky muaj i bekuar të jetë frymëzim i shpirtit të besimtarëve, që në fund të shpërblehen me dhuntitë që ua dhuron All-llahu si shpërblim.









"""