[4peace]

vazhdim:











MUNDËSITË E SHNDËRRIMIT DHE MISHËRIMIT











Pyeta: “A e posedojnë të gjitha llojet e xhinëve mundësinë e shndërrimit dhe mishërimit në formën dhe figurën e dëshiruar? Do të thotë se çdo xhin është në gjendje ta bëjë këtë?”









“Jo, këtë nuk e posedojnë të gjithë”, tha ai. “Ekzistojnë lloje të xhinëve, të cilët, All-llahu i Lartmadhëruar, i ka krijuar të atillë që të mos mund të shndërrohen e mishërohen (trupëzohen). Siç është, bie fjala, rasti me xhinin përcjellës të njeriut (Karinin). Përderisa është te njeriu, për të cilin është i obliguar për ta përcjellur, nuk mund të mishërohet. Pasi personi përkatës të ketë vdekur, xhini mbetet, meqë xhini jeton më gjatë se njeriu dhe atëherë mund të shndërrohet (në diçka tjetër) e të mishërohet (trupëzohet). Gjithashtu, ekzistojnë lloje të xhinëve, të cilët nuk mund të mishërohen për shkak të mundësive të tyre të kufizuara, meqenëse mishërimi kërkon energji jashtëzakonisht të madhe. Për këtë arsye, këtë janë në gjendje ta bëjnë vetëmse xhinët demonë (Ifritët).











Maridët, xhinët që janë fare të vegjël e të dobët, deri sa të rriten e ta arrijnë moshën e caktuar. Me kalimin e viteve, ata e fitojnë edhe fuqinë (energjinë). Atëherë edhe ata e kanë këtë mundësi, por deri te një kufi i caktuar. Gjithashtu edhe nga shejtanët ekzistojnë të atillë që mund të mishërohen dhe të atillë që nuk mund ta bëjnë këtë”.











“Kjo është e tmerrshme. A ekziston mundësia që xhini musliman apo shejtani të shndërrohet në pamjen e mikut të njeriut, familjarit e madje edhe në figurën e burrit të gruas?”











“Jo, nuk mundet! Këto gjëra nuk shkojnë deri në atë shkallë. Akti i shndërrimit dhe i mishërimit është gjë shumë e vështirë si për xhinët, ashtu edhe për shejtanët. Për këtë lypset një mundim i madh fizik e psikik, gjë që është vështirë edhe për ta marrë me mend. Mishërimi kryhet për një a disa minuta, varësisht nga forca dhe energjia e xhinit. Për këtë shkak, është shumë vështirë, të mos themi, e pamundur dhe e paparamendueshme që xhini të shndërrohet në fytyrë të bashkëshortit të gruas apo në ndonjë figurë të ndonjë njeriu tjetër dhe në këtë gjendje të mund të qëndrojë për kohë të gjatë. Përveç kësaj, aty qëndron edhe një tjetër gjë, të cilën do të ta them haptas. Xhinët apo shejtanët kanë frikë nga njerëzit. Forma në të cilën shndërrohet xhini a shejtani, e frenon në këtë. Kështuqë, po ta kapte ndokush në atë formë apo edhe ta mbyste, ai patjetër do të vdiste. Ose, po ta kapte e ndaj tij do ta thoshte Ajetul-Kursijun, ai do të çmendej e dridhej i tëri. Ndoshta nga kjo do t’i binte pika në zemër e do të vdiste, kështuqë nuk ka besim ndërmjet njeriut dhe xhinit”.











“Për çfarë arsye xhini a shejtani ndien vështirësi gjat mishërimit në ndonjë fytyrë a formë?











“Njeriu nuk është i vetëdijshëm se çfarë mundi e energjie nevojiten për mishërim. Natyra jonë është ajo, në të cilën ka ka krijuar All-llahu i Lartmadhëruar. Orvatja që të dalim nga kjo natyrë në ndonjë figurë tjetër apo formë, me përcaktimin e All-llahut, sepse Ai na e ka dhënë këtë mundësi – na sjell në situatë të atillë, për të cilën paguahmë çmim të madh; me nervat dhe psikën tonë e madje edhe me organet trupore, të cilat, pasi të kthehemi sërish në gjendjen tonë natyrore, na bëhen aq të rraskapitura e të dobësuara ashtuqë nevojitet një kohë shumë e gjatë deri sa të kthehet çdo gjë në gjendje normale. Kjo është një ngarkesë dhe frikë e xhinit a shejtanit aq e madhe me vet faktin për t’i hyrë shndërrimit në ndonjë figurë tjetër. Përveç kësaj, shumë nga xhinët ua kanë frikën njerëzve, meqenëse janë të vetëdijshëm se ka njerëz që dijnë të vëjnë kontakt me këtë botë (të xhinëve), prandaj kanë dronë se mos njerëzit e tillë do t’i denonconin te kryetari i fisit a qytetit e do të gjykoheshin me burgim”.











“Kjo do të thotë se ju keni ligje, gjykata, gjyqtarë...?”











“Posi”, tha ai. “Xhinët muslimanë, në tërësi, e aplikojnë islamin shumë më mirë se sa e aplikojnë njerëzit. Përsa u përket xhinëve muslimanë, sejcili nga ta i aplikon ligjet e veta. Meqenëse (në mesin e tyre) ka edhe komunistë, budistë, çifutë e të krishterë, sejcili vepron sipas ligjit të ideologjisë së vet”.











vazhdon (mes tjerash) me:









USHTRITË E XHINIT MUSLIMAN NË AFGANISTAN











_____