[enesi_21]

Statusi i gruas muslimane në islam është shumë i ndershëm dhe i pasur dhe efekti i kësaj është shumë i madh në jetën e çdo muslimani. Me të vërtetë gruaja muslimane është mësuesja e parë në ndërtimin e një shoqërie të drejtë duke udhëzuar me Librin e Allahut dhe Sunnetin e të Dërguarit të Allahut, salallahu alehji ve sel-lem. Përderisa mbështetja në Kur'an dhe Sunnet e distancon çdo musliman mashkull ose femër nga ç'udhëzimi në çdo çështje. ا'udhëzimi nga i cili shumë kombe vuajnë dhe të qenurit e tyre të devijuar nuk vjen përveç se nga të qënurit larg nga rruga e Allahut subhanehu ve teala dhe të qenurit larg nga çfarë sollën Pejgamberlerët dhe të Dërguarit e Tij, alejhimus selam. Pejgamberi, salallahu alejhi ve sel-lem, ka thënë:



"Unë jam duke ju lënë dy çështje kështu që ju të mos humbni aq gjatë sa të kapeni për to, Librin e Allahut dhe Sunnetin tim". [2]



Rëndësia e madhe e rolit të gruas muslimane qoftë si grua, si motër ose si vajzë është e përshkruar në Kur'anin fisnik dhe më e detajuar është e shpjeguar nga Sunneti i pastër për drejtat që i kërkohen asaj dhe të drejtat që asaj duhet ti garantohen.



Sekreti i rëndësisë së saj qëndron në përgjegjësinë dhe barrën e saj të madhe që asaj i është ngarkuar dhe vështirësitë që ajo ka për të mbajtur, përgjegjësi dhe vështirësi që madje edhe një burrë nuk mund t'i përballojë. Kjo është sepse nga obligimet më të rëndësishme mbi një person është të tregojë mirënjohje për nënën dhe këndshmëri dhe shoqëri të mirë me të. Dhe në këtë çështje asaj duhet t'i jepet përparësia përpara babait.



Allahu, subhanehu ve teala, thotë:



"Ne njeriun e kemi urdhëruar për (sjellje të mira ndaj) prindërit të vet, sepse nëna e vet atë e barti me mund pas mundi dhe pas dy viteve ia ndau gjinin. (e porositëm) Të jesh mirënjohës ndaj Meje dhe ndaj dy prindërve tu, pse vetëm tek Unë është kthimi juaj". [Lukman: 14]



Allahu, subhanehu ve teala, thotë:



"Ne e urdhëruam njeriun t'u bëjë mirë prindërve të vet, ngase nëna e vet me mundim e barti dhe me vështirësi e lindi, e bartja e tij dhe gjidhënia e tij zgjat tridhjetë muaj (e ai vazhdon të jetojë) derisa të arrijë pjekurinë e vet dhe kur t'i mbush dyzet vjet ai thotë: “Zoti im, më inspiro mua që të falënderoj për të mirën tënde që ma dhurove mua dhe prindërve të mij, që të bëj vepra të mira që i pëlqen Ti dhe m'i bën të mirë pasardhësit e mij, unë pendohem te Ti dhe unë jam me myslimanët". [Ahkaf : 15]



Një njeri erdhi tek i dërguari i Allahut, salallahu alejhi ve sel-lem, dhe i ka thënë: "O Resulullah! Kush nga njerëzit e meriton më shumë ta duaj unë? Ai iu përgjigj: "Nëna jote". Njeriu e pyeti: "Pas saj kush është?" Kështu ai iu përgjigj: "Nëna jotë".



Njeriu e pyeti: "Pas saj kush është? Kështu Pejgamberi iu përgjigj përsëri: "Nëna jote". Pastaj njeriu e pyeti: "Pas saj kush është? Kështu ai iu përgjigj: "Babai yt". [3]



Kështu kjo e bën të nevojshme që nënës ti jepet tre herë më shumë këndshmëri dhe trajtim të mirë sesa babait.



Përsa i përket gruas atëherë statusi i saj dhe efekti i saj në krijimin e një shpirt të qetë dhe të këndshëm është treguar qartë në ajetin e nderuar në thënien e Allahut:



"Dhe nga faktet (e madhërisë së) e Tij është që për të mirën tuaj, Ai krijoi nga vetë lloji juaj palën (gratë), ashtu që të gjeni prehje tek ato dhe në mes jush krijoi dashuri dhe mëshirë. Në këtë ka argumente për njerëzit që mendojnë". [er-Rum: 21]



El-Hafidh Ibën Kethir (774 h), rahimehullah, ka thënë ndërsa ka shpjeguar termin mu-uaddah dhe rahmah, në ajetin e mësipërm: "El-mu-uaddah do të thotë dashuri dhe përkujdesje dhe er-rahmah do të thotë dhembëshuri dhe mëshirës përderisa një burrë e merr një grua ose për shkak nga dashuria e tij për të ose për shkak të dhembshurisë dhe mëshirës ndaj saj duke i dhënë asaj një fëmijë prej vetes. . . . " [4]



Dhe qëndrimi unik që gruaja e Pejgamberit, salallahu alejhi ve selam, Hatixha mori, pati një efekt jashtzakonisht të madh në qetësimin dhe sigurimin e Pejgamberit, salallahu alejhi ve selam, kur meleku Xhibril alejhis selam erdhi së pari tek shpella e Hiras. Kështu Pejgamberi, salallahu alejhi ve selam, u kthye tek Hatixha, radiallahu anha, me shpalljen e parë dhe me rahjet e tij të zemrës dhe shqetësimin që pati duke i thënë asaj: "Më mbulo, më mbulo".



Kështu ajo e mbuloi derisa frika i iku e pastaj i tregoi Hatixhas, radiallahu anha, çdo gjë që ndodhi duke thënë: "Unë i frikësohem që diçka është duke ndodhur me mua".



Kështu ajo i tha atij:



"Kurrë! Pasha Allahun! Allahu kurrë nuk do të të poshtërojë ty. Ti i mban lidhjet farefisnore, i ndihmon të varfërit dhe të vobektit, ti i shërben miqve bujarisht dhe i ndihmon atyre të cilëve i ka rënë ndonjë fatkeqësi". [5]



Dhe të mos harrojmë Aisha-n, radiallahu anha, dhe efektin e saj. Ndërsa edhe sahabet e mëdhenj merrnin mësim nga ajo në dijen e Hadithit dhe shumë sahabije mësuan çështje që kishin lidhje me gruan.



Dhe unë nuk kam dyshim se nëna ime, rahimehullah, ka pasur një efekt shumë të madh mbi mua dukë më inkurajuar mua për të studjuar dhe ajo më mbështeti mua në këtë. Allahu ia shtoftë shpërblimin e saj dhe ta shpërblejë më mënyrën më të mirë për atë që ka bërë për mua.



Dhe nuk ka asnjë dyshim gjithashtu që në shtëpinë që ka këndshmëri, sjellshmëri, dashuri dhe përkujdesje përkrah edukimit korrekt islam do të ketë efekt shumë të madh tek burri. Kështu ai do të bëhet, inshallah, i sukseshëm në punët e tij dhe në çdo çështje qoftë në të kërkuarit e dijes, tregtisë dhe të krijuarit e një jetese ose të tjera nga këto. Kështu është Allahu i vetëm të cilit unë i kërkoj të na jap sukses dhe të na udhëzojë ne të gjithëve në atë që Ai do dhe është i kënaqur me të. Dhe salavatet dhe selamet qofshin mbi të Dërguarin e tij, Muhammedin salallahu alejhi ve selam, mbi familjen e tij, shokët e tij dhe të gjithë ata që ndjekin rrugën e tij.