[MemphiSx]

PARLAMENTI RREZON FATOS NANON

Eglantina Nasi

Rezultati i votimit te djeshem ne Kuvend:

Te pranishem 137 deputete

Kunder 70 deputete

Pro 62 deputete

Abstenim 5 deputete

Deputetet qe munguan dje ne seance:

- Arta Dade PS

- Taulant Dedja PS

- Luan Rama PS

Parlamenti rrezon Nanon! Me 70 vota kunder dhe 62 te tjera pro, deputetet i kane thene pa frike "jo" kerkeses per heqjen e imunitetit te kolegut te tyre Nikolle Lesi. Kjo kerkese kryenece e bere ndaj nje deputeti qe guxoi t'u kundervihej aferave te familjes kryeministrore nuk u pranua perfundimisht nga gjysma e deputeteve te parlamentit shqiptar. Rezultati perfundimtar i votimit tregoi se nga 137 deputete te pranishem ne sallen e Kuvendit, vetem 62 prej tyre u bashkuan me kerkesen e kryeministrit dhe pese te tjere abstenuan. Ndersa 70 te tjere kundershtuan heqjen e imunitetit te deputetit Lesi. Askush nuk mund ta mohoje. Gezimi per rezultatin e ketij votimi filloi te ndihej ne sallen e Kuvendit ende pa u deklaruar zyrtarisht. Votat vazhdonin te lexoheshin, por nderkaq deputetet e opozites dhe dashamires ndaj Lesit, filluan me kohe qe ta perqafonin dhe ta uronin per rezultatin. Kjo sepse dukshem, gjate gjithe procesit te numerimit te votave, votat "Kunder" ishin me te shumta ne numer se ato "Pro" heqjes se mandatit te deputetit Nikolle Lesi. Nderkaq, nga pala e socialisteve dje ne sallen e Kuvendit nuk ishin te pranishem deputetet Arta Dade, Luan Rama dhe Taulant Dedja. Ndersa kryeministri Fatos Nano, i cili nuk ishte per asnje moment gjate diskutimeve ne salle, u paraqit vetem gjate atij te votimit ku edhe hodhi voten e tij ne kuti, per t'u larguar perseri.

Votat "kunder" pertej opozites

Votat kunder heqjes se imunitetit te deputetit Nikolle Lesi, duket se kane kapercyer edhe votat e deputeteve demokrate te pranishem ne seancen plenare. E perfaqesuar me jo me shume se 40 deputete ne Kuvend, Partia Demokratike kishte deklaruar prej kohesh se votat e saj do te ishin te gjitha kunder deputetit Nikolle Lesi, pra pro heqjes se imunitetit te tij. Nderkaq, rezultati perfundimtar i votimit tregoi se jane gati 30 vota me teper "kunder" qe u shenuan ne perfundim te votimit te djeshem. Brenda tyre futen votat e deputeteve te Levizjes Socialiste per Integrim, qe gjithashtu si opozita kishin percaktuar qe ne fillim qendrimin e tyre per rezultatin e ketij votimi. Por te kujt jane edhe rreth 20 votat e mbetura nga diferenca, qe kishin votuar kunder heqjes se imunitetit? Te ben te mendosh se ka patur edhe deputete socialiste qe kane patur dje kurajon te votojne kunder kryenecesise se kryetarit te tyre dhe bashkeshortes se tij. Por edhe se deputetet e qendres i jane bashkuar te njejtit qendrim, perkrah deputetit demokristian Nikolle Lesi. Socialistet qe kane tradhtuar ne momentin e fundit Nanon i treguan atij se jo cdo gje qe mund te urdheroje do te respektohet prej tyre.

Nuk u degjua minoranca

Persa i perket vendimit te marre nga Komisioni parlamentar i Mandateve, u lexua vetem ai i nxjerre nga deputetet e mazhorances. Ky raport u lexua nga kryetari i ketij komisioni, Leke Cukaj, duke u nderprere dy here prej deputeteve. Nga ana e saj, opozita e pranishme ne Kuvend kerkoi qe te thoshte edhe ajo fjalen e saj ne lidhje me kete ceshtje. Permes kryetarit te saj, Sali Berisha, opozita kerkoi qe ne seance te lexohej patjeter edhe mendimi i minorances. Por nje gje e tille nuk eshte pranuar aspak nga kryetari i Kuvendit, Servet Pellumbi, i cili e argumentoi nje gje te tille me kundervenien ndaj rregullores se seancave plenare. Nderkaq, per te percjelle zerin e opozites gjate seances se djeshme plenare, fjalen e mori kryetari i grupit te saj parlamentar, Bamir Topi. Nje gje e tille u sigurua vetem pas nje takimi qe ai zhvilloi me kreun e seancave, Servet Pellumbi. Sipas Topit, krimi dhe korrupsioni i kane shtrire tentakulat edhe ne drejtimin e parlamentit. Por nje deklarate e tille e kreut parlamentar te minorances ne parlament ndeshi ne reagimin e deputeteve socialiste. Sipas kreut te grupit parlamentar te Partise Demokratike, edhe komisioneret e opozites ne Komisionin e Mandateve kane te drejte te lexojne nje raport te tyre per ceshtjen "Lesi". Sipas tij, publiku duhet te marre mendimin e mazhorances, por edhe te minorances ne Komisionin e Mandateve dhe Rregullores. Nga ana tjeter, Topi gjeti rastin qe gjate fjales se tij te kritikonte edhe mungesen e paargumentuar te kryeministrit Fatos Nano, i cili sipas tij, ishte personi kryesor i perfshire ne ceshtjen per te cilen ishte mbledhur parlamenti. "Ne kete seance mungon personi kryesor qe eshte involvuar ne kete seance. Jepjani fjalen Olldashit dhe le te vije dhe kryeministri ne seance", tha lidhur me nje fakt te tille Bamir Topi. Por nje gje te tille, kryetari i Kuvendit, Servet Pellumbi, e ka kundershtuar serish me vendosmeri duke pohuar se rregullorja nuk parashikonte qe te lexohet edhe vendimi i pakices ne komision. "Une te bera nje nder qe te dhashe fjalen dhe ju duhet te ma shperbleni kete. Une fjalen mund t'ia jap vetem zotit Lesi", deklaroi Pellumbi.