[dr.hektor]

Marre nga QIK.
Kosova.com

Bruksel, 24 nëntor - Europarlamentarja gjermane Doris Pak ka raportuar sot për Kosovën para Komisionit të Punëve të Jashtme të Parlamentit Evropian, duke i njohur europarlamentarët edhe me mënyrën se si u zhvilluan zgjedhjet e fundit, me rezultatet e tyre si dhe me gjendjen e përgjithshme sociale dhe ekonomike në Kosovë. Zonja Pak shprehu hapur pakënaqësinë e saj ndaj vendit të pamjaftueshëm dhe interesit të pakët që iu kushtua mbarëvajtjes shembullore të zgjedhjeve të fundit në Kosovë, zgjedhje nga të cilat duhet të marrë shembull edhe Shqipëria, siç theksoi ajo, para se të shtonte se vëmendja e botës ndaj Kosovës tërhiqet tani vetëm kur që andej vijnë lajme për vrasje, gjak dhe shkatërrime, thuhet në një raport të "Dojçe veles" nga Brukseli.
Po ashtu eurodeputetja Pak ka deklaruar para Parlamentit Evropian se nuk duhej pritur mesi i vitit të ardhshëm për të filluar shqyrtimin e standardeve, por që ky proces të fillonte që tani. Doris Pak ndruan se zgjidhja e statusit të Kosovës rrezikon të shtyhet dhe zvarritet pafundësisht, shtyrje që mund të shkaktojë një radikalizim tjetër të situatës, si ai i muajit mars. Po ashtu Doris Pak shprehu frikën se zgjedhja e Ramush Haradinajt si kryeministër i vendit do të vështirësonte bashkëpuniminn apo mirëkuptimin e Prishtinës qoftë me Brukselin, por po ashtu edhe me Beogradin.
Sipas saj, një aleancë e LDK-së me partinë e Veton Surroit, i cili ka kontakte të mira me kancelaritë perëndimore do të ishte më e dobishme