Dardania.de - Shiko Postimin Tek

Albanam · 12-12-04, 00:26

Përshëndetje të nderuar forumistë!

Mendoj se pothuajse të gjithë ne këtu u pajtuam se këto gara mes nesh kanë në rend të parë karakterin argëtues dhe shoqërues. Në këtë drejtim edhe vendosa të shkruaj në grupin që isha caktuar. Sa për argëtim, e jo për t'u munduar për të treguar aftësi e zotësi më të mëdha se dikush tjetër.
Pavarësisht se kjo garë ndoshta aty - këtu mund të ketë nxehur gjakrat e dikujt dhe rritur nivelin e adrenalinës pak më tepër se që ishte nevoja, megjithatë mendoj se raundi i parë u përmbyll në suaza të një korrektësie dhe duke mos humbur karakterin argëtues.
Tani kur edhe u formua grupi i gjysmëfinales, kam përshtypjen se gjërat na janë përzier një çikë. Nuk është vetëm prononcimi i Barbarozës për t'u larguar nga garat e mëtejme për arsye personale që më bëri të mendoj zëshëm, por disi kam një ndjenjë të çuditshme rreth tërë kësaj. Shpresoj të jem në gabim.
Kur jemi te Barbaroza, unë vërtet pajtohem me konstatimin e atyre që e shohin si veprim jo të qëlluar, për të mos thënë jo korrekt ndaj shoqërisë, qëndrimin që ajo ka marrë, pavarësisht se kam respekt të plotë për arsyet personale që ajo ka sot, e që unë apo dikush tjetër mund të kemi nesër. Edhe pse edhe gjatë garës nëpër grupe pati forumistë që abstenuan me temat e tyre, mendoj se tërheqja eventuale pas kalimit të grupeve ka peshë më të rëndë.
Pa dashur që ky postim imi të kuptohet si ngacmim i ndërgjegjes së dikujt apo lutje për ndryshim të qëndrimeve tani më të shprehura rreth kësaj teme, unë akoma vazhdoj t'i jap përparësi karakterit argëtues të këtyre garave dhe mendoj se kjo është arsye më e fortë se çdo arsye tjetër personale për ta përfunduar këtë shoqërim tonin si është më së miri.
Ndërsa, edhe pse moderatorët nuk janë të vetmit që duhet të japin mendimet e tyre këtu, mendoj se atyre u bie barra më e rëndë për të vendosur rregullat dhe përcaktuar limitet kohore.
Andaj, duke shprehur gatishmërinë time që para forumistëve këtu të paraqes për së dyti herë temën time garuese, do të kisha dashur të di deri kur është afati i fundit për të bërë një gjë të tillë? Pastaj shpresoj që të gjithë gjashtë garuesit që jemi këtu t'i përmbahemi këtij afati.

Duke shpresuar se nuk do të hasi në keqkuptime te dikush nga mesi ynë,
Ju përshëndes.

Albanam

12-12-04, 00:26	#34
Albanam Anëtarësuar: 29-11-03 Vendndodhja: Vilajeti i Kosovës Postime: 672	Përshëndetje të nderuar forumistë! Mendoj se pothuajse të gjithë ne këtu u pajtuam se këto gara mes nesh kanë në rend të parë karakterin argëtues dhe shoqërues. Në këtë drejtim edhe vendosa të shkruaj në grupin që isha caktuar. Sa për argëtim, e jo për t'u munduar për të treguar aftësi e zotësi më të mëdha se dikush tjetër. Pavarësisht se kjo garë ndoshta aty - këtu mund të ketë nxehur gjakrat e dikujt dhe rritur nivelin e adrenalinës pak më tepër se që ishte nevoja, megjithatë mendoj se raundi i parë u përmbyll në suaza të një korrektësie dhe duke mos humbur karakterin argëtues. Tani kur edhe u formua grupi i gjysmëfinales, kam përshtypjen se gjërat na janë përzier një çikë. Nuk është vetëm prononcimi i Barbarozës për t'u larguar nga garat e mëtejme për arsye personale që më bëri të mendoj zëshëm, por disi kam një ndjenjë të çuditshme rreth tërë kësaj. Shpresoj të jem në gabim. Kur jemi te Barbaroza, unë vërtet pajtohem me konstatimin e atyre që e shohin si veprim jo të qëlluar, për të mos thënë jo korrekt ndaj shoqërisë, qëndrimin që ajo ka marrë, pavarësisht se kam respekt të plotë për arsyet personale që ajo ka sot, e që unë apo dikush tjetër mund të kemi nesër. Edhe pse edhe gjatë garës nëpër grupe pati forumistë që abstenuan me temat e tyre, mendoj se tërheqja eventuale pas kalimit të grupeve ka peshë më të rëndë. Pa dashur që ky postim imi të kuptohet si ngacmim i ndërgjegjes së dikujt apo lutje për ndryshim të qëndrimeve tani më të shprehura rreth kësaj teme, unë akoma vazhdoj t'i jap përparësi karakterit argëtues të këtyre garave dhe mendoj se kjo është arsye më e fortë se çdo arsye tjetër personale për ta përfunduar këtë shoqërim tonin si është më së miri. Ndërsa, edhe pse moderatorët nuk janë të vetmit që duhet të japin mendimet e tyre këtu, mendoj se atyre u bie barra më e rëndë për të vendosur rregullat dhe përcaktuar limitet kohore. Andaj, duke shprehur gatishmërinë time që para forumistëve këtu të paraqes për së dyti herë temën time garuese, do të kisha dashur të di deri kur është afati i fundit për të bërë një gjë të tillë? Pastaj shpresoj që të gjithë gjashtë garuesit që jemi këtu t'i përmbahemi këtij afati. Duke shpresuar se nuk do të hasi në keqkuptime te dikush nga mesi ynë, Ju përshëndes. Albanam