[EveryWare]

Shkruan: Bardhyl Metaj

Botuar në: Java - 145, Prishtinë

Diku në mes të sjelljeve arrogante dhe
luftës verbale të Pozitës (“Ne i kemi
fituar votat dhe me procedurën dhe forcën
demokratike, ua m`shelim gojën në Kuvend”)
dhe Opozitës (“Ne jemi mjaft të fortë
dhe të hapur për flirte, sa t`mos ju lëmë të
qeverisni”), lindi “kopili”, diçka që Soren Jessen
Petersen e quajti Forumi Politik!
Forumi Politik e quajta kushtimisht ‘kopil’ nga
arsyet se nuk ka asgjë të përbashkët me parlamentet
apo konstruktet demokratike
shtetërore të cilat, si në gjithë botën, janë
organe të legjitimuara nga vota e popullit!
Parlamenti duhet të shpreh, dhe vetëm Aty
gjen shprehje, vullnetin e popullit! Nëse
ngjanë ndryshe, populli i ndërron përfaqësuesit!
Dhe, kështu ngjanë gjithandej, në Botën
Demokratike.
Këtej, në Europë, në Botë, popullin e quajnë
dhe trajtojnë për – Sovran. Nëse dikush e ka
harruar, institucioni kryesor i Sovranit është
Parlamenti! Ka edhe sovranë tjerë, në disa
shtete – Mbretëritë! Por, apos’po ndërtojmë ne
një shtet parlamentar? Dhe, aty nuk ka vend
për Mbretër të tjerë.

Parlamenti është e vetmja
garancë – për të gjithë

Dhe, kjo nuk është demagogji. Parlamenti, dhe
Jo ndonjë kreaturë tjetër, është e vetmja
garancë e populli të Kosovës, se për çdo çështje
madhore, që ka të bëj me të ardhmen e vendit,
do të vendoset në mbështetje të vullnetit
të tij. Në Parlament dhe përmes Parlamentit.
Aty duhet të arrihen të gjitha konsenzuset,
marrëveshjet, etj.
Por, a u besohet prijësave tanë?
Si e thamë më lartë, populli me votë ka
deleguar parlamentarët, me votë edhe mund
t’i ndërrojë. Po këta në këtë ekskluzivitet
origjinal – Forum – kush do t’i ndrrojë?
Ç’është kjo? Një lloj korrigjimi i zgjedhjeve të
fundit në Kosovë?
Nuk duhet me ju sill botës, për të kuptuar se
qielli gjithandej është i kaltër (J.W. von
Goethe)! Dhe, gjithandej në botë, se pushtetin,
për aq sa e kanë, e kanë ata që e kanë fituar
Votën e popullit.
A mos don të thonë në UNMIK se
Kryeparlamentari dhe Parlamentarët tanë,
duhet të dërgohen në trajnime e praktikume,
që të mësojnë zanatin, të reflektojnë e marrin
përvoja ndërkombëtare? PO a s’na thonë këta
në UNMIK se askush nuk është mbi ligjin?
Kush ka marrë të drejtën të shpërndajë vota
pas zgjedhjeve? UNMIK-u?

Kopilin duhet kthye UNMIK-ut
te dera
UMNIK-u këtij Forumi Politik mund edhe t’i
hapë një zyrë apo t’i ndajë një ndërtesë, me
sallë konferencash, administratë, mund të
tpunësojë edhe sekretaresha, përkthyesë, etj,
etj...[shtë çështje e tyre. Por, vendimet e këtij
Forumi Politik nuk mund t’i servohen, qoftë
edhe si konsenzuse, dhe të obligojnë ndokënd
në Kosovë. Aq më pak Parlamentit.
Për ta ushtruar shqip-timin dhe përkthimin e
fjalës Pavarësi, në të gjitha trajtat e mundshme,
politikanëve tanë nuk ju nevojitej ndonjë
‘forum politik’ dhe debatime. Për tjera
opsione, ndërkaq, sigurisht se duhen ushtrime
dhe forume tjera. Pajtohem-i!
Ndërkaq, Ata, të cilët kush më shumë e kush
më pak, po bëjnë turr të hyjnë dhe të përshkruajnë
kompetencat vendimmarrëse! të atij
forumi politik, një sugjerim i urtë: Ju, të gjithë,
të mësoni sa më shpejtë të punoni e kalkuloni
bashkë dhe vetëm në Parlament. Jashtë tij,
terri han jo vetëm ujkun, por edhe mbretin!
Parlamenti dhe UNMIK-uDuhet thanë qartë, çdo lindje e ndonjë solucioni,
mes qytetarëve të Kosovës dhe
Bashkësisë Ndërkombëtare, duhet të jetë një
solucion i natyrshëm, i dëshiruar dhe i
legjitimuar - nga të dyja palët.
Përjashtimet dhe presedanet e pranuara sot,
do të qelin udhën e përjashtimeve dhe
presedaneve nesër, në kohën kur do vendoset
për të ardhmen tonë.