[laliloli]

Sipas disa hulumtimeve të bëra nga Organizatat Joqeveritare në Kosovë rreth 65% të të rinjve të moshës 20-35 vjeçare janë konsumues të duhanit. Duhani është shkaktar i shumë sëmundjeve. Një ndër to është edhe, karcinoma bronkiale, që në shumicën e rasteve është vdekjeprurëse. Në Kosovë brenda një viti janë të përfshirë rreth 500 pacient me këtë sëmundje bënë të ditur, Skënder Bacaj pulmolog. Tek 87% të ata që pijnë duhan zhvillohet karcenom bronkiale, gjegjësisht ky është një numër aq enorm sa që karcenoma bronkiale është shpallë sëmundje tragjike do me thënë nuk është sëmundje që ka të bëjë me biologjinë apo me patologjinë por varet drejtpërdrejt prej duhanpirësit”. Frederik Quperijani, kirurg thotë se ne duhet të krijojmë një strategji që të komunikojmë më shumë me të rinjtë dhe t’i informojmë ata se cilat janë pasojat që mund të vijnë nga konsumi i duhanit. Hapësira në media, publiciteti që i bëhet duhanit në televizionet tona ka ndikuar në rritjen e duhanpirësve, thotë Dr Bacaj.“ Moshat e reja nën ndikimin e reklamës fillojnë që prej ditës në ditë ta konsumojnë më shumë duhanin. Për 2 vite prej 4% numri i duhanpirësve është rritë deri në 6.5%. Edhe të intervistuarit tregojnë se një reklamë ka ndikim në ta”. Brenda dite në Kosovë shpenzohen diku rreth 250.000 Euro për duhan. Mjekët thonë se duhanpirësit jo vetëm që rrezikojnë shëndetin e tyre, por ata venë në rrezik edhe atë të shoqërisë, sepse duhanpirësit pasiv nganjëherë mund ta pësojnë me keq se ata aktivë. Ata kërkojnë që institucionet e vendit të bëjnë me shumë për nxjerrjen e ligjit që do ta ndalon pirjen e duhanit në vende publike. Ndërsa zyrtar nga Ministria e Kulturës presin një kontribut më të madh nga mediat kur është në pyetje shëndeti dhe mbrojtja e të rinjve nga sëmundje të ndryshme.