[Arb]

Reagime ndaj plagosjes së gazetarit Bardhyl Ajetit

Prishtinë, 6 qershor - Aktin kriminal ndaj gazetarit Bardhyl Ajeti të së përditshmes Bota sot e kanë dënuar institucionet e Kosovës, partitë politike, shoqata të gazetarëve.

Zëdhënsi i Presdencës së Kosovës Muhamet Hamiti pas kaa dënuar sulmin ndaj gazetarit Ajeti, ka kërkuar nga organet përgjegjëse për zbatim të ligjit dhe autorët e sulmit të nxirren para drejtësisë.

Ne reagimin e Këshillit për Mbrojtjen e të Drejtave e të Lirive të Njeriut KMDLNJ) thuhet se me shqetësim kanë mësuar lajmin për sulmin ndaj gazetarit Bardhyl Ajeti.

"Ky rast edhe njëherë dëshmon për pasigurinë e qytetarëve të Kosovës, e posaçërisht të gazetarëve, të cilët kohëve të fundit janë vënë në shënjestër të keqtrajtimeve nga më të ndryshmet".
Plagosjen e gazetarit Bardhyl Ajeti, Këshilli për Mbrojtjen e të Drejtave e të Lirive të Njeriut (KMDLNJ) e vlerëson si plagosje të fjalës së lirë në Kosovë dhe të bartësve të saj, plagosje të vlerave të demokracisë e të lirisë së qytetarëve të Kosovës.

Akti kriminal ndaj gazetarit Ajeti përbën një nga rastet më drastike të cënimit të fjalës së lirë kohët e fundit në Kosovë", thuhet në reagimin e KMDLNJ-së.

Kryetari i PSHDK-së Mark Krasniqi atentatin ndaj Bardhyl Ajetit e ka cilsuar si në atentat politik që është realkizua nga njeëz që nuk duan të lejojnë të dëgjohet e vërteta.

Aleanca për Ardhmërinë e Kosovës thekson se "sulmi, pos si goditje e rëndë kundër jetës së z. Ajeti, është i orientuar direkt kundër qetësisë së gjithëmbarshme në vend, dhe ka për qëllim të krijojë klimën e frikës dhe pasigurisë në Kosovë, në momentin kur më së shumti na duhet qetësia dhe stabiliteti".

AAK kërkon nga organet e rendit dhe të drejtësisë që sa më parë t'i zbulojnë, t'i kapin dhe t'i nxjerrin para drejtësisë aktorët e këtij akti të makabër dhe të shëmtuar".

Ndërkaq, në një deklaratë të Kryesisë së Degës së LKD-së për Nju Jork me Rrethe thuhet: "Atentati mbi kolumnistin e shquar, mbi Bardhylin e guximshëm, i cili artikuloi të vërtetat për Kosovën pa
u trembur nga qarqet mafioze që e kërcënuan dhe e hantazhuan nga pozita kriminale, nuk ka si të mirret ndryshe pos si një atentat politik mbi fjalën e lirë, mbi fjalën e pakompromis, cila, duke u shqiptuar sistematikisht, prish çerdhen e krimit të organizuar
në Kosovë".

"Bardhyl Ajeti, artikulues i të vërtetave për Kosovën, artikulues i realiteteve të shëmtuara të Kosovës dhe zëdhënës i fuqishëm i proceseve të ndërtimit institucional të Kosovës, publicisti i cili bën me gisht nga qarqet e krimit të organizuar që i mihin themelet e Kosovës dhe i vë në shënjestrën e fjalës së tij kriminelët e të gjitha ngjyrave, njeriu e qytetari i cili shqipton patrembur vizionin për pavarësinë e Kosovës dhe të ardhmen e ndritur të saj,pikërisht pse shqipton guximshëm e pandalshëm këtë të vërtetë, goditet nga dora e shëmtuar e krimit të nëntokës politike".

Sulmin ndaj Bardhyl Ajetit e ka dënuar edhe organizatat gazetare.

Edhe redaksia e QIK-ut e dënon ashpër sulmin ndaj Bardhyl Ajetit dhe e cilson atë si një akt të rëndë kriminal të drejtuar jo vetëm kundër jetës së njeriut, por kundër fjalës së lirë. Në këto momente të vështira, solidarizohemi me familjen Ajeti dhe me gazetën "Bota sot