[Fshatari]

Ajo që përseritet parreshtur në Francë iu komunikua sot zyrtarisht edhe kosovarve : Kosova është tokë serbe; Franca nuk ka luftuar dhe kurrë nuk do luftojë kundër aleatit të saj të vjetër serb, qoft ky edhe krimineli më i poshtër i Evropës, krimineli i pandëshkuar, natyrisht.
Me rastin e ndërrimit të komandës të Kforit, ishin të pranishëm : ministrja franceze e mbrojtjes dhe komandanti deritanishëm i Kforit, gjenerali francez Karambo (Franca nuk është antare e Natos që nga viti 1968, në planin ushtarak; si iu lejua një gjenerali francez të udhëheq Kforin në Kosovë ? Dhe këtë për herën e dytë, pas një gjenerali tjetër, Valentin, të cilin kryetari i Kosovës e kishte mik të madh dhe me të cilin kishte takime "rutinore" javore, sipas fjalëve tê vetë kryetarit ! Për veti nuk e kam kuptuar kurrë)!
Por francezët nuk kënaqen vetëm me udhëheqjen e Kforit në Kosovë : ata din edhe të provokojnë dhe plagosin e vrasin për të dhjetën herë të njëjtat viktima(shqiptarët) dhe të tjerë sa herë që kanë mundësin ta bëjnë këtë! Ata janë njerëz me memorje të shkurtër, të paskurpullt dhe pa ndjenja njerëzore! Kur u ofrohet rasti, veprojnë në të njëjtën mënyrë sikur edhe serbët dhe nuk përgjigjen për asgjë sikur serbët.
Ministrja franceze dhe gjenerali i saj, kishin ftuar sot në Prishtinë dhe komandantin e ushtrisë serbo-malazeze, një gjeneral serb, një vëllaçko i Aliot-Marie-së dhe karambeut!
Një provokim aq i rëndë nuk kishte ndodhur që nga viti 1999 (qershori) në Kosovë! Simbolikisht ftesa e kriminelit serb në ndërrimin e komandës dmth: Kosovën e mbron ushtria serbo-malazeze e jo Trupat mbrojtëse të Kosovës. Por në atë "ceremoni" vajtuese (për serbinë dhe francën) nuk morën pjesë autoritet e Kosovës . Qeveria legale e legjitime e Kosovës iu përgjigj shkurt treshit serbo-francez (ministreshë-gjeneral francez-gjeneral serb) se gjestet e tilla janë të papranueshme, poshtruese, indinjuese për viktimat e Kosovës...
Prania e tresheve të tillë është e padëshirueshme në Kosovë ( pra as serb as francez; as ushtarak as civilë...çdo kush në vendin e vetë, me hatër ose me zor).
Lexo këtu më posht lajmin e Radio Europa e Lirë :"PRISHTINË
Në Prishtinë u mbajt ceremonia e ndërrimit të komandës së forcave paqeruajtëse të NATO-së në Kosovë. Gjenerali i deritashëm francez Iv de Kermabo ia dorëzoi detyrën e komandantit të KFOR-it gjeneralit italian Giuseppe Valotto. Ceremonia u udhëhoq nga komandanti i NATO-s për Evropën Juglindore admirali amerikan Harry Ulrich. E pranishme ishte edhe ministrja franceze e mbrojtjes Michelle Alliot Marie dhe personalitete të tjera ndërkombëtare dhe vendëse. Në ceremoni mori pjesë edhe shefi i shtatmadhorisë së ushtrisë serbo-malazeze gjenerali Dragan Paskash.
Në ceremoninë e sotme, për herë të parë nuk kanë marrë pjesë përfaqësues të Trupave të Mbrojtjes së Kosovës, të Shërbimit Policor të Kosovës si dhe përfaqësues të partive opozitare, por edhe drejtues të lartë të partive politike, anëtare të koalicionit qeverisës.
Qeveria e Kosovës përmes një deklarate pas ceremonisë ka kundërshtuar praninë e delegacionit ushtarak serbo-malazez. "Pjesëmarrja e një gjenerali të një ushtrie që ka kryer krime në Kosovë dhe që deri më sot nuk ka kërkuar falje është fyerje për ndjenjat e qytetarëve dhe një akt i papranueshëm për ne"!