[MemphiSx]

Urimeve tona,per Presidentin e Kosoves qe sa me shpejt te kthehet ne Krye te shtetit i bashkangjiten shum personalitete vendore e nderkombetare.

[b]I nderuar z. President, E kam marrë me shqetësim njoftimin për problemet tuaja të tanishme shëndetësore. Më lejoni t’ju shpreh dëshirat e mia të sinqerta për shërim të shpejtë dhe të plotë.Kontributi juaj për të ardhmen e Kosovës dhe popullit të saj është mëse jetik, sidomos në dritë të kohëve sfiduese që kemi përpara. Unë, prandaj, shpresoj se ju do të mund të ktheheni së shpejti në Prishtinë dhe t’u ktheheni punëve tuaja të rëndësishme.Me mendime jam me ju gjatë këtyre ditëve të vështira, Sinqerisht, Javier Solana Sekretar i Përgjithshëm i Këshillit të Ministrave të Bashkimit Evropian, Përfaqësues i Lartë për Siguri dhe Politikë të Jashtme të


Duke shprehur shqetësimin dhe brengën tonë të thellë për gjendjen Tuaj shëndetësore , më lejoni që t’Ju uroj shërim të suksesshëmdhe kthim sa më të shpejt në Kosovë. Ne jemi me Ju dhe familjen Tuaj në këto momente të vështira, të cilat jemi të bindur se do t’i përballoni me dinjitet. Ne presim lajme të mira nga Gjermania, presim kthimin Tuaj dhe vazhdimin e punës dhe detyrave me përgjegjësi që keni si President i Kosovës. Kosova në këto momente të rëndësishme ka nevojë më shumë se kurrë për Institucionin e Presidentit. I duhet personaliteti Juaj në kohën kur po afrohet zgjidhja përfundimtare e statusit të Kosovës,e cila padyshim, do të jetë pavarësia. Ne shpresojmë se do të jemi së bashku në kurorëzimin e kësaj fitoreje historike. Prandaj e presim me padurim kthimin Tuaj në atdhe.

Komandanti i TMK-së, Gjeneral Lejtnant, Agim ÇEKU


I nderuari President Rugova, Jemi pikëlluar thellë kur mësuam për sëmundjen tuaj. Në emër të Insitutit Demokratik Kombëtar (NDI), kryesueses së tij Madeleine K. Albright, presidentit Ken Wollack (Uollak) dhe drejtorit rajonal Robert Benjamin (Benxhamin), dhe veçanërisht në emër të stafit të NDI-së në Kosovë, do të doja t’ju shpreh dëshirat tona më të mira për shërimin tuaj të shpejtë. Shpresojmë se do të ktheheni së shpejti në Kosovë , më shëndet dhe fuqi të rimarrë. Ka shumë sfida me të cilat ballafaqoheni ju dhe populli juaj në këtë periudhë me rëndësi vendimtare në historinë e Kosovës. Ju keni qenë me popullin tuaj në kohë shumë të vështira. Tashti ata tani luten dhe mendojnë për ju. Ju dëshirojmë shërim të shpejtë dhe të ktheheni shëndosh e mirë në shtëpi. Mezi presim të vazhdojmë bashkëpunimin me ju gjatë viteve në vijim. Me dëshirat më të mira, Tomas Bridle - Drejtor i NDI-së për Kosovë



Z.Ibrahim RUGOVA

President i Kosovës

Prishtinë



I dashur Zoti President,

Me këtë mesazh dëshiroj nga zemra t'u uroj shërim të shpejtë dhe të plotë.

Unë gjithashtu kam besim të madh se, sikundër ke përballuar deri sot, me sukses të madh vështirësi të shumta, po me kaq sukses do të përballosh edhe këtë të fundit dhe shpejt e shëndoshë do të kthehesh në gjirin e familjes, të bashkëpunëtorëve të tu dhe të mbarë shoqërisë të Kosovës, në krye të detyrës.

Me urimet më të mira për shërim të shpejtë,



Miqësisht

Prof.Dr.Sali Berisha


Prishtinë 28 gusht - Prej ditës kur u njoftova rreth shqetësimeve Tuaja shëndetësore, jam duke e ndjekur me vëmendje gjendjen, me urimin tim dhe të të gjithë qytetarëve të Shqipërisë për shërim sa më të shpejtë.

Alfred MOISIU
[b]