[MemphiSx]

Edhe nje keshill per opoziten nga Peterseni.

Shefi i UNMIK-ut Soren Jesen Petersen ka kërkuar unitet nga spektri politik i Kosovës unitet, në kohën kur po afrohet çështja e bisedimeve për statusin e Kosovës. Këto deklarata ai i bëri gjatë vizitës në shkollën fillore “Elena Gjika” në Prishtinë, duke iu përgjigjur pyetjeve të gazetarëve. Ai ka kërkuar që Kosova t’i qartësoj prioritet e parapara:
“Unë po kërkoj që Kosova t’i qartësojë prioritetet e saj, e që janë të vazhdojë me implementimin e standardeve, decentralizmin, të jemi të sigurt se do të kemi rekomandime pozitive nga Sekretari i Përgjithshëm, në mënyrë që bisedimet për statusin të mund të fillojnë. Njëherësh, konfirmoj atë që Kryetari e ka thënë e që besoj se do ta thotë prapë, se kur Kosova të shkojë në bisedime për statusin, ajo do të jetë e bashkuar”, tha Peteresen.
Ndërsa sa i përket deklaratave të opozitës për shfaqjen e pakënaqësisë së tyre me protesta në rrugë, Petersen tha se çdo veprim i tillë apo tjetër i ngjashëm, nuk i duhet tani Kosovës. “Unë besoj dhe shpresoj se ne nuk duhet ta kanalizojmë energjinë në drejtim të gabuar. Ka vetëm një drejtim për Kosovën tani- diskutimet për statusin, ta fitojmë statusin final dhe pastaj të vazhdojmë me ballafaqimin me sfidat e shumta këtu” u shpreh Pteresen.
Sipas kreut të UNMIK-ut Kosova kurrë nuk ka qenë më afër se tash për të realizuar objektivat e veta:
“Ky është momenti për të treguar unitet. Kjo është ajo që ju qytetarë prisni nga politikanët tuaj. Pra, përcaktoni prioritetet tuaja, dhe ato janë: fillimi i bisedimeve për statusit dhe zgjidhja e tij, ashtu që Kosova të mund të shkojë përpara”.
Ndërsa sa i përket Forumit Politik, Petersen tha se ai është gati, dhe se pritet momenti i duhur për takim.



Ishalla me ne fund keta UDB-asha do te binden te bashkohen drejt qellimeve paresore qe jan ne keto momente per Kosoven.