[Dilaver]

MBI NATËN E BERATIT ( Lejletul – berat )
All-llahu i madhërishëm në Kur’anin fisnik urdhëron e thotë :

“Ha-mim . Pasha librin sqarues (të së drejtës nga e kota)! Ne e zbritëm atë në një natë të bekuar “ (Ed Duhanë , 1-3)

Ibn Abbasi r.a ka thënë që “Ha-mim” d.m.th. All-llahu ka përcaktuar, çfarë do të ndodhë deri Ditën e Kiametit. “Betohem në Librin e qartë” d.m.th Kur’ani.

“Ne e kemi zbritur “, d.m.th Kur’anin, “ në natën e bekuar“ d.m.th në natën e gjysmës së Sha’banit, gjegjësisht – Berat. Këtë e pohojnë shumica e mufesinëve përveq Ikrimes i cili thotë se kjo është Lejletul Kader.

Nata e beratit është quajtur e bekuar (mubarek) sepse në këtë natë lëshohet mëshira (rahmet), begati (bereket), mirësi, falje gabimeve (avf) dhe falje për banorët e Tokës.

Transmetohet nga Ali Ibn Ebu Talibi r.a. që Pejgamberi s.a.v.s ka thënë: “All-llahu i Madhërishëm lëshohet natën e gjysmës së sha’banit në qiellin e dunjasë dhe falë çdo mysliman, përveç idhujtarëve, të këqinjëve, atyre që ndërpresin lidhjet familjare dhe gruas e cila bënë mëkat me vendin e turpshëm të saj”.

Aisha r.a. transmeton që Pejgamberi s.a.v.s i ka thënë: “O Aishe, a e dini cila është kjo natë? I thashë “All-llahu dhe i dërguari i Tij e dinë më së miri”, dhe ai tha: “Nata e mesit të Sha’banit. Në këtë natë ngriten veprat e njerëzve dhe në këtë natë All-llahu i liron nga zjarri sa ka qime të kipeve të fisit Keleb , andaj më lejo që të jem me ty këtë natë ?” I thashë: “Po” dhe ai u falë duke lexuar në kijam “Fatihan” dhe një sure të shkurtër, pastaj qëndroi në sexhde deri në gjysmën e natës, u ngrit në rekatin e dytë dhe lexoi shkurt si në rekatin e parë dhe qëndroj në sexhde deri në sabah. U afrova dhe ndëgjova se në sexhde thoshte :

“EUDHU BI AFVIKE MIN UKUBETIKE, VE EDHU BI RIDAKE MIN SUHTIKE, VE EDHU BIKE MINKE , XHEL – LE VEXHHEKE, LA AHSA THENA EN ALEJKE , ENTE KEMA ETHNEJTE ALA NEFSIKE.”

“Kërkoj falje prej Teje nga dënimi yt, kërkoj nga kënaqësia Yte nga hidhërimi Yt, kërkoj mbrojtje prej Teje nga Ti , e lartësuar është fytyra Yte dhe nuk mund t’i numëroj falënderimet Tua , ashtu si Ti e ke falënderua vetën Tënde”.

Unë i thashë: “O i dërguar i All-llahut këtë që dëgjova sonte në sexhden tënde nuk e kam dëgjuar asnjëher më parë.” Ai më tha: “A e mbajte mend këtë ?” i thash: “Po”, ndërsa ai më tha: “mësoj këto fjalë dhe mëso të tjëret, sepse Xhibrili a.s. më urdhëroi që t’i përmendi këto fjalë në sexhde!” Pastaj e pyeta: “Çfarë ka në këtë natë?” ai tha: “Në këtë natë regjistrohen të gjithë që do të lindin në këtë vit, në këtë natë regjistrohen të gjithë ata që do të vdesin këtë vit, regjistrohen furnizimet e tyre dhe në këtë natë ngriten veprat dhe punët”.

Nga Ikrime , robi i liruar Ibn Abbasit transmetohet se fjalët e All-llahut xh.sh.

“Në atë ( natë ) zgjidhet çdo çështje në mënyrë të prerë “

(Ed Duhanë, 4)

i ka shpjeguar: “Kjo është nata e mesme e muajit të Sha’banit, në të cilën All-llahu i Madhërishëm përcakton punët për vitin tjetër, i zëvendëson të gjallët me të vdekur, përcakton kush do të kryen Haxhin, dhe askush nuk mund të shtojë apo mungojë diç.”

Thuhet se melekët i kanë dy bajrame në qiej: Lejletul – berat dhe Lejletul – kadër.

Thuhet se urtësia që All-llahu e ka fshehur Lejletul – kadër dhe nuk e ka fshehur Lejletul – berat është se Lejletul kadër është nata e mëshirës, faljes dhe lirimit nga zjarri dhe njerëzit të mos mbështetën në te, ndërsa Lejletul berat nuk e ka fshehur sepse kjo është nata e përcaktimit, nata e kënaqësive, pranimit, nata e lumturisë dhe e nderimit. Në këtë natë dikush është i lumtur e dikush i pa lumtur, dikush merr shpërblim e dikush refuzohet. Sa ka qefina të përgatitur e njerëzit blejnë gjëra tjera në qarshi. Sa ka varreza të hapura e banorët e tyre të lumtur jetojnë në shtëpi, sa robër shpresojnë në thevabe ndërsa i pret dënimi, sa robër shpresojnë në lumturi ndërsa i pret dënimi, sa robër shpresojnë në xhennet i pret zjarri, sa robër shpresojnë në shpërblim ndërsa i pret katastrofa.

Thuhet se El – hasan el – Basriu, All-llahu e mëshiroftë, njëher doli nga shtëpia në ditën e mesme të muajit sha’ban me fytyrë të zverdhur sikur të kishte dalur nga varri. Dikush e pyeti për këtë gjendje (hal) dhe ai u përgjigj: “Për mëkatet e mija jam i vetëdijshëm, por po dridhem për veprat e mira se nuk e di a do të më pranohen.”

Sa i përket namazit që bëhet në këtë natë, aj përbëhet prej njëqind rekateve, në secilin nga dhejtë “Kulhuvullahu ehad“ dhe ky namaz quhet Namazi i mirësisë (salatul – hajër).

Transmetohet nga Hasan el – Basriu All-llahu e mëshiroftë se ka thënë: tridhjet sahab të Pejgamberit s.a.v.s më kanë treguar se ai i cili falë këtë namaz në këtë natë, All-llahu xh.sh do ta shikoj me shtatëdhjetë shikime (nazar) dhe me çdo shikim do t’i plotësohen shtatëdhjetë nevoja prej të cilave më e vogla është falja (magfiret).



Dr. Ali Iljazi

16.09.2005.Islamgjakova.net