[Gentiani]

Lalioli, përshëndetje për temën e gjithashtu më erdhi mirë insistimi i yt që të mos politizohet kjo temë.

Është dukuri jo e mirë, ajo që ndodhë me planprogramet mësimore, por fajin unë e shoh në vlerësimin jo të duhur të UÇK-së nga politika dhe interesat politike, të partive dhe individëve mbrenda tyre.

Në një medium tjetër diskutimi e kam pas cekur se nga kasta politike aktuale që gjindet në politikë, qofshin ata në pushtet dhe ata në opozitë është shumë e vështirë të bëhet vlerësim i drejtë i luftës çlirimtare.

Dy të vërteta asnjëherë nuk munden të ekzistojnë, ndërsa gënjeshtrat dhe shpifjet munden të kapin shifrën me mijëra. Vlerësim të drejtë dhe objektiv UÇK-së munden ti japin vetëm gjenerata tjetër nga radhët e klasës politike që do të vijë në skenë. Është shumë e domosdoshme të jipet vlerësimi i drejtë për meritat, sukseset, rolin sikur që duhet të vlerësohen humbjet dhe destruktiviteti. Janë pikërisht individët, që thirreshin dhe edhe sot thirren në emër të saj pa fije merite, e që kanë shkaktuar që UÇK-ja të mosë ketë vendin e duhur aty ku edhe do ti takonte dhe duhet ti takoj.

Në mungesë kohe kësaj radhe po mbetem i kufizuar me temën, por shpresoj se do ta vazhdojmë pa politizime dhe emocione.