[Kercovari]

Lajme nga Dosier

Bedri Spahiu zbuloi intrigat që luanin udhëheqësit komunist


Autori i Lajmit: L.V.
Në Muzeun Historik Kombëtar në Tiranë, në pavionin e gjenocidit komunist, në një tabelë numerohen 20 lloje torturash fizike, që përdoreshin në burgjet e diktatures komuniste. Në Shqipërinë “socialiste”, për demagogji thuhej, që ushtrimi i torturës në hetusi dhe në burg ndalohej me ligj. Kjo ishte një hipokrizi cinike, që përdorej për konsum propagandistik. Ne realitet, tortura perdorej kudo, ne qelite e hetusise dhe ne vendet e vuajtjes se denimit. Qysh ne momentin e arrestimit, i ndaluari i nënshtrohej torturës. Në shumicen e rasteve, të arrestuarit i vendosej një thes i zi ne koke dhe duart i lidheshin nga mbrapa, të shtrenguara në maksimum. Torturat ishin të shumellojshme, që nga më primitivet, deri te më modernet. Aty ndryshonin sipas personit ku përdoreshin dhe vendit ku ushtroheshin. Nga dëshmitare okulare, është deklaruar se qysh në kohën e Luftës Antifashiste, misionaret jugosllave pranë njësive ushtarake partizane shqiptare përdornin torturën ndaj “armiqve” të kauzës komuniste. Përveç torturave fizike, ndaj të burgosurve përdoreshin edhe torturat psikologjike, për të shkatërruar personalitetin e viktimes. Tortura kishte për qellim jo vetem të shkatërronte viktimen fizikisht dhe shpirtërisht, por t’i përdorte viktimat për të terrorizuar pjesën tjeter të shoqërisë shqiptare, që jetonte jashtë hekurave të burgut, pasi veprime te tilla ushtroheshin ne 26 rrethe administrative te Shqiperise, ku kishte 26 dege te Puneve te Brendshme. Ne Tirane, Korçe dhe Shkoder, ato ishin ne nje rang me te larte dhe quheshin Drejtori te Puneve te Brendshme. Ne çdo dege te çdo rrethi, kishte nje sasi qelish me dimensione 2m x 1,20m. Po krahas ketyre, kishte dhe qeli “speciale” me dimensione më të vogla ku i arrestuari nuk mund te rrinte as mnë këmbë por vetem ulur, këmbekryq. Numri i qelive ishte nga 30 deri ne 100 për çdo degë, ndërsa në ato të Shkodrës dhe Korçës, kishte mbi 100 qeli., Tirana përveç qelive që kishte pranë Drejtorisë në “Rrugën e Dibres”, “Te Selvia” kishte qeli dhe ne katër rajonet e policisë, në katin përdhes të Ministrisë së Punëve të Brendshme, në bodrumet e Pallatit të Brigadave; në Burgun e ri dhe të vjetër dhe të ashtëquajturat “Qelite e Koçi Xoxes”. Po kështu, në Tiranë dhe në shumë qytete të Shqipërisë, kishte shtëpi “sekrete” me qeli, që përdoreshin për punet misterioze te Sigurimit të Shtetit. Sipas të dhënave të organeve të Sigurimit të Shtetit, vetëm ne Tiranë ishin mbi 500 qeli, ku janë torturuar me mijra të arrestuar.

Ky lajm është publikuar: 20/10/2005

Mare nga Ballkan