[Fshatari]

Postimi origjinal është bërë nga Rrusta

Shih Shih kete birin e Shumarit perseri me skandale ...


Mitrovicë, Skènderaj - 14 nëntor – Autoriteti i liderit të PDK-së Hashim Thaçi në Drenicë është zbehur pikërisht në vendlindjen e tij në fshatin Burojë të Skënderajt. Thaçi ishte pjesëmarrës i një dasme me plot të shtëna në fshatin e tij të lindjes, kur policia u detyrua tè reagojè. Thaçi, duke shfrytëzuar autoritetin e tij, si lider i një partie të madhe në Kosovë, por edhe si njeri autoritar në mesin e fshatarëve të vet, kishte dalur para SHPK-së për t’i penguar policinë që t’i kontrollojë dasmorët që atë ditë po martonin Avni Kastratin. Por SHPK-ja kishte urdhër që t’i bastisë të gjithë dasmorët e asaj ceremonie që po shtinin me armè. SHPK-ja duke mos dashur ta provokojë një situatë, e cila vetëm po acarohej, ka kërkuar ndihmë nga policia regjionale e Mitrovicës. Aty lideri i PDK-së është gjendur në një situatë, e cila më së paku do t’i pëlqente atij. Para qindra dasmorëve, në mesin e të cilëve edhe zyrtarë të lartë të PDK-së, ka ngritur duart lart kur policja amerikane ka bërtitur me zë të lartë duke iu drejtuar Thaçit: “duart lart”. Ndonëse këtë gjë Thaçi nuk e kishte bërë para policisë së Kosovës, të njëjtën e bëri para polices amerikane dhe dy serbëve që ishin pjesë e njësitit të veçantë të ardhur nga Mitrovica. Policia kontrolloi me radhë dasmorët, duke përfshirë këtu edhe Thaçin, Rexhep Hotin, Sami Lushtakun, Azem Sylën e shumë zyrtarë të tjerë të partisë, ndërkohë kanë bllokuar për tri orë rresht dasmën e Avni Kastratit, njeri i afërt i Thaçit. E tëra me çka Thaçi ka mundur të ngushëllohet pas një situate jo të favorshme, ishte fyerja që ai e drejtoi ndaj pjesëtarëve të SHPK-së. Edhe me këtë rast SHPK-ja është treguar më tolerante ndaj veprimeve të Thaçit. Por, në gjykatë kanë ngritur padi ndaj tij me akuzën “Kërcënim verbal ndaj SHPK-së”. Lary Miller, zëdhënës i policisë së UNMIK-ut, ka konfirmuar për “Java” se policia e Skënderajt e mbështetur edhe nga Njësiti për Mbështetje të Operimeve Rajonale (ROS) kanë ndërhyrë në një dasmë në fshatin Burojë të Skënderajt me datën 6 nëntor me ç’rast ka pasur edhe konfrontime. “Duke marrë parasysh numrin e të shtënave që janë dëgjuar në atë ceremoni të madhe policët kanë kërkuar ndihmë nga Njësia për Mbështetje të Operimeve Rajonale”, tha Miller. Në këtë dasmë, ku sipas Millerit, ka pasë njerëz me ndikim në shoqërinë kosovare janë kapur një sasi e municionit. Ndonëse hetimet sipas zëdhënësit të policisë ndërkombëtare janë duke vazhduar lidhur me rastin, Miller nuk tregon nëse është ngritur padi ndaj Thaçit. “Rasti është duke u hetuar”, tha ai. Burime të sigurta të SHPK-së kanë pohuar për “Java” se Thaçin e rëndon akuza për kërcënim ndaj SHPK-së. Zëdhënësja e PDK-së Vlora Çitaku tha se e tëra çka thuhet për liderin e PDK-së është një spekulim. “Kjo krejt është një gënjeshtër”. Familjarët e Avni Kastratit vërtetojnë se kjo nuk është gënjeshtër. Ata duke u munduar ta mbrojnë liderin e tyre tregojnë për “Java” se si ka ndodhur ngjarja me protagonist - kryesor kojshiun dhe liderin e tyre të dashur - Hashim Thaçi. Të rrethuar për rreth tri orë nga policia ata ndihen të fyer, sepse sipas tyre incidenti i ndodhur ua ka zbehur gazmendin familjar. Djali i axhës së Avniut, Isufi tregon se ditën e dasmës kur dasmorët po bëheshin gati për të drekuar katër vetura të policisë kanë ndërhyrë në dasmë dhe kanë dashur që të gjithë personat prezentë të kontrollohen me pretekst të kërkimit të armëve. Ai e pranon se ka pas të shtëna armësh, por këtë e justifikon me arsyen se të shtënat nëpër dasma janë traditë e shqiptarëve. “Policia nuk e kanë lënë asnjë person të largohet nga dasma pa u kontrolluar e në mesin e tyre edhe Hashimin gjë që ne nuk e kemi lejuar, sepse asnjëherë nuk ka qenë adet të kontrollohen të ftuarit në dasmë e aq më pak Hashimi, për të cilin ne kemi një respekt të veçantë”. Sipas tij, Kastratët nuk i kanë penguar policinë që të hyjnë e t’i kontrollojnë shtëpitë por jo edhe njerëzit e ftuar. “Kur e panë që ne s’po dojmë me i bastisë njerëzit që janë të ftuar në dasmë i kanë thirrë policinë e UNMIK-ut e kur janë ardhë ata për mos me ba më të madhe policia i ka kontrolluar të gjitha veturat dhe njerëzit e edhe Thaçin”, tha Isufi për “Java”.


Lexim te kendshem

Fjala "Skènderaj" nuk është shqipe; Shumari është serbe.
Prrallat fillojnë gjithëmonë me "Ishte një herë..."!
E meqë prrallat janë gënjeshtra nuk e kanë vendin në rubrikën Politikë.

Së shpejti "policia " e "Unmikut" do të largohet nga Kosova e pavarur e sovrane : ajo ndërhyn aty ku nuk duhet. Nuk ka guximin të ndërhyjë, psh, në zhbllokimin e rrugve magjistrale tê bllokuara nga një bandë çetnikësh ser(Cagllavicë)! Cfarë policie e mutit është ajo! Të gjithë "milicët" e Unmikut bash nuk i vijnë as ke k... Hashim Thaçit!
Cfarë gjepurash poston këtu zotri i nderuar!
Leximi nuk qe shumë i këndshëm po ka postime tjera shumë më interesante këtu në forum!