Dardania.de - Shiko Postimin Tek

MemphiSx · 21-01-06, 20:52

Veprimtaria e Presidentit Rugova nga viti 1998

Prishtinë, e dielë, 29 mars 1998

Kryetari Rugova bisedoi me telefon me ministrin e Jashtëm të Kanadasë Eksvorthi

Kryetari i Republikës së Kosovës dr. Ibrahim Rugova bisedoi sot paradite me telefon me minsitrin e Jashtëm të Kanadasë Llojd Eksvorthi, i cili gjendet në një vizitë në Shkup.

Shefi i diplomacisë kanadeze në fillim të bisedës shprehu brengosjen e tij të thellë për gjendjen në Kosovë. Ai theksoi angazhimin e Kanadasë për zgjidhjen e çështjes së Kosovës me negociata e me mjete politike.

Kryetari Rugova pasi e falendëroi zotin Eksvorthi për interesimin dhe angazhimin e Kanadasë për çështjen e Kosovës, e njoftoi me situatën aktuale në Kosovë, të cilën e vlerësoi të rëndë dhe të tensionuar pas masakrave dhe operacioniove e të policisë serbe në pjesë të ndryshme të Kosovës.

Kryetari i Kosovës i tha ministrit kanadez se populli i Kosovës është i vendosur që vullnetin e vet politik ta realizojë me mjete paqësore. Kosova shtet i pavarur dhe neutral është zgjidhje optimale për çështjen e Kosovës dhe për rajonin, theksoi ai.

Dr. Rugova pasi shfaqi gatishmërinë për dialog të pakushtëzuar me Beogradin, dhe ritheksoi kërkesën që SHBA-të në bashkëpunim me UE-në të ndërmjetësojnë në negociata.

Ministri i Jashtëm kanadez shprehu gatishmërimë e vendit të tij për të ndihmuar Kosovën, duke premtuar ndihma konkrete për arsimin.

Kryetari Rugova pasi e falënderoi zotin Eksvorthi për interesimin e shfaqur, tha se në të ardhmen pret një angazhim më të madh të Kanadasë për Kosovën. Në fund të bisedës kryetari Rugova e ftoi ministrin kanadez që të vizitojë Kosovën, të cilën ftesë zoti Eksvorthi e pranoi, duke thënë se këtë do ta bënte në një kohë të përshtatshme.

Prishtinë, 29 mars

Kryetarit Rugova vazhdojnë t’i arrijnë telegrame urimi

Me rastin e zgjedhjes kryetar i Republikës së Kosovës, dr. Ibrahim Rugovës telegram urimi i dërgoi Hafiz Gagica, kryetar i Degës së LDK-së në Gjermani dhe i Kolegjiumit të Degëve të LDK-së në Diasporë.

Në këtë telegram thuhet se zgjedhjet e dyta parlamentare e presidenciale në Republikën e Kosovës "konfirmuan edhe një herë vullnetin e shqiptarëve për pavarësi" dhe se rizgjedhja e dr. Rugovës kryetar "jep shpresë se pavarësia e Republikës së Kosovës do të jetë edhe më tej qëllimi final nga i cili duhet të orientohet politika që hartohet në Kosovë".

"Qëndojmë fuqishëm pas përcaktimit Tuaj për zgjidhjen e çështjes së Kosovës me mjete paqësore dhe Ju sigurojmë se të gjitha energjitë tona do t’i vëmë në aktivitetin për jetësimin e këtij përcaktimi", thuhet në telegramin e z. Gagica.

Edhe subjektet shqiptare në Suedi i dërguan dr. Ibrahim Rugovës telegram urimi me rastin e zgjedhjes së tij Kryetar i Republikës së Kosovës.

"I nderuari Kryetar,

Me rastin e zgjedhjes suaj të sërishme Kryetar i Republikës së

Kosovës, Ju urojmë nga zemra fitoren Tuaj dhe të LDK-së në zgjedhjet parlamentare e presidenciale të 22 marsit.

Zgjedhja Juaj rikonfirmoi edhe një herë vullnetin politik të popullit të Kosovës për zgjidhje definitive të problemit të Kosovës në bazë të referendumit të vitit 1991 për Kosovën sovrane e të pavarur.

Subjektet shqiptare në Suedi, si dhe deri më tash, mbështesin fuqimisht politikën Tuaj paqësore e demokratike për ta jetësuar deri në fund vullnetin e popullit për liri e pavarësi", thuhet në teklegramin e nënshkruar nga udhëheqësit e Degës së LDK-së, Komisionit Qendror të Fondit të Republikës së Kosovës, Degës së Besëlidhjes Kombëtare Demokratike Shqiptare, Degës së LASH "N. Frashëri", Fondit për Raste të Jashtëzakonshme, Fondit për Ndihmë Universitetit të Tetovës dhe Unionit të Shoqatave Shqiptare në Suedi

Telegram urimi kryetarit Rugova i dërgoi edhe Muharrem Shabani, ish-deputet i Kuvendit të Kosovës.

"Me rastin e rizgjedhjes Suaj kryetar i Republikës së Kosovës, kam kënaqësinë e veçantë që në emrin tim personal t’Ju uroj përzemërsisht këtë detyrë të rëndësishme në kohën kur populli i Kosovës po i përjeton ditët më të rënda në historinë e tij. Rizgjedhja Juaj në këtë post është inkurajim për tërë kombin tonë, ngase Ju me punën e palodhshme keni dhënë kontribut të veçantë në internacionalizimin e çështjes së Kosovës", thuhet në telegramin e z. Shabani.

Telegram urimi kryetarit Rugova i dërgoi edhe kryetari i Lidhjes së Sporteve të Prishtinës, Maliq Lushaku.

"Rizgjedhja Juaj në këtë detyrë të shenjtë, në kohën kur kombi ynë në Kosovë po përjeton çaste nga të rënda është inkurajim edhe për sportistët shqiptarë.

Fuqimisht dhe pa luhatje mbështësim politikën Tuaj paqësore", thuhet ndër të tjera në këtë telegram.

Prishtinë 29.Mars 1998
Kryetari Rugova mori pjesë në takimin me kryetarët e degëve të LDK-së

Në takimin e rregullt të Kryesisë së LDK-së me kryetarët e degëve të kësaj partie, që u mbajt dje në Prishtinë, u bisedua për gjendjen më të re në Kosovë dhe për zgjedhjet parlamentare dhe presidenciale të 22 marsit.

Në fillim të takimit, të cilin e drejtoi Agim Krasniqi, anëtar i Kryesisë dhe përgjegjës i Sektorit për punë me degët e kësaj partie, kryetarët e degëve të LDK-së ia uruan dr. Rugovës rizgjedhjen kryetar i Republikës së Kosovës.

Duke marrë pjesë në takim, kryetari Rugova çmoi lartë angazhimin e degëve të LDK-së në zgjedhjet e 22 marsit dhe i përgëzoi ata për rezultatet e zgjedhjeve. Kjo është edhe një dëshmi se LDK-ja është parti me një organizim të gjerë e të fuqishëm, e cila gëzon besimin e popullit, tha kryetari Rugova.

Në takim me kryetarët e degëve të LDK-së, kryetari Rugova e vlerësoi të rëndësishëm angazhimin përherë e më të madh të bashkësisë ndërkombëtare rreth çështjes së Kosovës. Ai veçoi përkrahjen e SHBA-ve, të cilat në bashkëpunim me UE-në po agazhohen përherë e më shumë për zgjidhjen paqsore të çështjes së Kosovës dhe për negociata të pakushtëzuara mes Prishtinës dhe Beogradit.

Kryetarët e degëve të LDK-së shqyrtuan ecurinë e zgjedhjeve parlamentare e presidenciale të 22 marsit dhe i vlerësuan ato shumë të sukseshme.

Kryetari i Shtabit zgjedhor të LDK-së, Milazim Krasniqi theksoi se dalja masive e popullit të këto zgjedhje është një fitore e madhe e LDK-së dhe një rikonfirmim i fuqishëm i vullnetit të popullit të Kosovës për pavarësi. Ky është një tregues i qart për besimin, përkrahjen dhe prestigjin e madh që gëzon LDK-ja në popullin e Kosovës, konstatoi z.Krasniqi.

Kryetari Rugova priti diplomatin suedez
Prishtinë, 28 mars

Kryetari i Republikës së Kosovës, dr.Ibrahim Rugova priti mbrëmë sekretarin e parë në Amabsadën e Suedisë në beograd, Jonas Vajs dhe bisedoi me të për gjendjen më të re në Kosovë.

Pasi konstatoi se gjendja vazhdon të jetë tepër e rëndë për shkak të masakrimit të popullsisë së pambrojtur në fshatrat e Drenicës e të Deçanit, kryetari Rugova bëri thirrje për një ndërhyrje urgjente ndërkombëtare ndaj Beogradit, me qëllim të parandalimit të aksioneve terrorisuese të forcave policore e ushtarake serbe.

Kryetari Rugova kërkoi një trysni të vazhdueshme ndaj Beogradit për të vendosur dialogun e pakushtëzuar me Prishtinën, në prani të një pale të tretë ndërkombëtare.

Diplomati Janos Vajs ia përcolli kryetarit Ibrahim Rugova bregosjen e qeverisë suedeze për dhunën në Kosovë. Ai tha se vendi i tij angazhohet për zgjidhjen paqësore të çështjes së Kosovës dhe inkurajon palët për negociata të pakushtëzuara

Kryetari Rugova mori një urim nga nënkryetari i Internacionales Demokristiane

Prishtinë, 28 mars

Kryetari i Republikës së Kosovës dr. Ibrahim Rugova mori një urim nga nënkryetari i Internacionales Demokristiane Josep A. Duran i Leida, në të cilin thuhet:

"Në emër të Unionit Demokratik të Katalonisë (UDC) dhe në emrin tim personal si nënkryetar i Internacionales Demokristiane (CDI) dëshiroj t’ju shpreh përkrahjen tonë të plotë për lëvizjen tuaj dhe t’ju inkurajojmë në luftën tuaj kundër shtypjes, represionit ushtarak dhe jotelerancës.

Unë mbështes pozicionin tuaj për të luftuar me mjete paqësore për realizimin e kërkesave tuaja dhe shpresoj se së shpejti të drejtat dhe liria do t’ju njihen dhe ju do të vendosni sovranitetin tuaj në mënyrë që të mund të vendosni edhe për fatin tuaj të ardhshëm si komb.

Evropa nuk mund të lejojë një luftë të re në Ballkan. Nuk ka nevojë të thuhet se ne nuk mund të pranojmë shfarosje të reja mbi baza etnike a fetare", thuhet mes tjerash në telegramin e nënkryetarit të Internacionales Demokristiane.

Gelbard: Rugova e ka bërë hapin e parë

Prishtinë, 28 mars (QIK)

I dërguari sepcial i presidentit Klinton, Robert Gelbard gjatë qëndrimit të djeshëm në Mal të Zi deklaroi: "Unë nuk mund të flas në emër të anëtarëve të Grupit të Kontaktit, por më duhet të them se sanksionet do të përdoren kundër të gjithë atyre të cilët nuk bashkëpunojnë, e ky nuk është Mali i Zi".

Gelbardi deklaroi se ende nuk ka ardhur koha për takimin e Slobodan Milosheviqin dhe dr. Ibrahim Rugovës. Sipas mendimit të tij ajo që duhet të bëhet doemos është organizimi i mbledhjeve në një nivel tjetër dhe krijimi i ambientit të tillë në të cilin do të ketë mirëkuptim nga të dyja palët.

"Në këtë drejtim Rugova ka ndërmarrë hapin e parë. Mjerisht, Beogradi as hap të parë nuk e ka bërë", konstatoi Gelbrad.

Kryetari Rugova priti kryesuesin e OSBE-së Bronisllav Geremek

Prishtinë, 27 mars (QIK)

Kryetari i Republikës së Kosovës dr. Ibrahim Rugova priti sot Bronisllav Geremekun, ministër i jashtëm i Polonisë dhe kryesues i radhës i OSBE-së. Z. Geremek arriti në Prishtinë i shoqëruar nga një delegacion i gjerë i OSBE-së dhe nga ambasadori polak në Beograd Sllavomir Dabrova.

Në bisedën e gjatë e përzemërt u bisedua për gjendjen në Kosovë, për mundësitë e fillimit të procesit paqësor dhe ndihmën që duhet ta japin faktorët ndërkombëtarë.

Z. Geremek, pasi i uroi dr. Rugovës zgjedhjen e sërishme kryetar i Kosovës, shpjegoi se qëllimi i vizitës në Prishtinë, si edhe i vizitës në Beograd, është shqyrtimi i mundësive të angazhimit të OSBE-së në drejtim të zgjidhjes së çështjes së Kosovës dhe të vendosjes së misionit afatgjatë të OSBE-së në Kosovë.

Kryetari i Republikës së Kosovës dr. Ibrahim Rugova e përshkroi situatën në Kosovë shumë të rëndë e të rrezikshme. Ai tha se aksionet e forcave serbe policore e ushtarake nga fshatrat e Drenicës janë shtrirë ditëve të fundit edhe në fshatrat e Deçanit. Dr. Rugova bëri thirrje për ndërhyrje urgjente ndërkombëtare, me qëllim që të ndërpriten masakrat e popullsisë.

Kryetari Rugova përkujtoi gjatë bisedës se Kosova kishte në ish-federatën e Jugosllavisë statusin e njësisë së barabartë me shtatë njësitë tjera dhe se mbi këtë bazë Kosova e ushtroi të drejtën e deklarimit të vullnetit të vet politik për pavarësi më 1991. Ai tha edhe me këtë rast se Republika e pavarur e Kosovës është zgjidhja më e mirë që e qetëson rajonin. Në këtë mënyrë do të garantoheshin edhe të drejtat dhe interesat e serbëve të Kosovës.

Dr. Rugova tha se udhëheqja e Kosovës është e vendosur që çështja e Kosovës të zgjidhet në mënyrë paqësore dhe me negociata, me praninë e palës së tretë ndërkombëtare të autorizuar, siç është kërkuar edhe nga Grupi i Kontaktit.

Ministri i jashtëm i Polonisë dhe kryesues i radhës së OSBE-së Bronisllav Geremek shprehu shqetësimin e Organizatës për Siguri e Bashkëpunim Evropian si edhe të shtetit të Polonisë për gjendjen në Kosovë. Ai shprehu gatishëmrinë e OSBE-së për të inkurajuar zgjidhjen paqësore të çështjes së Kosovës.

Pas takimit, kryetari Rugova dhe Ministri Geremek dhanë deklarata për gazetarë.

Kryetari Rugova priti ambasadorin e Kanadasë

Prishtinë, 27 mars (QIK)

Kryetari i Republikës së Kosovës, dr. Ibrahim Rugova priti sot ambasadorin e Kanadasë në Beograd, Rafael Zhirard dhe u ndal me të në një bisedë për zhvillimet më të reja në Kosovë.

Duke folur për gjendjen në Kosovë, kryetari Rugova tha se aksionet policore e ushtarake serbe, përveç në rajonin e Drenicës, kanë vazhduar edhe në fshatra të Deçanit. Ai kërkoi një ndërhyrje urgjente ndërkombëtare me qëllim të ndërprerjes së menjëhershme të këtyre aksioneve të forcave serbe.

Kryetari Rugova ritheksoi përcaktimin e fuqishëm të udhëheqjes dhe të popullit të Kosovës për zgjidhjen padhunë të çështjes së Kosovës. Ai tha se Kosova e pavarur e neutrale, me garanca për serbët lokalë dhe interesat e tyre në Kosovë, është zgjidhja më e mirë, e cila do të qetësonte gjithë rajonin.

Kryetari i Republikës së Kosovës dr. Ibrahim Rugova tha se dialogu i pakushtëzuar në mes të Prishtinës dhe Beogradit, siç rekomandon edhe Grupi i Kontaktit, është i domosdoshëm për zgjidhjen e çështjes së Kosovës. Ndërmjetësimi ndërkombëtar është esencial për vendosjen e negociatave dhe për zbatimin e marrëveshjes, tha ai duke kërkuar ndërmjetësimin e SHBA-ve në bashkëpunim me UE-në.

Pasi dënoi dhunën në Kosovë, ambasadori i Kanadasë Zhirar theksoi brengosjen dhe interesimin e qeverisë kanadeze për një zgjidhje paqësore të çështjes së Kosovës.

Konferencë për gazetarë e Kryetarit të Republikës së Kosovës dr. Ibrahim Rugova

Prishtinë, 27 mars (QIK)

Kryetari i Republikës së Kosovës dr.Ibrahim Rugova mbajti sot konferencën e rregullt me përfaqësuesit e mjeteve të informacionit, në të cilën morën pjesë shumë gazetarë të vendit dhe të huaj, të cilët po raportojnë këto ditë nga Kosova.

Kryetari Rugova në fillim të takimit përshëndeti përpjekjet e fuqishme dhe energjike të zonjës Medlin Ollbrajt gjatë takimit të dytë të Grupit të Kontaktit për çështjen e Kosovës, që u mbajt më 25 mars në Bon. Ai po ashtu përshëndeti ministrin e jashtëm gjerman Kinkel dhe kolegun e tij britanik Robin Kuk, si dhe të gjithë

anëtarët e Grupit të Kontaktit për angazhimin e tyre në këtë konferencë për Kosovën.

Kryetari Rugova njëherësh falënderoi ambasadorët Robert Gelbard dhe Xheremi Grinstok për angazhimin e tyre për çështjen e Kosovës dhe për vizitën që i bënë dje Prishtinës. Ai theksoi se udhëheqja e Kosovës kërkon më shumë nga Grupi i Kontaktit dhe angazhohet që të zbatohen masat dhe sanksionet e tij të parapara në takimin e Londrës.

Kryetari Rugova me këtë rast falënderoi edhe presidentin e Francës Zhan Shirak për bisedën substanciale që pati pardje me të për çështjen e Kosovës.

Duke folur për gjendjen në Kosovë, kryetari Rugova tha se ajo vazhdon të jetë e rëndë dhe e tensionuar. Pas atakut masiv në Drenicë, këto ditë u bë edhe një atak në fshatrat e Deçanit, theksoi kryetari Rugova dhe kërkoi që të ndërpriten menjëherë këto operacione policore-ushtarake kundër popullsisë civile.

Në këtë konfrencë, Kryetari i Republikës së Kosovës edhe njëherë i falënderoi gazetarët që po raportojnë këto nga Kosova dhe iu përgjigj interesimit të tyre për aspekte të ndyshme të zhvillimeve më reja në Kosovë.

I lutur të komentojë deklaratën e peshkopit Artemie lidhur me Kosovën, presidenti Rugova tha se përshëndetë çdo deklaratë të angazhuar e pozitive për zgjidhjen paqësore e me dialog të çështjes së Kosovës. Vullneti i popullit është - Kosova e pavarur, e lirë e demokratike.

I pyetur pë mundësitë e dialogut, kryetari Ibrshim Rugova theksoi se pala shqiptare pranon qëndrimin e bashkësisë ndërkombëtare, të SHBA-ve, të UE dhe të Grupit të Kontaktit se duhet të fillojë një dialog pa kushte me ndërmjetësim ndërkombëtar. Që të arrihet kjo, tha dr. Rugova, duhet të bëhët një presion më i madh ndërkombëtar dhe ndihma e bashkësisë ndërkombëtare.

Duke u përgjigjur në pyetjen e një gazetari se a nënkupton dialogu pa kushte tërheqjen e forcave policore nga territoret e Drenicës, kryetari Rugova tha se Grupi i Kontaktit e ka kërkuar tërheqjen e këtyre forcave dhe se po punohet në këtë drejtim. Por, duhet të bisedohet në çfarëdo rrethanash për zgjidhjen e çështjes së Kosovës dhe se në bisedime secila nga palët negociuese hyn me qëndrimet e veta, theksoi kryetari Rugova.

Lidhur me kërkesën e disa ligjvënësve amerikanë për ndalimin e fluturimit të helikopterëve e aeroplanëve ushtarakë serbë mbi Kosovën, veçmas pas masakrimeve të popullatës civile në Drenicë pikërisht nga ajri, kryetari Rugova tha se sanksioni i parë që është paraparë në dokumentin e Grupit të Kontaktit është embargoja e armëve kundër Serbisë. Pastaj, vijnë sanksionet ekonomike dhe ndalimi i zonës së fluturimeve ushtarake mbi Kosovën dhe këtë angazhim të amerikanëve e vlerësoi si shumë pozitiv, theksoi veç tjerash kryetari i Republikës së Kosovës dr.Ibrahim Rugova në konferencën e sotme për gazetarë.

Kryetari Rugova u zgjodh "Personalitet i javës" nga Televizioni hungarez TV2

Prishtinë, 24 mars (QIK)

Kryetari i Republikës së Kosovës, Dr. Ibrahim Rugova u zgjodh gjatë javës që shkoi "Personalitet i javës" në televizionin hungarez TV2.

Gjergj Kakuk, redaktor përgjegjës për lajmet e jashtme në televizionin e pavarur hungarez MTM SRS i tha QIK-ut se kryetari Rugova u zgjodh "Personalitet i javës" gjatë emisionit të drejtpërdrejtë 35 minutësh "Çështjet ndërkombëtare" përmes votës së shikuesve.

Numri i përgjithshëm i votës dhënë kryetarit Rugova do të jipet gjatë të njëjtit emision këtë javë

Sekretari austriak i shtetit i bashkohet mbështetjes së madhe për Rugovën

Prishtinë, 24 mars (QIK)

Sekretari për marrëdhënie me jashtë i Austris, Benita Ferero-Valdner kumtoi dje se i "bashkohet mbështetjes së madhe për liderin e shqiptarëve të Kosovës, Ibrahim Rugova, në zgjedhjet paralele në Kosovë", njofton Beta.

Kryetarit Rugova po i arrijnë telegrame urimi

Prishtinë, 24 mars (QIK)

Kryetarit të Republikës së Kosovës dr. Ibrahim Rugova sot i kanë arritur telegrame urimi me rastin e zgjedhjeve parlamentare e presidenciale në Kosovë.

"Në emër të PPD dhe në emrin tim personal ju dergojmë urimet tona të sinqerta për ngadhnjimin e vullnetit politik të popullit të Kosovës", thuhet në urimin e kryetarit të PPD Abdurrahman Alitit.

Lidhja Demokratike e Kosovës së bashku me forcat e tjera politike në Kosovë gjetën forcë politike që tërë zgjimin dhe lëvizjen e tyre kombëtare ta fokusojnë në artikulimin e qartë historik të vullnetit politik për liri, pavarësi dhe dinjitet kombëtarm thuhet më tyutje në urim dhe theksohet se zgjedhjet e suksesshme në Kosovë konfirmuan edhe njëherë idealin politik të popullit kosovar drejt realizimit të aspiratave politike, demokratike te Kosovës për t’u konstituuar në shtet të pavarur, sovran dhe neutral, thuhet mes tjerash në këtë urim.

Ndërkaq në urimin e Ramazan Bekteshit nga degët e LDK në Amerikë dhe Kanada thuhet:

"Në emër të degëve të LDK-së për Amerikë dhe Kanada pranoni urimet tona më të sinqerta me rastin e zgjedhjeve presedenciale e parlamentare. Rizgjedhja juaj për kryetar është edhe një testament drejt pavarësisë. Besimi që ju gëzoni brenda dhe në arenën ndërkombëtare është për admirim. Vizioni dhe preciziteti juaj diplomatik janë edhe një garanci për Republikën tonë të pavarur. Pranoni përshëndetjet e vëllezërve tuaj shqiptaro-amerikan që jetojnë e veprojnë në kulmin e demokracisë botërore. Zoti e bekoftë Kosovën dhe SHBA-të".

"Në emër të anëtarësisë së PVD-së dhe në emrin tim personal të Ju uroj zgjedhjen për President të Republikës së Kosovës në zgjedhjet e 22 marsit. Niveli i lartë i organizimit të zgjedhjeve dhe masiviteti i pjesëmarrjes së qytetarëve dëshmon qartë për vendosmërinë e popullit të Kosovës për ndërtimin e organeve dhe institucioneve shtetërore.

Deklarimi plebishitar i 22 marsit është njëkohësisht përkrhaje e fortë për politikën paqësore që Ju me konsekuencë jeni duke e udhëhequr dhe e cila është alternativë e vetme për realizimin e aspiratave kombëtare të shqiptarëve në të gjitha trevat etnike", thuhet në urimin e PVD-së, të nënshkruar nga Riza Halimi.

Gjilan: Vota e popullit - Rugovës dhe LDK-së

Prishtinë, 24 mars (QIK)

Vetëm dy ditë pas zgjedhejve presidenciale e parlamentare të Republikës së Kosovës, Komisioni i zgjedhjeve i Njësisë zgjedhore të Gjilanit, i cili kishte pesë zona zgjedhore, arriti t’i përmbledhë e përpunojë rezultatet e votimeve.

Bazuar në raportin zyrtar të këtij Komisioni në këtë njësi Zgjedhore, nga 53.525 zgjedhës, në votime dolën 42.090 zgjedhës apo 78,63 për qind nga të cilët 41.954 zgjedhës votën e tyre ia besuan Dr. Ibrahim Rugovës për kryetar të Republikës së Kosovës, shprehur në përqindje - 99,62 për qind.

Edhe për kandidatët e mundshëm për deputetë, ku konkuruan shtatë subjekte politike e shoqata qytetare me gjithsej 32 kandidatë (PSHDK-ja, PNDSH-ja, PSDK-ja, PLK-ja, SHJK-ja, LDK-ja dhe LGJK-ja), përkatësisht degët e tyre në Gjilan, më së shumti fitoi Dega e LDK-së, gjithsejt katër vende. Kurse një kandidat i PSHDK-së ishte në koalicion me LDK-në poashtu fitoi numrin e duhur të votave për Parlamentin e ardhshëm të Republikës së Kosovës.

Deputetët e rinj të Parlamentit të Republikës së Kosovës nga komuna e Gjilanit janë: Dr. Xhavit Hajdari (LDK), kryetar i Këshillit Komunal për Shëndetësi, i cili konkuroi në Zonën zgjehdore nr.1 dhe nga 9309 zgejdhës sa votuan prej 11350 zgjedhësve, fitoi 506 vota. Pastaj, dr. Fehmi Rexhepi, drejtor i Institutit të Historisë së Kosovës, i cili edhe një herë konkuroi në zonën nr.3 dhe fitoi 9900 zgjedhësve prej gjithsejt 12853, fitoi votat e 7042 zgjedhësve. Deputeti i tretë i LDK-së nga kjo Njësi Zgjedhore është shkrimtari Ibrahim Kadriu i cili konkuroi në zonën nr. 4, nga 7784 zgjedhësve sa dolën në votime prej gjithsejt 9847 fitoi votat e 5194 zgjedhësve. Si dhe mr. Abdyl Hoxha i cili konkuroi në zonën nr. 5 dhe nga 6020 zgjedhës sa dolën fitoi 5043 vota.

Deputeti i pestë nga kjo komunë është Mehmet Kurteshi i Degës së PSHDK-së e cila kësaj radhe në zonën nr.2 ishte në koalicion me LDK-në. Prej 8833 zgjedhësve sa votuan nga gjithsej 11231 zgjedhës të kësaj zone për Mehmet Kurteshin votuan 5494 zgjedhës.

Të gjithë të tjerët kanë ngelur dukshëm mbrapa.

Dr. Rugova: Pas rezultateve definitive, do të konstituohet Parlamenti dhe do të zgjedhet qeveria në Kosovë

Prishtinë, 24 mars (QIK)

Kryetari i Republikës së Kosovës, dr. Ibrahim Rugova mbajti sot në Prishtinë një konferencë të jashtëzakonshme për gazetarë, në të cilën vlerësoi lart Zgjedhjet e 22 marsit dhe shpalli listën e Grupit Këshilldhënës për përgatitjen e platformës për bisedimet me përfaqësuesit e Milosheviqit.

Duke folur në praninë e një numri të madh gazetarësh të huaj e të vendit, për zgjedhjet e dyta parlamentare dhe presidenciale të Republikës së Kosovës, dr. Rugova tha se ato u zhvilluan me sukses dhe se ishin një referendum për pavarësi, për politikën paqësore dhe demokracinë në Kosovë.

Ai përshëndeti pjesëmarrjen masive të qytetarëve të Kosovës në zgjedhje dhe theksoi se karakteristikë e këtyre zgjedhjeve është fakti se për herë të parë votuan rreth 300 mijë të rinjë nga 1 150 000 votues.

Kryetari i falënderoi edhe gazetarët që raportuan këto ditë për zgjedhjet dhe situatën në Kosovë në kushte shumë të vështira dhe shprehu keqardhje që shumë nga ata nuk pati mundësi t’i pranojë dhe të bisedojë me ta gjerësisht për gjendjen në Kosovë.

Duke vlerësuar situatën aktuale në Kosovë, Kryetari Rugova tha se ajo vazhdon të jetë e rëndë, veçmas në rajonin e Drenicës ku forcat serbe ende po mbajnë të bllokuara disa fshatra. Ai kërkoi nga Grupi i Kontaktit që të bëjë trysni mbi Beogradin për realizimin e masave të Grupit të Kontaktit nga mbledhja e 9 marsit e mbajtur në Londër.

Kryetari Rugova ua kumtoi gazetarëve lajmin se këto ditë Republikën e Kosovës e ka njohur Dominioni i Marshidezekut, shtet në ujëdhesën e Pacifikut. Me këtë shtet së shpejti do të këmbejmë ambasadorët, tha Rugova.

Kryetari Rugova i njoftoi gazetarët për caktimin e Grupit Këshilldhënës (G-15). Ky Grup Këshilldhënës i kryetarit të Republikës së Kosovës dr.Ibrahim Rugova do të përgatisë një platformë për bisedime me përfaqësuesit e Millosheviqit.

Grupi përbëhet nga: Fehmi Agani, Mahmut Bakalli, Bujar Bukoshi, Adem Demaçi, Hydajet Hyseni, Rexhep Ismajli, Bajram Kelmendi, Mark Krasniqi, Shkëlzen Maliqi, Pajazit Nushi, Blerim Shala, Esat Stavileci, Veton Surroi, Edita Tahiri dhe përfaqësuesi i UPS të UP-së (Dugolli, Kurti), ose ndonjë përfaqësues i zgjedhur nga UPSUP.

Duke u përgjigjur në një pyetje lidhur me implementimin e protokolit të djeshëm për realizimin e marrëveshjes për kthimin e nxënësve dhe të studentëve shqiptarë në objektet shkollore dhe universitare, kryetari Rugova tha se duhet të bëhet akoma më shumë presion mbi Beogradin që ta zbatojë këtë kalendar. Nga përvoja e deritashme, mund të dyshohet se Beogradi sërish do të përpiqet të mos e impletojë marrëveshjen. Por, shpresojmë se kësaj radhe kalendari për kthimin në objekte do të realizohet, tha kryetari Rugova.

Në pyetjen se a do të konsituohet së shpejti Parlamenti i Republikës së Kosovës, kryetari Rugova theksoi se pas rezultateve definitive të zgjedhjeve parlamentare dhe presidenciale, të cilat do t’i shpallë Komisioni zgjedhor Republikan, do të bëhet konstituimi i Parlamentit dhe do të zgjedhet një qeveri efektive në Kosovë.

Dr. Rugova: Pas rezultateve definitive, do të konstituohet Parlamenti dhe do të zgjedhet qeveria në Kosovë

Prishtinë, 24 mars (QIK)

Kryetari i Republikës së Kosovës, dr. Ibrahim Rugova mbajti sot në Prishtinë një konferencë të jashtëzakonshme për gazetarë, në të cilën vlerësoi lart Zgjedhjet e 22 marsit dhe shpalli listën e Grupit Këshilldhënës për përgatitjen e platformës për bisedimet me përfaqësuesit e Milosheviqit.

Duke folur në praninë e një numri të madh gazetarësh të huaj e të vendit, për zgjedhjet e dyta parlamentare dhe presidenciale të Republikës së Kosovës, dr. Rugova tha se ato u zhvilluan me sukses dhe se ishin një referendum për pavarësi, për politikën paqësore dhe demokracinë në Kosovë.

Ai përshëndeti pjesëmarrjen masive të qytetarëve të Kosovës në zgjedhje dhe theksoi se karakteristikë e këtyre zgjedhjeve është fakti se për herë të parë votuan rreth 300 mijë të rinjë nga 1 150 000 votues.

Kryetari i falënderoi edhe gazetarët që raportuan këto ditë për zgjedhjet dhe situatën në Kosovë në kushte shumë të vështira dhe shprehu keqardhje që shumë nga ata nuk pati mundësi t’i pranojë dhe të bisedojë me ta gjerësisht për gjendjen në Kosovë.

Duke vlerësuar situatën aktuale në Kosovë, Kryetari Rugova tha se ajo vazhdon të jetë e rëndë, veçmas në rajonin e Drenicës ku forcat serbe ende po mbajnë të bllokuara disa fshatra. Ai kërkoi nga Grupi i Kontaktit që të bëjë trysni mbi Beogradin për realizimin e masave të Grupit të Kontaktit nga mbledhja e 9 marsit e mbajtur në Londër.

Kryetari Rugova ua kumtoi gazetarëve lajmin se këto ditë Republikën e Kosovës e ka njohur Dominioni i Marshidezekut, shtet në ujëdhesën e Pacifikut. Me këtë shtet së shpejti do të këmbejmë ambasadorët, tha Rugova.

Kryetari Rugova i njoftoi gazetarët për caktimin e Grupit Këshilldhënës (G-15). Ky Grup Këshilldhënës i kryetarit të Republikës së Kosovës dr.Ibrahim Rugova do të përgatisë një platformë për bisedime me përfaqësuesit e Millosheviqit.

Grupi përbëhet nga: Fehmi Agani, Mahmut Bakalli, Bujar Bukoshi, Adem Demaçi, Hydajet Hyseni, Rexhep Ismajli, Bajram Kelmendi, Mark Krasniqi, Shkëlzen Maliqi, Pajazit Nushi, Blerim Shala, Esat Stavileci, Veton Surroi, Edita Tahiri dhe përfaqësuesi i UPS të UP-së (Dugolli, Kurti), ose ndonjë përfaqësues i zgjedhur nga UPSUP.

Duke u përgjigjur në një pyetje lidhur me implementimin e protokolit të djeshëm për realizimin e marrëveshjes për kthimin e nxënësve dhe të studentëve shqiptarë në objektet shkollore dhe universitare, kryetari Rugova tha se duhet të bëhet akoma më shumë presion mbi Beogradin që ta zbatojë këtë kalendar. Nga përvoja e deritashme, mund të dyshohet se Beogradi sërish do të përpiqet të mos e impletojë marrëveshjen. Por, shpresojmë se kësaj radhe kalendari për kthimin në objekte do të realizohet, tha kryetari Rugova.

Në pyetjen se a do të konsituohet së shpejti Parlamenti i Republikës së Kosovës, kryetari Rugova theksoi se pas rezultateve definitive të zgjedhjeve parlamentare dhe presidenciale, të cilat do t’i shpallë Komisioni zgjedhor Republikan, do të bëhet konstituimi i Parlamentit dhe do të zgjedhet një qeveri efektive në Kosovë.

Dr. Ibrahim Rugova kryetar i Republikës së Kosovës

Prishtinë, 23 mars (QIK)

Dr. Ibrahim Rugova është zgjedhur Kryetar i Republikës së Kosovës në zgjedhjet e 22 marsit, kumtoi sonte Shtabi Zgjedhor i LDK-së duke pasur parasysh rezultatet preliminare të votimeve.

Mbështetja e elektoratit gati qind për qind për kandidaturën e Ibrahim Rugovës në të vërtetë është shpallje e besimit dhe e mbështetjes së popullit të Kosovës për udhëheqësin e vet dhe për politikën e tij paqësore e demokratike.

Votimet e djeshme në Kosovë dhe zgjedhja e dr. Ibrahim Rugovës kryetar i Republikës së Kosovës forcojnë figurën e tij të bashkuesit të vullnetit politik të popullit të Kosovës dhe konfirmojnë vendosmërinë e tij për lirinë dhe pavarësinë e Kosovës.

Në planin ndërkombëtar, zgjedhja e dr. Rugovës për kryetar të Republikës legjitimon dhe forcon pozicionin e udhëheqësit të popullit të Kosovës në negociatat që pritet të zhvillohen lidhur me zgjidhjen e çështjes së Kosovës.

"Fokus": Rugova bashkoi popullin rreth pavarësisë

Prishtinë, 23 mars (QIK)

Në një koment që e boton sot e përditshmja shqipe e Zvicrës "Fikus" me titull "Të palëkundshëm për pavarësi" dhe me nëntitull "Rugova është personaliteti që e bashkoi popullin rreth pavarësisë", autori Mehmet Emërllahu komenton zgjedhjet parlamentare e presidenciale të 22 marsit në Kosovë.

Për Kosovën, por edhe për mbarë shqiptarët, këto zgjedhje janë dëshmia më e madhe se gjysma e kombit e mbetur padrejtësisht brenda një kufiri të imponuar, nuk ka ndenjur as nuk rri duarkryq në asnjë periudhë, por ka punuar dhe punon për pavarësi, punon me këmbëngulje për zgjidhjen e një çështjeje të madhe ende të pazgjidhur, konstatohet në fillim të komentit, për të pohuar se këto zgjedhje janë rikonfirmim i vullnetit politik të popullit.

Autori këto zgjedhje i quan edhe "zgjedhje për histori, sepse u zhvilluan në rrethana tepër të rënduara, kur shteti serb ka shkallëzuar dhunën mbi Kosovën, kur policia terroriste e tij ka masakruar popullatën e Drenicës dhe vazhdon ta terrorizojë edhe më tej pikërisht pse kjo popullatë e ka kundërshtuar historikisht dhe po e kundërshton aktualisht, si edhe të gjithë shqiptarët, pushtimin e huaj, kur ekziston gatishmëria dhe vullneti i të gjithëve që me çdo kusht të realizojnë dhe të konsolidojnë shtetin e vet të pavarur". Më tutje theksohet se shqiptarët janë dëshmuar edhe historikisht miq të mëdhenj ndaj miqve, por edhe refuzues të vendosur ndaj pushtuesve dhe diktatit të të huajve.

Duke komentuar daljen masive në zgjedhjet e djeshme autori thekson se kjo dëshmoi fuqishëm unitetin e plotë të popullit në përcaktimin e tij për të realizuar me çdo kusht synimet e veta kombëtare, pavarësisht nga interesat e ngushta personale e politike, që janë të rëndomta për çdo shoqëri që kalon nëpër një fazë të këtillë në rrugën e konsolidimit të shtetit të vet.

Karakteristike për këto zgjedhje, thuhet më tutje në koment, është edhe interesimi i madh i bashkësisë ndërkombëtare, sidomos i SHBA-ve, si superfuqia e vetme botërore, pa angazhimin e të cilës nuk mund të zgjidhet asnjë çështje e madhe në botë. SHBA-të qe disa vjet me radhë kanë shfaqur një interesim të madh për çështjen tonë, të cilin e dëshmuan sidomos kësaj radhe, duke përkrahur kështu edhe zgjidhjen e çështjes së Kosovës.

Pas këtij akti pason zgjedhja dhe konsolidimi i Parlamentit dhe i Qeverisë së Republikës së Kosovës bashkë me të gjitha institucionet përkatëse shtetërore. Kjo do të jetë faza e rrumbullakësimit të projektit shtetëror, ku institucionet do ta marrin rolin kryesor në konsolidimin e të gjitha segmenteve shtetërore, theksohet në koment.

Pasi theksohet fryma e unitetit të popullit të Kosovës për t’u bërë njëherë e përgjithmonë zot të vetvetes në shtëpinë e vet dhe për t’u liruar përfundimisht nga okupuesi shekullor, autori i komentit pohon se, përkundër luhatjeve dhe kundërshtimeve politike brendashqiptare në Kosovë, thekson rolin e madh të politikës paqësore të presidentit të Republikës së Kosovës, dr. Ibrahim Rugova, i cili edhe në këto momente qëndroi i pathyeshëm në rrugën e pavarësisë dhe e bashkoi popullin. Përcaktimi për pavarësi është përcaktim për shtet të pavarur, përfundon komenti.

Fitore bindëse e LDK-së

Prishtinë, 23 mars (QIK)

Raportet nga degët e LDK-së në Kosovë bëjnë me dije për një fitore bindëse të kandidatëve të LDK-së për deputetë.

Në Podujevë thuhet se kanë fituar të pesë kandidatët e LDK-së: dr. Sabri Hamiti, dr. Rexhep Gjergji, mr. Fatmir Sejdiu, Naip Zeka dhe Agim Veliu.

Në këtë komunë kanë dalë në zgjedhje 90% e qytetarëve me të drejtë vote.

Për Kryetarin e Republikës së Kosovës kanë votuar 98% e votuesve.

Në Gjilan deri më tash janë përpunuar fletëvotimet nga 78 vendvotime, prej 87 sa janë gjithsej. Nga Komisioni Zgjedhor komunal mirret vesh se pjesëmarrja e zgjedhësve ishte 78,84% nga qytetarët me të drejtë vote, duke përfshirë edhe ata që janë në mërgim.

Nënkryetari i Degës së LDK-së në Gjilan Lufti Haziri thotë se për Kryetarin e Republikës së Kosovës kanë votuar 99% e zgjedhësve.

Në Gjilan kanë fituar kandidatët e LDK-së: Ibrahim Kadriu, Abdyl Hoxha, Xhavit Hajdari dhe dr. Fehmi Rexhepi, si edhe Mehmet Kurteshi, kandidat i koalicionit të LDK-së me PSHDK-në.

Nga Komisioni Zgjedhor komunal në Pejë mirret vesh se kanë votuar mbi 82% e zgjedhësve. Për Kryetarin e Republikës së Kosovës kanë votuar 98% e votuesve. Edhe në këtë komunë kandidatët e LDK-së kanë shënuar fitore. Thuhet se rezultate të mira ka shënuar edhe kandidati i Lidhjes Qytetare të Kosovës.

Rezultatet preliminare nga komuna e Dragashit bëjnë me dije se në zgjedhjet e djeshme parlamentare e presidenciale morën pjesë mbi 95 për qind e votuesve.

Bëhet e ditur se për dr. Ibrahim Rugovën kanë votuar 99.6 për qind e votuesve, ndërsa në zgjedhjet për deputetë fitoi kandidati i LDK-së, Ruzhdi Berisha.

Në Kamenicë morën pjesë në zgjedhje dolën mbi 95 për qind e elektoratit

Thirrjet për bojkot nuk patën sukses, ndërsa në zgjedhje dolën edhe anëtarë të PPK-së dhe të PSDK-së, krahu i Luljeta Pula-Beqirit.

Për Kryetarin Rugova votuan mbi 95 për qind e elektoratit, kurse kandidatët për deputetë të LDK-së, Emin Krasniqi e dr. Reshat Maliqi fituan mbi 90 për qind të votave.

21-01-06, 20:52	#40
MemphiSx ZoT DhE KrenaR Anëtarësuar: 11-12-03 Vendndodhja: StAteS Of GjAkOvA Postime: 12,338	Veprimtaria e Presidentit Rugova nga viti 1998 Prishtinë, e dielë, 29 mars 1998 Kryetari Rugova bisedoi me telefon me ministrin e Jashtëm të Kanadasë Eksvorthi Kryetari i Republikës së Kosovës dr. Ibrahim Rugova bisedoi sot paradite me telefon me minsitrin e Jashtëm të Kanadasë Llojd Eksvorthi, i cili gjendet në një vizitë në Shkup. Shefi i diplomacisë kanadeze në fillim të bisedës shprehu brengosjen e tij të thellë për gjendjen në Kosovë. Ai theksoi angazhimin e Kanadasë për zgjidhjen e çështjes së Kosovës me negociata e me mjete politike. Kryetari Rugova pasi e falendëroi zotin Eksvorthi për interesimin dhe angazhimin e Kanadasë për çështjen e Kosovës, e njoftoi me situatën aktuale në Kosovë, të cilën e vlerësoi të rëndë dhe të tensionuar pas masakrave dhe operacioniove e të policisë serbe në pjesë të ndryshme të Kosovës. Kryetari i Kosovës i tha ministrit kanadez se populli i Kosovës është i vendosur që vullnetin e vet politik ta realizojë me mjete paqësore. Kosova shtet i pavarur dhe neutral është zgjidhje optimale për çështjen e Kosovës dhe për rajonin, theksoi ai. Dr. Rugova pasi shfaqi gatishmërinë për dialog të pakushtëzuar me Beogradin, dhe ritheksoi kërkesën që SHBA-të në bashkëpunim me UE-në të ndërmjetësojnë në negociata. Ministri i Jashtëm kanadez shprehu gatishmërimë e vendit të tij për të ndihmuar Kosovën, duke premtuar ndihma konkrete për arsimin. Kryetari Rugova pasi e falënderoi zotin Eksvorthi për interesimin e shfaqur, tha se në të ardhmen pret një angazhim më të madh të Kanadasë për Kosovën. Në fund të bisedës kryetari Rugova e ftoi ministrin kanadez që të vizitojë Kosovën, të cilën ftesë zoti Eksvorthi e pranoi, duke thënë se këtë do ta bënte në një kohë të përshtatshme. Prishtinë, 29 mars Kryetarit Rugova vazhdojnë t’i arrijnë telegrame urimi Me rastin e zgjedhjes kryetar i Republikës së Kosovës, dr. Ibrahim Rugovës telegram urimi i dërgoi Hafiz Gagica, kryetar i Degës së LDK-së në Gjermani dhe i Kolegjiumit të Degëve të LDK-së në Diasporë. Në këtë telegram thuhet se zgjedhjet e dyta parlamentare e presidenciale në Republikën e Kosovës "konfirmuan edhe një herë vullnetin e shqiptarëve për pavarësi" dhe se rizgjedhja e dr. Rugovës kryetar "jep shpresë se pavarësia e Republikës së Kosovës do të jetë edhe më tej qëllimi final nga i cili duhet të orientohet politika që hartohet në Kosovë". "Qëndojmë fuqishëm pas përcaktimit Tuaj për zgjidhjen e çështjes së Kosovës me mjete paqësore dhe Ju sigurojmë se të gjitha energjitë tona do t’i vëmë në aktivitetin për jetësimin e këtij përcaktimi", thuhet në telegramin e z. Gagica. Edhe subjektet shqiptare në Suedi i dërguan dr. Ibrahim Rugovës telegram urimi me rastin e zgjedhjes së tij Kryetar i Republikës së Kosovës. "I nderuari Kryetar, Me rastin e zgjedhjes suaj të sërishme Kryetar i Republikës së Kosovës, Ju urojmë nga zemra fitoren Tuaj dhe të LDK-së në zgjedhjet parlamentare e presidenciale të 22 marsit. Zgjedhja Juaj rikonfirmoi edhe një herë vullnetin politik të popullit të Kosovës për zgjidhje definitive të problemit të Kosovës në bazë të referendumit të vitit 1991 për Kosovën sovrane e të pavarur. Subjektet shqiptare në Suedi, si dhe deri më tash, mbështesin fuqimisht politikën Tuaj paqësore e demokratike për ta jetësuar deri në fund vullnetin e popullit për liri e pavarësi", thuhet në teklegramin e nënshkruar nga udhëheqësit e Degës së LDK-së, Komisionit Qendror të Fondit të Republikës së Kosovës, Degës së Besëlidhjes Kombëtare Demokratike Shqiptare, Degës së LASH "N. Frashëri", Fondit për Raste të Jashtëzakonshme, Fondit për Ndihmë Universitetit të Tetovës dhe Unionit të Shoqatave Shqiptare në Suedi Telegram urimi kryetarit Rugova i dërgoi edhe Muharrem Shabani, ish-deputet i Kuvendit të Kosovës. "Me rastin e rizgjedhjes Suaj kryetar i Republikës së Kosovës, kam kënaqësinë e veçantë që në emrin tim personal t’Ju uroj përzemërsisht këtë detyrë të rëndësishme në kohën kur populli i Kosovës po i përjeton ditët më të rënda në historinë e tij. Rizgjedhja Juaj në këtë post është inkurajim për tërë kombin tonë, ngase Ju me punën e palodhshme keni dhënë kontribut të veçantë në internacionalizimin e çështjes së Kosovës", thuhet në telegramin e z. Shabani. Telegram urimi kryetarit Rugova i dërgoi edhe kryetari i Lidhjes së Sporteve të Prishtinës, Maliq Lushaku. "Rizgjedhja Juaj në këtë detyrë të shenjtë, në kohën kur kombi ynë në Kosovë po përjeton çaste nga të rënda është inkurajim edhe për sportistët shqiptarë. Fuqimisht dhe pa luhatje mbështësim politikën Tuaj paqësore", thuhet ndër të tjera në këtë telegram. Prishtinë 29.Mars 1998 Kryetari Rugova mori pjesë në takimin me kryetarët e degëve të LDK-së Në takimin e rregullt të Kryesisë së LDK-së me kryetarët e degëve të kësaj partie, që u mbajt dje në Prishtinë, u bisedua për gjendjen më të re në Kosovë dhe për zgjedhjet parlamentare dhe presidenciale të 22 marsit. Në fillim të takimit, të cilin e drejtoi Agim Krasniqi, anëtar i Kryesisë dhe përgjegjës i Sektorit për punë me degët e kësaj partie, kryetarët e degëve të LDK-së ia uruan dr. Rugovës rizgjedhjen kryetar i Republikës së Kosovës. Duke marrë pjesë në takim, kryetari Rugova çmoi lartë angazhimin e degëve të LDK-së në zgjedhjet e 22 marsit dhe i përgëzoi ata për rezultatet e zgjedhjeve. Kjo është edhe një dëshmi se LDK-ja është parti me një organizim të gjerë e të fuqishëm, e cila gëzon besimin e popullit, tha kryetari Rugova. Në takim me kryetarët e degëve të LDK-së, kryetari Rugova e vlerësoi të rëndësishëm angazhimin përherë e më të madh të bashkësisë ndërkombëtare rreth çështjes së Kosovës. Ai veçoi përkrahjen e SHBA-ve, të cilat në bashkëpunim me UE-në po agazhohen përherë e më shumë për zgjidhjen paqsore të çështjes së Kosovës dhe për negociata të pakushtëzuara mes Prishtinës dhe Beogradit. Kryetarët e degëve të LDK-së shqyrtuan ecurinë e zgjedhjeve parlamentare e presidenciale të 22 marsit dhe i vlerësuan ato shumë të sukseshme. Kryetari i Shtabit zgjedhor të LDK-së, Milazim Krasniqi theksoi se dalja masive e popullit të këto zgjedhje është një fitore e madhe e LDK-së dhe një rikonfirmim i fuqishëm i vullnetit të popullit të Kosovës për pavarësi. Ky është një tregues i qart për besimin, përkrahjen dhe prestigjin e madh që gëzon LDK-ja në popullin e Kosovës, konstatoi z.Krasniqi. Kryetari Rugova priti diplomatin suedez Prishtinë, 28 mars Kryetari i Republikës së Kosovës, dr.Ibrahim Rugova priti mbrëmë sekretarin e parë në Amabsadën e Suedisë në beograd, Jonas Vajs dhe bisedoi me të për gjendjen më të re në Kosovë. Pasi konstatoi se gjendja vazhdon të jetë tepër e rëndë për shkak të masakrimit të popullsisë së pambrojtur në fshatrat e Drenicës e të Deçanit, kryetari Rugova bëri thirrje për një ndërhyrje urgjente ndërkombëtare ndaj Beogradit, me qëllim të parandalimit të aksioneve terrorisuese të forcave policore e ushtarake serbe. Kryetari Rugova kërkoi një trysni të vazhdueshme ndaj Beogradit për të vendosur dialogun e pakushtëzuar me Prishtinën, në prani të një pale të tretë ndërkombëtare. Diplomati Janos Vajs ia përcolli kryetarit Ibrahim Rugova bregosjen e qeverisë suedeze për dhunën në Kosovë. Ai tha se vendi i tij angazhohet për zgjidhjen paqësore të çështjes së Kosovës dhe inkurajon palët për negociata të pakushtëzuara Kryetari Rugova mori një urim nga nënkryetari i Internacionales Demokristiane Prishtinë, 28 mars Kryetari i Republikës së Kosovës dr. Ibrahim Rugova mori një urim nga nënkryetari i Internacionales Demokristiane Josep A. Duran i Leida, në të cilin thuhet: "Në emër të Unionit Demokratik të Katalonisë (UDC) dhe në emrin tim personal si nënkryetar i Internacionales Demokristiane (CDI) dëshiroj t’ju shpreh përkrahjen tonë të plotë për lëvizjen tuaj dhe t’ju inkurajojmë në luftën tuaj kundër shtypjes, represionit ushtarak dhe jotelerancës. Unë mbështes pozicionin tuaj për të luftuar me mjete paqësore për realizimin e kërkesave tuaja dhe shpresoj se së shpejti të drejtat dhe liria do t’ju njihen dhe ju do të vendosni sovranitetin tuaj në mënyrë që të mund të vendosni edhe për fatin tuaj të ardhshëm si komb. Evropa nuk mund të lejojë një luftë të re në Ballkan. Nuk ka nevojë të thuhet se ne nuk mund të pranojmë shfarosje të reja mbi baza etnike a fetare", thuhet mes tjerash në telegramin e nënkryetarit të Internacionales Demokristiane. Gelbard: Rugova e ka bërë hapin e parë Prishtinë, 28 mars (QIK) I dërguari sepcial i presidentit Klinton, Robert Gelbard gjatë qëndrimit të djeshëm në Mal të Zi deklaroi: "Unë nuk mund të flas në emër të anëtarëve të Grupit të Kontaktit, por më duhet të them se sanksionet do të përdoren kundër të gjithë atyre të cilët nuk bashkëpunojnë, e ky nuk është Mali i Zi". Gelbardi deklaroi se ende nuk ka ardhur koha për takimin e Slobodan Milosheviqin dhe dr. Ibrahim Rugovës. Sipas mendimit të tij ajo që duhet të bëhet doemos është organizimi i mbledhjeve në një nivel tjetër dhe krijimi i ambientit të tillë në të cilin do të ketë mirëkuptim nga të dyja palët. "Në këtë drejtim Rugova ka ndërmarrë hapin e parë. Mjerisht, Beogradi as hap të parë nuk e ka bërë", konstatoi Gelbrad. Kryetari Rugova priti kryesuesin e OSBE-së Bronisllav Geremek Prishtinë, 27 mars (QIK) Kryetari i Republikës së Kosovës dr. Ibrahim Rugova priti sot Bronisllav Geremekun, ministër i jashtëm i Polonisë dhe kryesues i radhës i OSBE-së. Z. Geremek arriti në Prishtinë i shoqëruar nga një delegacion i gjerë i OSBE-së dhe nga ambasadori polak në Beograd Sllavomir Dabrova. Në bisedën e gjatë e përzemërt u bisedua për gjendjen në Kosovë, për mundësitë e fillimit të procesit paqësor dhe ndihmën që duhet ta japin faktorët ndërkombëtarë. Z. Geremek, pasi i uroi dr. Rugovës zgjedhjen e sërishme kryetar i Kosovës, shpjegoi se qëllimi i vizitës në Prishtinë, si edhe i vizitës në Beograd, është shqyrtimi i mundësive të angazhimit të OSBE-së në drejtim të zgjidhjes së çështjes së Kosovës dhe të vendosjes së misionit afatgjatë të OSBE-së në Kosovë. Kryetari i Republikës së Kosovës dr. Ibrahim Rugova e përshkroi situatën në Kosovë shumë të rëndë e të rrezikshme. Ai tha se aksionet e forcave serbe policore e ushtarake nga fshatrat e Drenicës janë shtrirë ditëve të fundit edhe në fshatrat e Deçanit. Dr. Rugova bëri thirrje për ndërhyrje urgjente ndërkombëtare, me qëllim që të ndërpriten masakrat e popullsisë. Kryetari Rugova përkujtoi gjatë bisedës se Kosova kishte në ish-federatën e Jugosllavisë statusin e njësisë së barabartë me shtatë njësitë tjera dhe se mbi këtë bazë Kosova e ushtroi të drejtën e deklarimit të vullnetit të vet politik për pavarësi më 1991. Ai tha edhe me këtë rast se Republika e pavarur e Kosovës është zgjidhja më e mirë që e qetëson rajonin. Në këtë mënyrë do të garantoheshin edhe të drejtat dhe interesat e serbëve të Kosovës. Dr. Rugova tha se udhëheqja e Kosovës është e vendosur që çështja e Kosovës të zgjidhet në mënyrë paqësore dhe me negociata, me praninë e palës së tretë ndërkombëtare të autorizuar, siç është kërkuar edhe nga Grupi i Kontaktit. Ministri i jashtëm i Polonisë dhe kryesues i radhës së OSBE-së Bronisllav Geremek shprehu shqetësimin e Organizatës për Siguri e Bashkëpunim Evropian si edhe të shtetit të Polonisë për gjendjen në Kosovë. Ai shprehu gatishëmrinë e OSBE-së për të inkurajuar zgjidhjen paqësore të çështjes së Kosovës. Pas takimit, kryetari Rugova dhe Ministri Geremek dhanë deklarata për gazetarë. Kryetari Rugova priti ambasadorin e Kanadasë Prishtinë, 27 mars (QIK) Kryetari i Republikës së Kosovës, dr. Ibrahim Rugova priti sot ambasadorin e Kanadasë në Beograd, Rafael Zhirard dhe u ndal me të në një bisedë për zhvillimet më të reja në Kosovë. Duke folur për gjendjen në Kosovë, kryetari Rugova tha se aksionet policore e ushtarake serbe, përveç në rajonin e Drenicës, kanë vazhduar edhe në fshatra të Deçanit. Ai kërkoi një ndërhyrje urgjente ndërkombëtare me qëllim të ndërprerjes së menjëhershme të këtyre aksioneve të forcave serbe. Kryetari Rugova ritheksoi përcaktimin e fuqishëm të udhëheqjes dhe të popullit të Kosovës për zgjidhjen padhunë të çështjes së Kosovës. Ai tha se Kosova e pavarur e neutrale, me garanca për serbët lokalë dhe interesat e tyre në Kosovë, është zgjidhja më e mirë, e cila do të qetësonte gjithë rajonin. Kryetari i Republikës së Kosovës dr. Ibrahim Rugova tha se dialogu i pakushtëzuar në mes të Prishtinës dhe Beogradit, siç rekomandon edhe Grupi i Kontaktit, është i domosdoshëm për zgjidhjen e çështjes së Kosovës. Ndërmjetësimi ndërkombëtar është esencial për vendosjen e negociatave dhe për zbatimin e marrëveshjes, tha ai duke kërkuar ndërmjetësimin e SHBA-ve në bashkëpunim me UE-në. Pasi dënoi dhunën në Kosovë, ambasadori i Kanadasë Zhirar theksoi brengosjen dhe interesimin e qeverisë kanadeze për një zgjidhje paqësore të çështjes së Kosovës. Konferencë për gazetarë e Kryetarit të Republikës së Kosovës dr. Ibrahim Rugova Prishtinë, 27 mars (QIK) Kryetari i Republikës së Kosovës dr.Ibrahim Rugova mbajti sot konferencën e rregullt me përfaqësuesit e mjeteve të informacionit, në të cilën morën pjesë shumë gazetarë të vendit dhe të huaj, të cilët po raportojnë këto ditë nga Kosova. Kryetari Rugova në fillim të takimit përshëndeti përpjekjet e fuqishme dhe energjike të zonjës Medlin Ollbrajt gjatë takimit të dytë të Grupit të Kontaktit për çështjen e Kosovës, që u mbajt më 25 mars në Bon. Ai po ashtu përshëndeti ministrin e jashtëm gjerman Kinkel dhe kolegun e tij britanik Robin Kuk, si dhe të gjithë anëtarët e Grupit të Kontaktit për angazhimin e tyre në këtë konferencë për Kosovën. Kryetari Rugova njëherësh falënderoi ambasadorët Robert Gelbard dhe Xheremi Grinstok për angazhimin e tyre për çështjen e Kosovës dhe për vizitën që i bënë dje Prishtinës. Ai theksoi se udhëheqja e Kosovës kërkon më shumë nga Grupi i Kontaktit dhe angazhohet që të zbatohen masat dhe sanksionet e tij të parapara në takimin e Londrës. Kryetari Rugova me këtë rast falënderoi edhe presidentin e Francës Zhan Shirak për bisedën substanciale që pati pardje me të për çështjen e Kosovës. Duke folur për gjendjen në Kosovë, kryetari Rugova tha se ajo vazhdon të jetë e rëndë dhe e tensionuar. Pas atakut masiv në Drenicë, këto ditë u bë edhe një atak në fshatrat e Deçanit, theksoi kryetari Rugova dhe kërkoi që të ndërpriten menjëherë këto operacione policore-ushtarake kundër popullsisë civile. Në këtë konfrencë, Kryetari i Republikës së Kosovës edhe njëherë i falënderoi gazetarët që po raportojnë këto nga Kosova dhe iu përgjigj interesimit të tyre për aspekte të ndyshme të zhvillimeve më reja në Kosovë. I lutur të komentojë deklaratën e peshkopit Artemie lidhur me Kosovën, presidenti Rugova tha se përshëndetë çdo deklaratë të angazhuar e pozitive për zgjidhjen paqësore e me dialog të çështjes së Kosovës. Vullneti i popullit është - Kosova e pavarur, e lirë e demokratike. I pyetur pë mundësitë e dialogut, kryetari Ibrshim Rugova theksoi se pala shqiptare pranon qëndrimin e bashkësisë ndërkombëtare, të SHBA-ve, të UE dhe të Grupit të Kontaktit se duhet të fillojë një dialog pa kushte me ndërmjetësim ndërkombëtar. Që të arrihet kjo, tha dr. Rugova, duhet të bëhët një presion më i madh ndërkombëtar dhe ndihma e bashkësisë ndërkombëtare. Duke u përgjigjur në pyetjen e një gazetari se a nënkupton dialogu pa kushte tërheqjen e forcave policore nga territoret e Drenicës, kryetari Rugova tha se Grupi i Kontaktit e ka kërkuar tërheqjen e këtyre forcave dhe se po punohet në këtë drejtim. Por, duhet të bisedohet në çfarëdo rrethanash për zgjidhjen e çështjes së Kosovës dhe se në bisedime secila nga palët negociuese hyn me qëndrimet e veta, theksoi kryetari Rugova. Lidhur me kërkesën e disa ligjvënësve amerikanë për ndalimin e fluturimit të helikopterëve e aeroplanëve ushtarakë serbë mbi Kosovën, veçmas pas masakrimeve të popullatës civile në Drenicë pikërisht nga ajri, kryetari Rugova tha se sanksioni i parë që është paraparë në dokumentin e Grupit të Kontaktit është embargoja e armëve kundër Serbisë. Pastaj, vijnë sanksionet ekonomike dhe ndalimi i zonës së fluturimeve ushtarake mbi Kosovën dhe këtë angazhim të amerikanëve e vlerësoi si shumë pozitiv, theksoi veç tjerash kryetari i Republikës së Kosovës dr.Ibrahim Rugova në konferencën e sotme për gazetarë. Kryetari Rugova u zgjodh "Personalitet i javës" nga Televizioni hungarez TV2 Prishtinë, 24 mars (QIK) Kryetari i Republikës së Kosovës, Dr. Ibrahim Rugova u zgjodh gjatë javës që shkoi "Personalitet i javës" në televizionin hungarez TV2. Gjergj Kakuk, redaktor përgjegjës për lajmet e jashtme në televizionin e pavarur hungarez MTM SRS i tha QIK-ut se kryetari Rugova u zgjodh "Personalitet i javës" gjatë emisionit të drejtpërdrejtë 35 minutësh "Çështjet ndërkombëtare" përmes votës së shikuesve. Numri i përgjithshëm i votës dhënë kryetarit Rugova do të jipet gjatë të njëjtit emision këtë javë Sekretari austriak i shtetit i bashkohet mbështetjes së madhe për Rugovën Prishtinë, 24 mars (QIK) Sekretari për marrëdhënie me jashtë i Austris, Benita Ferero-Valdner kumtoi dje se i "bashkohet mbështetjes së madhe për liderin e shqiptarëve të Kosovës, Ibrahim Rugova, në zgjedhjet paralele në Kosovë", njofton Beta. Kryetarit Rugova po i arrijnë telegrame urimi Prishtinë, 24 mars (QIK) Kryetarit të Republikës së Kosovës dr. Ibrahim Rugova sot i kanë arritur telegrame urimi me rastin e zgjedhjeve parlamentare e presidenciale në Kosovë. "Në emër të PPD dhe në emrin tim personal ju dergojmë urimet tona të sinqerta për ngadhnjimin e vullnetit politik të popullit të Kosovës", thuhet në urimin e kryetarit të PPD Abdurrahman Alitit. Lidhja Demokratike e Kosovës së bashku me forcat e tjera politike në Kosovë gjetën forcë politike që tërë zgjimin dhe lëvizjen e tyre kombëtare ta fokusojnë në artikulimin e qartë historik të vullnetit politik për liri, pavarësi dhe dinjitet kombëtarm thuhet më tyutje në urim dhe theksohet se zgjedhjet e suksesshme në Kosovë konfirmuan edhe njëherë idealin politik të popullit kosovar drejt realizimit të aspiratave politike, demokratike te Kosovës për t’u konstituuar në shtet të pavarur, sovran dhe neutral, thuhet mes tjerash në këtë urim. Ndërkaq në urimin e Ramazan Bekteshit nga degët e LDK në Amerikë dhe Kanada thuhet: "Në emër të degëve të LDK-së për Amerikë dhe Kanada pranoni urimet tona më të sinqerta me rastin e zgjedhjeve presedenciale e parlamentare. Rizgjedhja juaj për kryetar është edhe një testament drejt pavarësisë. Besimi që ju gëzoni brenda dhe në arenën ndërkombëtare është për admirim. Vizioni dhe preciziteti juaj diplomatik janë edhe një garanci për Republikën tonë të pavarur. Pranoni përshëndetjet e vëllezërve tuaj shqiptaro-amerikan që jetojnë e veprojnë në kulmin e demokracisë botërore. Zoti e bekoftë Kosovën dhe SHBA-të". "Në emër të anëtarësisë së PVD-së dhe në emrin tim personal të Ju uroj zgjedhjen për President të Republikës së Kosovës në zgjedhjet e 22 marsit. Niveli i lartë i organizimit të zgjedhjeve dhe masiviteti i pjesëmarrjes së qytetarëve dëshmon qartë për vendosmërinë e popullit të Kosovës për ndërtimin e organeve dhe institucioneve shtetërore. Deklarimi plebishitar i 22 marsit është njëkohësisht përkrhaje e fortë për politikën paqësore që Ju me konsekuencë jeni duke e udhëhequr dhe e cila është alternativë e vetme për realizimin e aspiratave kombëtare të shqiptarëve në të gjitha trevat etnike", thuhet në urimin e PVD-së, të nënshkruar nga Riza Halimi. Gjilan: Vota e popullit - Rugovës dhe LDK-së Prishtinë, 24 mars (QIK) Vetëm dy ditë pas zgjedhejve presidenciale e parlamentare të Republikës së Kosovës, Komisioni i zgjedhjeve i Njësisë zgjedhore të Gjilanit, i cili kishte pesë zona zgjedhore, arriti t’i përmbledhë e përpunojë rezultatet e votimeve. Bazuar në raportin zyrtar të këtij Komisioni në këtë njësi Zgjedhore, nga 53.525 zgjedhës, në votime dolën 42.090 zgjedhës apo 78,63 për qind nga të cilët 41.954 zgjedhës votën e tyre ia besuan Dr. Ibrahim Rugovës për kryetar të Republikës së Kosovës, shprehur në përqindje - 99,62 për qind. Edhe për kandidatët e mundshëm për deputetë, ku konkuruan shtatë subjekte politike e shoqata qytetare me gjithsej 32 kandidatë (PSHDK-ja, PNDSH-ja, PSDK-ja, PLK-ja, SHJK-ja, LDK-ja dhe LGJK-ja), përkatësisht degët e tyre në Gjilan, më së shumti fitoi Dega e LDK-së, gjithsejt katër vende. Kurse një kandidat i PSHDK-së ishte në koalicion me LDK-në poashtu fitoi numrin e duhur të votave për Parlamentin e ardhshëm të Republikës së Kosovës. Deputetët e rinj të Parlamentit të Republikës së Kosovës nga komuna e Gjilanit janë: Dr. Xhavit Hajdari (LDK), kryetar i Këshillit Komunal për Shëndetësi, i cili konkuroi në Zonën zgjehdore nr.1 dhe nga 9309 zgejdhës sa votuan prej 11350 zgjedhësve, fitoi 506 vota. Pastaj, dr. Fehmi Rexhepi, drejtor i Institutit të Historisë së Kosovës, i cili edhe një herë konkuroi në zonën nr.3 dhe fitoi 9900 zgjedhësve prej gjithsejt 12853, fitoi votat e 7042 zgjedhësve. Deputeti i tretë i LDK-së nga kjo Njësi Zgjedhore është shkrimtari Ibrahim Kadriu i cili konkuroi në zonën nr. 4, nga 7784 zgjedhësve sa dolën në votime prej gjithsejt 9847 fitoi votat e 5194 zgjedhësve. Si dhe mr. Abdyl Hoxha i cili konkuroi në zonën nr. 5 dhe nga 6020 zgjedhës sa dolën fitoi 5043 vota. Deputeti i pestë nga kjo komunë është Mehmet Kurteshi i Degës së PSHDK-së e cila kësaj radhe në zonën nr.2 ishte në koalicion me LDK-në. Prej 8833 zgjedhësve sa votuan nga gjithsej 11231 zgjedhës të kësaj zone për Mehmet Kurteshin votuan 5494 zgjedhës. Të gjithë të tjerët kanë ngelur dukshëm mbrapa. Dr. Rugova: Pas rezultateve definitive, do të konstituohet Parlamenti dhe do të zgjedhet qeveria në Kosovë Prishtinë, 24 mars (QIK) Kryetari i Republikës së Kosovës, dr. Ibrahim Rugova mbajti sot në Prishtinë një konferencë të jashtëzakonshme për gazetarë, në të cilën vlerësoi lart Zgjedhjet e 22 marsit dhe shpalli listën e Grupit Këshilldhënës për përgatitjen e platformës për bisedimet me përfaqësuesit e Milosheviqit. Duke folur në praninë e një numri të madh gazetarësh të huaj e të vendit, për zgjedhjet e dyta parlamentare dhe presidenciale të Republikës së Kosovës, dr. Rugova tha se ato u zhvilluan me sukses dhe se ishin një referendum për pavarësi, për politikën paqësore dhe demokracinë në Kosovë. Ai përshëndeti pjesëmarrjen masive të qytetarëve të Kosovës në zgjedhje dhe theksoi se karakteristikë e këtyre zgjedhjeve është fakti se për herë të parë votuan rreth 300 mijë të rinjë nga 1 150 000 votues. Kryetari i falënderoi edhe gazetarët që raportuan këto ditë për zgjedhjet dhe situatën në Kosovë në kushte shumë të vështira dhe shprehu keqardhje që shumë nga ata nuk pati mundësi t’i pranojë dhe të bisedojë me ta gjerësisht për gjendjen në Kosovë. Duke vlerësuar situatën aktuale në Kosovë, Kryetari Rugova tha se ajo vazhdon të jetë e rëndë, veçmas në rajonin e Drenicës ku forcat serbe ende po mbajnë të bllokuara disa fshatra. Ai kërkoi nga Grupi i Kontaktit që të bëjë trysni mbi Beogradin për realizimin e masave të Grupit të Kontaktit nga mbledhja e 9 marsit e mbajtur në Londër. Kryetari Rugova ua kumtoi gazetarëve lajmin se këto ditë Republikën e Kosovës e ka njohur Dominioni i Marshidezekut, shtet në ujëdhesën e Pacifikut. Me këtë shtet së shpejti do të këmbejmë ambasadorët, tha Rugova. Kryetari Rugova i njoftoi gazetarët për caktimin e Grupit Këshilldhënës (G-15). Ky Grup Këshilldhënës i kryetarit të Republikës së Kosovës dr.Ibrahim Rugova do të përgatisë një platformë për bisedime me përfaqësuesit e Millosheviqit. Grupi përbëhet nga: Fehmi Agani, Mahmut Bakalli, Bujar Bukoshi, Adem Demaçi, Hydajet Hyseni, Rexhep Ismajli, Bajram Kelmendi, Mark Krasniqi, Shkëlzen Maliqi, Pajazit Nushi, Blerim Shala, Esat Stavileci, Veton Surroi, Edita Tahiri dhe përfaqësuesi i UPS të UP-së (Dugolli, Kurti), ose ndonjë përfaqësues i zgjedhur nga UPSUP. Duke u përgjigjur në një pyetje lidhur me implementimin e protokolit të djeshëm për realizimin e marrëveshjes për kthimin e nxënësve dhe të studentëve shqiptarë në objektet shkollore dhe universitare, kryetari Rugova tha se duhet të bëhet akoma më shumë presion mbi Beogradin që ta zbatojë këtë kalendar. Nga përvoja e deritashme, mund të dyshohet se Beogradi sërish do të përpiqet të mos e impletojë marrëveshjen. Por, shpresojmë se kësaj radhe kalendari për kthimin në objekte do të realizohet, tha kryetari Rugova. Në pyetjen se a do të konsituohet së shpejti Parlamenti i Republikës së Kosovës, kryetari Rugova theksoi se pas rezultateve definitive të zgjedhjeve parlamentare dhe presidenciale, të cilat do t’i shpallë Komisioni zgjedhor Republikan, do të bëhet konstituimi i Parlamentit dhe do të zgjedhet një qeveri efektive në Kosovë. Dr. Rugova: Pas rezultateve definitive, do të konstituohet Parlamenti dhe do të zgjedhet qeveria në Kosovë Prishtinë, 24 mars (QIK) Kryetari i Republikës së Kosovës, dr. Ibrahim Rugova mbajti sot në Prishtinë një konferencë të jashtëzakonshme për gazetarë, në të cilën vlerësoi lart Zgjedhjet e 22 marsit dhe shpalli listën e Grupit Këshilldhënës për përgatitjen e platformës për bisedimet me përfaqësuesit e Milosheviqit. Duke folur në praninë e një numri të madh gazetarësh të huaj e të vendit, për zgjedhjet e dyta parlamentare dhe presidenciale të Republikës së Kosovës, dr. Rugova tha se ato u zhvilluan me sukses dhe se ishin një referendum për pavarësi, për politikën paqësore dhe demokracinë në Kosovë. Ai përshëndeti pjesëmarrjen masive të qytetarëve të Kosovës në zgjedhje dhe theksoi se karakteristikë e këtyre zgjedhjeve është fakti se për herë të parë votuan rreth 300 mijë të rinjë nga 1 150 000 votues. Kryetari i falënderoi edhe gazetarët që raportuan këto ditë për zgjedhjet dhe situatën në Kosovë në kushte shumë të vështira dhe shprehu keqardhje që shumë nga ata nuk pati mundësi t’i pranojë dhe të bisedojë me ta gjerësisht për gjendjen në Kosovë. Duke vlerësuar situatën aktuale në Kosovë, Kryetari Rugova tha se ajo vazhdon të jetë e rëndë, veçmas në rajonin e Drenicës ku forcat serbe ende po mbajnë të bllokuara disa fshatra. Ai kërkoi nga Grupi i Kontaktit që të bëjë trysni mbi Beogradin për realizimin e masave të Grupit të Kontaktit nga mbledhja e 9 marsit e mbajtur në Londër. Kryetari Rugova ua kumtoi gazetarëve lajmin se këto ditë Republikën e Kosovës e ka njohur Dominioni i Marshidezekut, shtet në ujëdhesën e Pacifikut. Me këtë shtet së shpejti do të këmbejmë ambasadorët, tha Rugova. Kryetari Rugova i njoftoi gazetarët për caktimin e Grupit Këshilldhënës (G-15). Ky Grup Këshilldhënës i kryetarit të Republikës së Kosovës dr.Ibrahim Rugova do të përgatisë një platformë për bisedime me përfaqësuesit e Millosheviqit. Grupi përbëhet nga: Fehmi Agani, Mahmut Bakalli, Bujar Bukoshi, Adem Demaçi, Hydajet Hyseni, Rexhep Ismajli, Bajram Kelmendi, Mark Krasniqi, Shkëlzen Maliqi, Pajazit Nushi, Blerim Shala, Esat Stavileci, Veton Surroi, Edita Tahiri dhe përfaqësuesi i UPS të UP-së (Dugolli, Kurti), ose ndonjë përfaqësues i zgjedhur nga UPSUP. Duke u përgjigjur në një pyetje lidhur me implementimin e protokolit të djeshëm për realizimin e marrëveshjes për kthimin e nxënësve dhe të studentëve shqiptarë në objektet shkollore dhe universitare, kryetari Rugova tha se duhet të bëhet akoma më shumë presion mbi Beogradin që ta zbatojë këtë kalendar. Nga përvoja e deritashme, mund të dyshohet se Beogradi sërish do të përpiqet të mos e impletojë marrëveshjen. Por, shpresojmë se kësaj radhe kalendari për kthimin në objekte do të realizohet, tha kryetari Rugova. Në pyetjen se a do të konsituohet së shpejti Parlamenti i Republikës së Kosovës, kryetari Rugova theksoi se pas rezultateve definitive të zgjedhjeve parlamentare dhe presidenciale, të cilat do t’i shpallë Komisioni zgjedhor Republikan, do të bëhet konstituimi i Parlamentit dhe do të zgjedhet një qeveri efektive në Kosovë. Dr. Ibrahim Rugova kryetar i Republikës së Kosovës Prishtinë, 23 mars (QIK) Dr. Ibrahim Rugova është zgjedhur Kryetar i Republikës së Kosovës në zgjedhjet e 22 marsit, kumtoi sonte Shtabi Zgjedhor i LDK-së duke pasur parasysh rezultatet preliminare të votimeve. Mbështetja e elektoratit gati qind për qind për kandidaturën e Ibrahim Rugovës në të vërtetë është shpallje e besimit dhe e mbështetjes së popullit të Kosovës për udhëheqësin e vet dhe për politikën e tij paqësore e demokratike. Votimet e djeshme në Kosovë dhe zgjedhja e dr. Ibrahim Rugovës kryetar i Republikës së Kosovës forcojnë figurën e tij të bashkuesit të vullnetit politik të popullit të Kosovës dhe konfirmojnë vendosmërinë e tij për lirinë dhe pavarësinë e Kosovës. Në planin ndërkombëtar, zgjedhja e dr. Rugovës për kryetar të Republikës legjitimon dhe forcon pozicionin e udhëheqësit të popullit të Kosovës në negociatat që pritet të zhvillohen lidhur me zgjidhjen e çështjes së Kosovës. "Fokus": Rugova bashkoi popullin rreth pavarësisë Prishtinë, 23 mars (QIK) Në një koment që e boton sot e përditshmja shqipe e Zvicrës "Fikus" me titull "Të palëkundshëm për pavarësi" dhe me nëntitull "Rugova është personaliteti që e bashkoi popullin rreth pavarësisë", autori Mehmet Emërllahu komenton zgjedhjet parlamentare e presidenciale të 22 marsit në Kosovë. Për Kosovën, por edhe për mbarë shqiptarët, këto zgjedhje janë dëshmia më e madhe se gjysma e kombit e mbetur padrejtësisht brenda një kufiri të imponuar, nuk ka ndenjur as nuk rri duarkryq në asnjë periudhë, por ka punuar dhe punon për pavarësi, punon me këmbëngulje për zgjidhjen e një çështjeje të madhe ende të pazgjidhur, konstatohet në fillim të komentit, për të pohuar se këto zgjedhje janë rikonfirmim i vullnetit politik të popullit. Autori këto zgjedhje i quan edhe "zgjedhje për histori, sepse u zhvilluan në rrethana tepër të rënduara, kur shteti serb ka shkallëzuar dhunën mbi Kosovën, kur policia terroriste e tij ka masakruar popullatën e Drenicës dhe vazhdon ta terrorizojë edhe më tej pikërisht pse kjo popullatë e ka kundërshtuar historikisht dhe po e kundërshton aktualisht, si edhe të gjithë shqiptarët, pushtimin e huaj, kur ekziston gatishmëria dhe vullneti i të gjithëve që me çdo kusht të realizojnë dhe të konsolidojnë shtetin e vet të pavarur". Më tutje theksohet se shqiptarët janë dëshmuar edhe historikisht miq të mëdhenj ndaj miqve, por edhe refuzues të vendosur ndaj pushtuesve dhe diktatit të të huajve. Duke komentuar daljen masive në zgjedhjet e djeshme autori thekson se kjo dëshmoi fuqishëm unitetin e plotë të popullit në përcaktimin e tij për të realizuar me çdo kusht synimet e veta kombëtare, pavarësisht nga interesat e ngushta personale e politike, që janë të rëndomta për çdo shoqëri që kalon nëpër një fazë të këtillë në rrugën e konsolidimit të shtetit të vet. Karakteristike për këto zgjedhje, thuhet më tutje në koment, është edhe interesimi i madh i bashkësisë ndërkombëtare, sidomos i SHBA-ve, si superfuqia e vetme botërore, pa angazhimin e të cilës nuk mund të zgjidhet asnjë çështje e madhe në botë. SHBA-të qe disa vjet me radhë kanë shfaqur një interesim të madh për çështjen tonë, të cilin e dëshmuan sidomos kësaj radhe, duke përkrahur kështu edhe zgjidhjen e çështjes së Kosovës. Pas këtij akti pason zgjedhja dhe konsolidimi i Parlamentit dhe i Qeverisë së Republikës së Kosovës bashkë me të gjitha institucionet përkatëse shtetërore. Kjo do të jetë faza e rrumbullakësimit të projektit shtetëror, ku institucionet do ta marrin rolin kryesor në konsolidimin e të gjitha segmenteve shtetërore, theksohet në koment. Pasi theksohet fryma e unitetit të popullit të Kosovës për t’u bërë njëherë e përgjithmonë zot të vetvetes në shtëpinë e vet dhe për t’u liruar përfundimisht nga okupuesi shekullor, autori i komentit pohon se, përkundër luhatjeve dhe kundërshtimeve politike brendashqiptare në Kosovë, thekson rolin e madh të politikës paqësore të presidentit të Republikës së Kosovës, dr. Ibrahim Rugova, i cili edhe në këto momente qëndroi i pathyeshëm në rrugën e pavarësisë dhe e bashkoi popullin. Përcaktimi për pavarësi është përcaktim për shtet të pavarur, përfundon komenti. Fitore bindëse e LDK-së Prishtinë, 23 mars (QIK) Raportet nga degët e LDK-së në Kosovë bëjnë me dije për një fitore bindëse të kandidatëve të LDK-së për deputetë. Në Podujevë thuhet se kanë fituar të pesë kandidatët e LDK-së: dr. Sabri Hamiti, dr. Rexhep Gjergji, mr. Fatmir Sejdiu, Naip Zeka dhe Agim Veliu. Në këtë komunë kanë dalë në zgjedhje 90% e qytetarëve me të drejtë vote. Për Kryetarin e Republikës së Kosovës kanë votuar 98% e votuesve. Në Gjilan deri më tash janë përpunuar fletëvotimet nga 78 vendvotime, prej 87 sa janë gjithsej. Nga Komisioni Zgjedhor komunal mirret vesh se pjesëmarrja e zgjedhësve ishte 78,84% nga qytetarët me të drejtë vote, duke përfshirë edhe ata që janë në mërgim. Nënkryetari i Degës së LDK-së në Gjilan Lufti Haziri thotë se për Kryetarin e Republikës së Kosovës kanë votuar 99% e zgjedhësve. Në Gjilan kanë fituar kandidatët e LDK-së: Ibrahim Kadriu, Abdyl Hoxha, Xhavit Hajdari dhe dr. Fehmi Rexhepi, si edhe Mehmet Kurteshi, kandidat i koalicionit të LDK-së me PSHDK-në. Nga Komisioni Zgjedhor komunal në Pejë mirret vesh se kanë votuar mbi 82% e zgjedhësve. Për Kryetarin e Republikës së Kosovës kanë votuar 98% e votuesve. Edhe në këtë komunë kandidatët e LDK-së kanë shënuar fitore. Thuhet se rezultate të mira ka shënuar edhe kandidati i Lidhjes Qytetare të Kosovës. Rezultatet preliminare nga komuna e Dragashit bëjnë me dije se në zgjedhjet e djeshme parlamentare e presidenciale morën pjesë mbi 95 për qind e votuesve. Bëhet e ditur se për dr. Ibrahim Rugovën kanë votuar 99.6 për qind e votuesve, ndërsa në zgjedhjet për deputetë fitoi kandidati i LDK-së, Ruzhdi Berisha. Në Kamenicë morën pjesë në zgjedhje dolën mbi 95 për qind e elektoratit Thirrjet për bojkot nuk patën sukses, ndërsa në zgjedhje dolën edhe anëtarë të PPK-së dhe të PSDK-së, krahu i Luljeta Pula-Beqirit. Për Kryetarin Rugova votuan mbi 95 për qind e elektoratit, kurse kandidatët për deputetë të LDK-së, Emin Krasniqi e dr. Reshat Maliqi fituan mbi 90 për qind të votave. __________________ Ndjehem krenar me ty Z.PRESIDENT....