[Psikologu]

Kuvendi i Dardanës nderoi me mbledhje komemorative Presidentin Rugova

Dardanë, 22 janar - Me të marrë lajmin e hidhur për vdekjen e Presidentit të Kosovës dr. Ibrahim Rugova, pikëllimi dhe zymtësia e mbuloi edhe tërë Komunën e Dardanës. Pikëllimin qytetarët e komunës sonë, filluan ta shprehnin në fillim permes telefonatave e më pastaj edhe duke kontaktuar me zyren e LDK-së në Dardanë. Që nga orët e para të mëngjesit zyrat e LDK-së, filluan të frekuentohen nga adhuruesë të presidentit Rugova. Në mbledhjen komemorative të Kuvendit Komunal të Dardanës, kryetari Shaip Surdulli, i njoftoi të pranishmit edhe për disa aktivitete të ndërmarra lidhur me tragjedinë tonë të përbashkët. Për biografinë e shkurtër të presidentit Rugova foli zëvendëskryetarja e kuvendit komunal Nexhmije Kallaba, ndërsa u lexuan ehde telegramet e ngushëllimit për familjen e presidentit Rugova dhe institucionet.
Në emër të grupit parlamentar të PDK-së të pranishmit dhe qyetarëve të Dardanës u shprehu ngushëllime Bajram Dërmaku, ndërsa në emër të AAK-së Fatmir Krasniqi.
Edhe pas takimit fluksi i të pikëlluarëve, në fytyrat e të cilëve shihje dhembje, trishtim ose lot, ishte i orientuar drejt zyrës së LDK-së, duke shenjuar kështu zymtësinë e këtyre ditëve të dhembshme në Dardanë.