[Murgesha]

Rumunja që mendohej si e vdekur kthehet për të votuar


Një familje rumune e cila besonte se e kishte varrosur vajzën e tyre para dy viteve janë shokuar pasi e kanë parë atë të vijë të votojë në shtëpi. Familja nga Pildesti tha se vajza e tyre 22 vjeçare nuk është kthyer që nga Korriku i vitit 2003. Pas disa ditëve të hetimeve policia lokale gjeti një trup të vdekur në lumin e qytetit dhe e identifikuan si vajza e humbur. Edhe babai, vëllai si dhe disa të afërm kanë konfirmuar se ajo ishte e vdekur dhe ata duhej të kujdeseshin për funeralin e saj. Një nga të afërmit e vajzës tha: “Vajza që e gjetëm ishte plotësisht e ngjajshme, kishte të njejtën gjatësi, i kishte flokët ngjyrë kafe, poashtu edhe flokët i kishte të prera në mënyrë të njejtë dhe i kishte rrobet e njejta. Ne menduam se e vorrosëm kushërirën tonë”. Por pas dy vitesh vajza erdhi në shtëpi me taksi. Ajo i tha familjes se shkoi të vizitonte një shok në një qytet të afërt dhe gjeti një punë atje. Ajo tha se vendosi që të kthehej në shtëpi për të marrë pjesë në zgjedhjet për ndryshimin e kushtetutës së Rumanisë. Pasi që ajo është zyrtarisht e vdekur, 24 vjeçarja duhet të presë vendimin e gjygjit i cili do të konfirmojë nëse ajo është e gjallë deri sa policia po mundohet të gjejë identitetin e vërtetë të personit të varrosur.