[musl|m]

Disa muaj para lindjes sime, babi im kishte takuar një të huaj i cili ishte i ri në qytetin tonë. Babi që nga fillimi ishte i epur me këtë te huaj dhe tregimet e tij sa që shumë shpejt e ftoi të jetoj me ne. Shumë shpejt u bë anëtar i familjes sonë.

Në kohen kur unë fillova gradualisht të rritem kurrë nuk kam pyetur për këtë të huaj, nga është, kush është dhe çka është. Isha mësuar të jetë gjithnjë me ne. Kishte fituar vend në zemrën time si te gjithë anëtaret e familjes sime.

Prindërit e mi ishin instruktor në familje, nëna më ka mësuar ta dua fenë e Allahut e babi me ka mësuar ta nderoj. Megjithatë, ky i huaj ishte ai i cili na tregonte ngjarje nga e kaluara, na ka argëtuar dhe na ka mbledhur me ore të tëra ne një rreth. Dëgjonim tregimet e tij fascinuese nga e kaluara. Për të gjitha që neve na interesonin për Historinë, Shkencën, Politiken ….. për te gjitha ai kishte përgjigje. E dinte të kaluarën e ka kuptuar të tashmen dhe ngapak kishte mundësi të tregonte se çfarë do te ndodh në mes të njerëzve në të ardhmen. Fotografitë qe dinte t'i vizatonte dukeshin si të gjalla kur e shikoja qaja apo qeshesha. Ishte një shok i mire i gjithë familjes. Na dërgonte mua babin dhe Bilallin në lojërat tona të para të futbollit dhe basketbollit.

Gjithmonë na shtynte të shikojmë filma sa që edhe na ofroi shansin të njihemi më shumë yje filmash.

Ky i huaj ishte një flasaman i madh, kishte dëshire të fliste shumë edhe pse e dinte se në familjen tonë nuk përdoreshin fjalë me përmbajtje vulgare, shume shpesh i ikte ndonjë fjalë sa që të afërmit tanë dhe shoqëria nuk kishin guxim të përdorin këso fjale në bisedat e tyre e sidomos para nesh fëmijëve megjithatë atij nuk ja zënte për të madhe ai ka qene i vetmi në shtëpi qe ka mundur të flas sipas dëshire e askush ta pengonte.

Derisa ai me ore të tëra na argëtonte me tregimet e tij nëna shpesh ngrihej dhe shkonte ne dhomën e saj të lexonte Kur’an. Pyes se a është lutur ndonjëherë në duatë e saj që ky i huaj të lëshonte shtëpinë tone.

Në shtëpinë tonë në atë kohë mbahej ligji Islam, nuk është përdorur e as mbajtur alkooli, por ky i huaj me ngulm na tregonte se si duhet te bëjmë lëshime se si duhet te jetojmë ne mënyrën e jetesës së sotshme.

Shpesh na ofronte birrë dhe na i tregonte cigaret që të fitonim një përshtypje se janë te shijshme dhe tërheqëse. Fliste me një stil të lire, mund të them edhe shume të lirë për temat e turpshme rreth grave. Zëri i tij dinte të jete aq vulgar dhe aq i turpshëm për ta dëgjuar para anëtareve te familjes. Tash e di se ai i huaj ka ndikuar shumë në qëndrimet e mia në raportin mashkull-femër dhe lidhja në mes tyre.

Kur e shikoj të kaluarën them se neve vetëm mëshira e Allahut na ka shpëtuar që ky i huaj të këtë ndikim më te madh në sjelljet tona.

Kohë pas kohësh i ka përulur prindërit e mi dhe me ato të cilat na kanë mësuar i ka nënçmuar dhe i ka kundërshtuar qëndrimet e tyre por asnjëherë nuk ka kërkuar ta lëshon shtëpinë .

Edhe sot e kësaj dite këtë të huaj mund ta shihni se si është ulur ne një qoshë të dhomës dhe pret që njëri nga ne t'i kushtoj vëmendje t'i dëgjoj tregimet e tij dhe t'i shoh fotografitë e tij. Me pyesni se si quhet ky i huaj?

Ne e kemi quajtur TELEVIZORI.

Huazuar nga "Horizonti"