[Dilaver]

Ministri i jashtëm shqiptar, Besnik Mustafaj në Bruksel

Ka një keqkuptim dhe keqinterpretim të deklaratave të mia lidhur me kufijtë, u shpreh në Bruksel, Ministri i jashtëm i Shqipërisë, Besnik Mustafaj
Gjatë takimeve të zhvilluara në Bruksel, Ministri i jashtëm i Shqipërisë, Besnik Mustafaj nuk u prit nga Havier Solana, Oli Rehn dhe nga Ministrja e jashtme e Austrisë, Ursula Plasnik, por u takua me zëvendësit të tyre. Ministri Mustafaj, u takua me drejtorin për Ballkanin, Reinhard Priebe, u takua edhe me sekretarin e shtetit pranë Ministrisë austriake të punëve të jashtme, si edhe me njërin nga zëvendësit e Solanës.
Në këto takime u bisedua për marrëdhëniet dypalëshe, për gjendjen e brendshme politike në Shqipëri, dhe për situatën përgjithësisht në rajon dhe rolin që mund të luajë Shqipëria aty.
Mustafaj ju referua edhe çështjes mjaft të debatuar kohët e fundit, pra deklarata e Ministrit të Jashtëm të Shqipërisë, se në rast se Kosova ndahet, Shqipëria nuk mund të garantojë për kufijtë në territoret ku banojnë shqiptarët.
Mustafaj në Bruksel hodhi poshtë në mënyrë kategorike thëniet e shtypit. Ai theksoi se Shqipëria mbështet politikën e Grupit të Kontaktit, mbështet Marti Ahtisarin dhe është pro kundër tre "Jo-ve", pra kundër ndarjes së Kosovës, kundër bashkimit të saj me një shtet tjetër, dhe gjithashtu për mbrojtjen e pakicave aty.
Ka një keqkuptim dhe keqinterpretim të deklaratave të tij të mëparshme, deklaroi disa herë në Bruskel, ministri i jashtëm shqiptar, Besnik Mustafaj.

Viron Gjymshana




.................................

Jo more "nuk" qenka e vërtet ajo që shkruhej e thuhej këtyre ditëve për ketë faqezi, paskan qen shpifje e trillime të shtypit e mediave!

Sot i paska demantuar kategorikisht Besnik Mu(s)tafaj.