[hasanmehmeti]

vazhdimi i temes se mesiperme . " Meshira "

O robërit e Allahut, mëshirë do të thotë të tregohesh bamirës ndaj vetes tënde duke zbatuar detyrat që ka caktuar Allahu dhe duke u larguar nga ndalesat e tij. Mëshirë do të thotë të tregohesh bamirës ndaj krijesave duke vepruar çdo të mirë që i bën dobi robërve dhe rregullon vendin si dhe duke mos i dëmtuar apo bërë keq atyre. Kush vepron të gjitha këto, atë Allahu ka për ta futur në mëshirën dhe Xhennetin e Tij e ka për t`ia rregulluar çështjet. Allahu i Madhëruar ka thënë: (ky është komentimi i ajetit) "... e mëshira Ime ka përfshirë çdo gjë. Atë (mëshirën) do ta caktoj për ata të cilët i ruhen mëkateve, e japin zekatin dhe për ata që argumentet tona i besojnë. Edhe për ata që pasojnë të Dërguarin (Muhammedin), Pejgamberin analfabet, të cilin e gjejnë të shkruar (të përshkruar me virtytet e tij) te ata në Teurat dhe në Inxhil, e që i urdhëron ata për çdo të mirë dhe i ndalon nga çdo e keqe, u lejon ushqimet e këndshme dhe u ndalon ato të pakëndshmet, dhe heq nga ata barrën e rëndë të tyre dhe prangat që ishin mbi ta. Pra, ata të cilët e besuan atë, e nderuan, e ndihmuan dhe pasuan dritën që u zbrit me të, ata janë të fituarit." (El-A`raf: 156-157)

O musliman! Zgjidhe mëshirën si një nga cilësitë e tua sepse jeta nuk rregullohet veçse me të dhe i pari që përfiton nga ajo cilësi në dynja dhe në Ahiret është ai që e ka atë. Në një hadith thuhet: "Banorë të Xhennetit janë tre:
*Prijësi i drejtë,
*një burrë që në zemrën e tij ka mëshirë për të varfërit dhe të afërmit si dhe *një burrë i varfër që ka familje por që nuk lyp."

O musliman! Mësoje fenë e Allahut, adhuroje Allahun me largpamësi dhe dije, mëshiroji krijesat e Allahut duke bërë të mira e duke mos i bërë keq atyre sepse Allahu do të të pyesi për të drejtat e Tij dhe për të drejtat e robërve të Tij "Ditën kur nuk bën dobi as pasuria e as fëmijët. Përveç atij që i paraqitet Allahut me zemër të pastër." (Esh-Shuara: 88-89)

O Robërit e Allahut! "Me të vërtetë Allahu dhe engjëjt e Tij e lavdërojnë Pejgamberin. O ju që keni besuar, lavdërojeni atë (duke bërë salavate për të) dhe përshëndeteni me selam." (El-Ahzab: 56)

Nga Shejhu Ali Abdurrahman El-Hudhejfi
10/11/1424H

Ndersa lutja jone e fundit eshte :
Falenderimi dhe i tere suksesi i takon vetem Allahut subhanehu we teAla

Esselamualejkum nga vellau juaj ne Islam