Dardania.de - Shiko Postimin Tek

Laureta · 28-03-06, 03:36

Prindërit e vajzës nuk përfillin lutjen e fundit para flijimit

--------------------------------------------------------------------------------

Gerti Xhaja

TIRANE

I kërkoj të falur prindërve dhe gjithë njerëzve të mi, por unë nuk mundem të jetoj më kështu. Ju lutem kur të më varrosni më vendosni pranë Altinit". Ishte ky amaneti i fundit i Anxhelina Çerpjes, Xhulietës shqiptare të kohërave moderne, por që nuk u realizua nga prindërit e saj. Me një kokëfortësi të pashpjegueshme prindërit e saj e kanë varrosur në krahun tjetër të varrezës. Dëshira e vajzës për t'u prehur pranë të dashurit të vetëvrarë 5 ditë më parë, tashmë të varrosur nën një kumbull të lulëzuar që simbolizon jetën, nuk është realizuar edhe pas vdekjes së saj. Ishte po ai varr, mbi kurorat e të cilit u gjet në gjendje koma, 22-vjeçarja e dashuruar. Veç varreve të ndara kanë mbetur edhe dy familjet e tyre në shtëpitë pak metra larg njëra-tjetrës. Në të dyja banesat në Laknas, janë shumtë ata që qajnë ndërsa kryhen ritet mortore sipas traditës. Është një mënyrë "të qari" veç e veç, sikur të mos kishte asnjë lidhje mes të dashurve të humbur përgjithmonë.

Ditari
Ndaj kujt donte të protestonte Anxhelina me vdekjen e saj, ndaj fatit të keq që i mori të dashurin, apo ndaj prindërve që me mentalitetin e tyre mesjetar "vranë" ëndrrën e dy të rinjve? Kjo është një tjetër pikëpyetje që 22-vjeçarja la me vdekjen e saj. Përgjigjen tashmë e ka në dorë vetëm policia, megjithëse në të tilla raste nuk dihet të ketë precedentë ndëshkimesh. Policia zotëron ditarin e vajzës, karafili i freskët brenda të cilit simbolizon bukurinë e historisë së dashurisë, që përfundoi dhimbshëm. Ai është gjetur i lagur nga lotët dhe i shtrëguar fort në gjoks, sikur vajza të donte ta mbronte nga shiu i rrëmbyeshëm që vazhdonte të lagte trupin e saj përmbi varr. Në të përshkruhen që të gjitha çastet e kaluara së bashku dhe problemet e shumta, që tashmë kanë prekur mbarë opionin. Ishte vetëm një dashuri platonike, e nisur dy vjet më parë. Pikërisht atëherë kur Anxhelina kuptoi të fshehtën e shkëlqimit të syve të fqinjit të saj, Altinit. Në ditarin e nisur në mesin e vitit 2003, përshkruan më së miri arsyet e venitjes së këtij shkëlqimi. Prej kënaqësisë së pamasë, që rridhte nga një vështrim i shkëmbyer mes tyre, një të puthure në faqe a një prekje, dhe së fundi te frika se mos këto veprime ktheheshin në motiv për grindje mes familjeve të tyre. Boja e freskët e stilolapsit të gjetur brenda ditarit dallonte edhe fjalët e fundit të shkruara nga Anxhelina. Ato i drejtoheshin të dashurit të saj, për ta kritikuar për aktin e tij, justifikonte vetëhelmimin e saj për të përfunduar me një lutje të fundit për familjen: Të varrosej pranë të dashurit, pa të cilin nuk mundej të jetonte.

28-03-06, 03:36	#3
Laureta Anëtarësuar: 06-03-06 Postime: 55	Prindërit e vajzës nuk përfillin lutjen e fundit para flijimit -------------------------------------------------------------------------------- Gerti Xhaja TIRANE I kërkoj të falur prindërve dhe gjithë njerëzve të mi, por unë nuk mundem të jetoj më kështu. Ju lutem kur të më varrosni më vendosni pranë Altinit". Ishte ky amaneti i fundit i Anxhelina Çerpjes, Xhulietës shqiptare të kohërave moderne, por që nuk u realizua nga prindërit e saj. Me një kokëfortësi të pashpjegueshme prindërit e saj e kanë varrosur në krahun tjetër të varrezës. Dëshira e vajzës për t'u prehur pranë të dashurit të vetëvrarë 5 ditë më parë, tashmë të varrosur nën një kumbull të lulëzuar që simbolizon jetën, nuk është realizuar edhe pas vdekjes së saj. Ishte po ai varr, mbi kurorat e të cilit u gjet në gjendje koma, 22-vjeçarja e dashuruar. Veç varreve të ndara kanë mbetur edhe dy familjet e tyre në shtëpitë pak metra larg njëra-tjetrës. Në të dyja banesat në Laknas, janë shumtë ata që qajnë ndërsa kryhen ritet mortore sipas traditës. Është një mënyrë "të qari" veç e veç, sikur të mos kishte asnjë lidhje mes të dashurve të humbur përgjithmonë. Ditari Ndaj kujt donte të protestonte Anxhelina me vdekjen e saj, ndaj fatit të keq që i mori të dashurin, apo ndaj prindërve që me mentalitetin e tyre mesjetar "vranë" ëndrrën e dy të rinjve? Kjo është një tjetër pikëpyetje që 22-vjeçarja la me vdekjen e saj. Përgjigjen tashmë e ka në dorë vetëm policia, megjithëse në të tilla raste nuk dihet të ketë precedentë ndëshkimesh. Policia zotëron ditarin e vajzës, karafili i freskët brenda të cilit simbolizon bukurinë e historisë së dashurisë, që përfundoi dhimbshëm. Ai është gjetur i lagur nga lotët dhe i shtrëguar fort në gjoks, sikur vajza të donte ta mbronte nga shiu i rrëmbyeshëm që vazhdonte të lagte trupin e saj përmbi varr. Në të përshkruhen që të gjitha çastet e kaluara së bashku dhe problemet e shumta, që tashmë kanë prekur mbarë opionin. Ishte vetëm një dashuri platonike, e nisur dy vjet më parë. Pikërisht atëherë kur Anxhelina kuptoi të fshehtën e shkëlqimit të syve të fqinjit të saj, Altinit. Në ditarin e nisur në mesin e vitit 2003, përshkruan më së miri arsyet e venitjes së këtij shkëlqimi. Prej kënaqësisë së pamasë, që rridhte nga një vështrim i shkëmbyer mes tyre, një të puthure në faqe a një prekje, dhe së fundi te frika se mos këto veprime ktheheshin në motiv për grindje mes familjeve të tyre. Boja e freskët e stilolapsit të gjetur brenda ditarit dallonte edhe fjalët e fundit të shkruara nga Anxhelina. Ato i drejtoheshin të dashurit të saj, për ta kritikuar për aktin e tij, justifikonte vetëhelmimin e saj për të përfunduar me një lutje të fundit për familjen: Të varrosej pranë të dashurit, pa të cilin nuk mundej të jetonte.