[Kalt]

Funerali në Ankara kthehet në protestë

Protestuesit hodhën parrulla për mbrojtjen e shtetit laik turkMijëra protestues në Ankara, i kthyen ceremonitë funerale për nder të gjykatësit të vrarë në shfaqje masive për të mbështetur shtetin laik në Turqi.
Shumë protestues u mblodhën rreth arkivolit të gjykatësit Mustafa Yucel Ozbilgin, i vendosur në ndërtesën e një gjykate dhe i mbuluar me flamurin kombëtar.
Të tjerët, hodhën parrulla për mbrojtjen e shtetit laik në Turqi, teksa marshuan drejt mazoleumit të Mustafa Kemal Ataturkut, themeluesit të shtetit modern dhe shekullar turk.
Një person që e quante veten 'ushtari i Allahut' qëlloi me armë zjarri ditën e mërkurë gjykatësin Ozbilgin, në një prej gjykatave kryesore të shkallës së parë në Turqi.
Autori i vrasjes u arrestua menjëherë dhe dy persona të tjerë janë ndaluar nga policia dhe po merren në pyetje.
Korrespondentët besojnë se sulmi mund të jetë i lidhur me vendimin e gjykatës për të mos hequr rregullin për ndalimin e mbajtjes së shamisë myslimane në shkolla dhe në zyrat qeveritare.



BBC
19 Maj 2006