[pokeri]

Edhepse nuk e preferoj të shkruaj në këto nënforume, i shtyrë më shumë nga buja që ka shkaktuar romani i Dan Brown-it , i pasuar edhe nga filmi, e shoh të udhës të jap disa sqarime, të cilat mund t'u shërbejnë atyre që nuk e kanë lexuar, apo shikuar filmin.

Çështja e parë është; -A mund të jetë e saktë që Ungjilli nuk e sjell të vërtetën e plotë për Jezu Krishtin? A ishin të martuar Maria Magdalena dhe jezu Krishti? A është e vërtetë që Jezu Krishti prijëse të Lëvizjes së tij e kishte emëruar Maria Magdalenën e jo Pjetrin?

Lexuesit (shikuesit) habiten me faktin që në romanin e Brown-it, jepen përgjigje për këto çështje.
Autori, në burimet e tij thirret në libra të vërtetë. Lexuesit me të drejtë mund të pyesin, pse më parë nuk kanë degjuar-lexuar për ide të tilla. Gjithashtu, pyeten çka nëse hipotezat e Brown-it janë të sakta? Çfarë pastaj ndodh me Fenë (religjionin) e tyre? Pra, nëse Brown e thotë të vërtetën, Krishtërimi çfarë e njohim a do të thotë që qenka vetëm një "RRENË"?
Duhet thënë që ky nuk është libri i vetëm që ka bërë bujë, e ndërlidhet me Jezu Krishtit. Me këtë rast duhet përmendur edhe librin e H. Kerstenit, sipas të cilit Jezu Krishti e kishte mbijetuar kryqëzimin, dhe e kishte vazhduar jetën në Indi, gjë që puqet me "zbulimin epokal" të nje sekte budiste Japoneze (Mahikari), e cila kundërshton Kerstenin duke thënë se Jezusi e kishte vazhduar jetën në Japoni. Pra, deri më sot janë hedhur shumë hipoteza për "Jetën e panjohur të Jezusit", të cilat shpesh e përjashtojnë njëra-tjetrën. Duke u nisur nga ajo se, Jezusi ishte një lloj Mediumi spiritist i shkëlqyeshëm (teoria e spiritistëve), apo Jashtëtokësor (teoria UFO),
homoseksual i cili "çon dashuri me apostujt" teori kjo e parë në shfaqjen "Corpus Cristi", deri te hipoteza më e re, kjo e Dan Brown-it, e cila seriozisht kërcënon t'i tund themelet e kishës, sipas së cilës Jezusi ishte i martuar me Maria Magdalenën, dhe po bartte fëmijën e tij, derisa ishte i kryqëzuar.