[pokeri]

Kodi i Da Vinçit, në fakt hedh teorinë se Krishtërimi është mashtrim, rrenë, lajthitje.
Ky libër i cili nuk është thjesht fikcion, siç mundohet ta paraqes dikush, sepse Brown që në hyrje të tij thotë: Të gjitha përshkrimet e veprave artistike, arkitektura, aktet dhe ritualet e fshehta
janë autentike. Pra Brown, nuk flet për fikcione, dhe nuk mbështetet në imagjinatë të llojit Zhyl Vern apo Steffen King.
Ishte perandori Konstantin i cili e zyrtarizoi Krishtërimin në Romë, por këtë e bëri pasi i kishte djegur "ungjijtë" e vjetër dhe aktet e dokumentet të cilat e paraqitnin Jezusin si njeri "tokësor". Ai i futi në përdorim ungjijtë e sotëm të cilët tashmë Jezusin e paraqesin " Hyjnor" (edhe sot e kësaj dite).
Pas restaurimit të "Darkës së Fshehtë" të Da Vinçit, shihet qartë që në tavolinë nuk janë 12 apostuj, por personi i parë në krahun e djathtë të Jezusit është një femër, respektivisht Maria Magdalena. Pikërisht Ajo, të cilën Kisha e kishte shpallur lavire, sepse ishte e martuar me Jezusin dhe bartëte fëmijën e tij.
Në libër gjithashtu ofrohen dokumente të cilat paraqesin qartë se Apostujt ishin xheloz në Magdalenën, ngase Jezusi e donte atë më tepër.
Jezusi ia kishte lënë drejtimin e kishës Maria Magdalenës e jo Pjetrit.