[4peace]

???

Pokeri shkruajti:

Mos harro që edhe e vërteta është relative! Në kontekst të bindjes dhe argumentit.Derisa Ti konsideron që s'ka prova, dikush tjetër mund të pohoj të kundërtën, që provat e bazuara, demaskojnë Mashtrimin. Po nejse, kjo nuk është shumë e rëndësishme.

Shtrohet çështja; Pse Kisha ka fshehur faktin fundamental për martesën e Jezu Krishtit dhe Maria Magdalenës? Pse u fsheh fakti që Jezu Krishti kishte pasardhës (fëmijë)? Pse, Pjetri e trashëgoi Krishtin, kur ishte dashur që këtë ta bënte Magdalena? Siç shihet edhe në pikturë, Pjetri i kërcënohet me gisht Magdalenës. Gjë që plotësisht mbështet konstatimin e Brown-it, se apostujt e xhelozonin Magdalenën, ngase mendonin që Jezusi e donte atë më shumë se apostujt.

Romani, edhepse i cilësuar si triller, ofron shumë gjëra për të cilat njeriu duhet doemos të mendohet, kryesisht të bazuara në vepra madhore artistike, por edhe në dokumente të ndryshme.

I nderuar Pokeri

Leonardo da Vinçi ka jetuar e vepruar 1500 pas vdekjes së Jezusit. Pra, nuk ka asgjë të sigurtë në çka mund të bazohesh se është e vërtetë.

Të mos harrojmë se kjo pikturë është bërë me porosi të kishës!!!

Është e vërtetë se kisha, para së gjithash Vatikani, mban shumë të vërteta të fshehura. Nuk është kurrfarë fakti fundamental martesa e Jezusit me Maria Magdalenën. As ajo, që për ironi, pasardhësit e tij e paskan harruar udhën e paskan zbarkuar në Francë dhe, në këtë mënyrë e gjithë Franca me rrethinë na qenka pasardhëse e Jezusit.

Vet të bazuarit një një pikturë të bërë pas 15 shekujsh të bën qesharak. Ky farë Dan Brown-i, shumë e vizionet i kishte pasë, e mos pyet?!

Unë thash një herë: Kjo vepër nuk hedh as një çikë të së vërtetës në dritë. E vetmja gjë që arrihet me këtë vepër është mjegullim i të së vërtetës dhe fitim, fitim sa më të madh të hollash. Dhe, sa më shumë prej tyre që e besojnë këtë dhe lexojnë librat e tij dhe shikojnë filmat e tij, aq më shumë shtohet buxheti i Dan-it. Ky dhe është caku kryesor i tij.

Sikur t’a kisha mundësinë për t’a parë për një sekond vet Jezusin…Por, me gjasë brockullat fëmijërore të Dan Brown-it nuk i lënë edhe aq shumë përshtypje. Ka ai punë shumë më me rëndësi se sa të ndëgjojë përralla kalamanjsh si Dan Brown-i.

Unë i përcjell e madje edhe i studjoj këto gjëra, kështuqë jam shumë i sigurtë se libri (së bashku me filmin) në fjalë është vetëm fiksion dhe vepër “e mirë” që sjell shumë përfitime ekonomike. Asgjë më shumë.

Megjithatë, nuk është e drejtë imja t’ia imponoj dikujt se a duhet të besojë apo jo në këtë gjë. Le të besojë sejcili ashtu siç don, ashtu siç din, ashtu siç ia ka ëndja…


…mirëmbetsh(i)!!!




***