[pokeri]

Ja po ju sjelli çfarë thotë Libri i Zanafillës për krijimin. E solla si shembull për të parashtruar disa pyetje, nëse dikush mund të jap përgjigje logjike.

Zanafilla
Kapitulli 1
Fillimi
1.Në fillim Perëndia krijoi qiejt dhe tokën.
2.Toka ishte pa trajtë, e zbrazët dhe errësira mbulonte sipërfaqen e humnerës; dhe Fryma e Perëndisë fluturonte mbi sipërfaqen e ujërave.
3.Pastaj Perëndia tha: "U bëftë drita!". Dhe drita u bë.
4. Dhe Perëndia pa që drita ishte e mirë; dhe Perëndia e ndau dritën nga errësira.
5. Dhe Perëndia e quajti dritën "ditë" dhe errësirën "natë". Kështu erdhi mbrëmja e pastaj erdhi mëngjesi:
dita e parë.
6. Pastaj Perëndia tha: "Le të jetë një kupë qiellore mes ujërave, që t`i ndajë ujërat nga ujërat".
7. Dhe Perëndia krijoi kupën qiellore dhe ndau ujërat që ishin poshtë saj nga ujërat që ishin sipër saj. Dhe kështu u bë.
8.Dhe Perëndia e quajti kupën qiellore "qiell". Kështu erdhi mbrëmja, pastaj erdhi mëngjesi:
dita e dytë.
9.Pastaj Perëndia tha: "Ujërat që janë nën qiellin të grumbullohen në një vend të vetëm dhe të shfaqet tera". Dhe kështu u bë.
10. Dhe Perëndia e quajti terën "tokë" dhe grumbullimin e ujërave "detë". Dhe Perëndia pa që kjo ishte mirë.
11.Pastaj Perëndia tha: "Të mbijë toka gjelbërimin, barërat të nxjerrin farë dhe drurët frutore të japin në tokë një frut që të përmbajë farën e tij, secili simbas llojit të tij". Dhe kështu u bë.
12. Dhe toka prodhoi gjelbërim, barëra që e bënin farën simbas llojit të tyre dhe drurë që mbanin fruta me farën e tyre brenda, secili simbas llojit të vet. Dhe Perëndia e pa se kjo ishte mirë.
13.Kështu erdhi mbrëmja, pastaj erdhi mëngjesi;
dita e tretë.
14.Pastaj Perëndia tha: "Të ketë ndriçues në kupën qiellore për të ndarë ditën nga nata; dhe të shërbejnë si shenja, për të dalluar stinët, ditët dhe vitet;
15. dhe të shërbejnë si ndriçues në kupën qiellore për të ndriçuar tokën". Dhe kështu u bë.
16. Perëndia krijoi pastaj dy ndriçues të mëdhenj: ndriçuesin e madhë për qeverisjen e ditës dhe ndriçuesin e vogël për qeverisjen e natës; ai krijoi gjithashtu yjet.
17. Dhe Perëndia i vendosi në kupën qiellore për të ndriçuar tokën,
18. për të qeverisur ditën dhe natën dhe për ta ndarë dritën nga errësira. Dhe Perëndia e pa që kjo ishte mirë.
.................................................. ...............
A din të shpjegoj dikush, si krijoi Zoti Dritën (3)në fillim, nëse Diellin e krijoi në ditën e tretë (14-15)?
Si e dalloi Perëndia që Drita ishte e mirë dhe si e ndau atë nga errësira (4), nëse akoma nuk e kishte krijuar Diellin? E tëra kjo ndodh në FILLIM!
Shihni çfarë ndodh ditën e tretë. (14-15-16-17) Perëndia krijoi Diellin dhe Hënën, i vendosi në kupën qiellore, njëri (Dielli)për ta qeverisur ditën, e njëra (Hëna)për ta qeverisur natën. Për ta ndarë dritën nga errësira. Dhe Perëndia e pa që kjo ishte mirë!!!
A nuk ishte e ndarë drita dhe errësira që në FILLIM (4)

Nëse dikush mund të jap përgjigje logjike, do të isha shumë mirënjohës.