[Kalt]

Postimi origjinal është bërë nga pokeri

Reagim kundër kërkesës së Tadiqit

Kryetari i Serbisë, Boris Tadiq, kërkoi nga shefi i UNMIK-ut Soren Jessen-Petersen që të ndërmerr masa të rrepta kundër Lëvizjes VETËVENDOSJE! për shkak fushatës për bojkot të produkteve të Serbisë. Tadiq foli nga frika. Prej vitit 1999 Serbia ka eksportuar në Kosovë mallra me vlerë prej 856 milionë eurosh, e këto paraqesin vetëm 40% e importit të përgjithshëm të mallrave serbe në Kosovë (meqenëse 60% nuk regjistrohen fare). Gjithsej importi prej kohës kur është instaluar UNMIK-u këtu llogaritet të jetë afër 2 miliardë euro. Bojkoti i këtyre produkteve ia shkurton këto të hyra Serbisë. Ky shkurtim natyrisht se e dëmton atë. Prandaj, Tadiqi ka filluar ta ndiejë frikën. Frikën se ekonomia e Serbisë do të dëmtohet.

Për ta parandaluar këtë mundësi dëmtimi, Tadiqi e ka zgjedhur rrugën e trasuar mirë të ushtrimit të presionit në shoqërinë kosovare – përmes UNMIK-ut. Sa herë që Serbia ka ndonjë plan, strategji, apo dëshirë që dëshiron ta imponojë në Kosovë, këtë e bën përmes UNMIK-ut, institucionit që është i instaluar për ta ruajtur sovranitetin dhe integritetin territorial të Serbisë mbi Kosovë. UNMIK-u pastaj e bartë këtë presion në IPVQ-të që i ka krijuar për ta zgjeruar më lehtë dhe në gjuhën shqipe pushtetin e vet antidemokratik. E detyrë e IPVQ-ve është tua imponojnë politikat e UNMIK-ut, pra Beogradit, qytetarëve të Kosovës. Kështu ka ndodhur me decentralizimin, zonat e veçanta për kishat dhe manastiret ortodokse, dhe planet serbe për rikolonozim të Kosovës. Tash Tadiqi kërkon që e njëjta të ndodh edhe me bojkotin e produkteve serbe. E, detyrë e UNMIK-ut dhe IPVQ-ve do të jetë ta implementojnë këtë dëshirë të Tadiqit – pra t'i detyrojnë qytetarët e Kosovës që me zor të blejnë produkte të Serbisë. Kjo në emër të demokracisë. Në emër të multietnicitetit. Në emër të civilizimit.

Bojkotimi i produkteve të Serbisë, përveç dëmeve që i shkakton Serbisë, e që nënkuptohet të jenë dobi për Kosovën, e ka edhe efektin e drejtpërdrejtë në ekonominë kosovare. Bojkotimi i produkteve të Serbisë thërret për orientim të konsumit kah prodhimet vendore. Blerja e këtyre prodhimeve rrit ekonominë kosovare, duke i forcuar prodhuesit e vendit, dhe duke ua mundësuar atyre investime të mëtejshme në ndërmarrjet e tyre, që do të nënkuptonte cilësi më të mirë të mallit, hapje të vendeve të reja të punës, tatime më të mëdha për buxhetin e Kosovës. Tadiq kërkon që këto të ndalen. Për shkak se një vend me ekonomi të zhvilluar është i panënshtrueshëm. E Tadiq e don Kosovën të nënshtrueshme. Për shkak se shtetin që ai e udhëheq ka plane për gllabërimin e Kosovës. Ato mund t'i realizojë shumë më lehtë nëse Kosova mbetet e dobët ekonomikisht, dhe si rrjedhojë, e dobët politikisht. Se kështu populli i Kosovës do të mbetet i varfër, dhe si i tillë i manipulueshëm.

Tadiq kërkoi nga UNMIK-u që fushata të ndalet. Lëvizja VETËVENDOSJE! thërret popullin e Kosovës ta ndal Tadiqin dhe UNMIK-un. Se kështu ndihmohet Kosova.

Lëvizja VETËVENDOSJE!

Nje pergjigje qe per nga forma dhe permbajtja ngjan me udhezimet e Enver Hoxhes per ndertimin e Shqiperise duke u mbeshtetur teresisht ne forcat e veta.
Perfundimi ishte nje tragjedi!
Eshte qesharake dhe me te vertete ky qendrim krijon nje imazh arabo-palestinezi ne Ballkan.
Sa here duhet perseritur se Kosova nuk ka nevoje per gardhe e bojkote me, sepse atehere kur u desh te bojkotohej, kjo u be me sukses permes sistemit paralel ne vitet 1990-1999.
Tash ekonomia boterore ka hyre ne epoken e globalizmit e per me teper Kosova qe pretendon te integrohet ne Komunitetin Europian ka edhe me shume aresye qe te tregohet e hapur dhe fleksibel ne ekonomi.
Ekonomia e hapur eshte ajo shtyse zhvilluese dhe nxitese.
Biznesi kosovar te mos investoje para ne pompa benzine e shtepi banimi vend e pavend vetem e vetem per te konkuruar vellaun apo fqinjin se kush e ka ngritur banesen me lart, por te drejtohet nga biznesi prodhues.
Fshataret e Kosoves te mos rrijne duke pritur parate e derguara me lloj-lloj menyrash nga emigracioni e me to te behen salltanete, por te punoje qe te mos i leje tokat djerre, qe te investoje ne ekonomi te vogla agrare apo bashkesi agrare me familje te tjera me qellim krijimin e bizneseve moderne.
Fshatari kosovar te mos e zere token e bukes me ndertime vend e pavend por te mendoje se Kosova ka pak toke e si e tille ajo duhet te kontrollohet e administrohet me rreptesi.
Pushteti qendror dhe ai lokal te mos merren vetem me politike per politike por te hapin rruge e te krijojne mundesi per investime te brendshme dhe ato te huaja.
Ende mbizoteron ne Kosove mentaliteti se problemet zgjidhen vetem me ndertime dhe investime gjigante ne miniera, qymyr e ku di une e harrohet se sektore te tjere jane shume here me te rendesishem per zhvillim si: sherbimet, transporti, turizmi, fermat bujqesore dhe blegtorale.
Keshtu qe Levizja ne fjale nuk duhet te shfrytezoje dobesine ekonomike te momenti dhe nje renje psikologjike te shqiptareve nga sterzgjatja e periudhes kalimtare, per te bere thirrje te tilla qe te kujtojne nje kohe te shkuar, por te beje thirrje per nje shtet kosovar efektiv, per nje pushtet lokal dinamik dhe fleksibel, per rritje te numrit te studenteve neper universitete, per moszenjen e tokes bujqesore me ndertime, per ruajtjen dhe mbrojtjen e mjedisit, per rend dhe qetesi, per respektim te njeri-tjetrit e per rritje te frymes se mirebesimit me qytetaret e Kosoves, per rritjen dhe thellimin e bashkepunimit me te gjitha shtetet fqinje pa perjashtim etj.
Kosova eshte e pavarur qe nga qershori i vitit 1999.
Ndaj energjite e qytetareve kosovare duhet te drejtohen ne drejtim pozitiv.
Ka ikur koha e parrullave dhe deklaratave te tipit te 215-ve, marsheve me portretet e "shokut" Tito ne mbrojtje te ketij e atij, grevave te urise nentoke qe manipuloheshin lehtesisht nga burokracia kosovare dhe ajo jugosllave etj.
Ato i perkasin tashme historise dhe si te tilla duhen mbajtur ne arkiva dhe te studjohen nga historianet e se ardhmes.
Kosova kerkon njerez te veprimit qe jane ne gjendje ta zhvillojne dhe ta bejne ate nje shtet ligjor te respektueshem, nje shtet te mireqenies per te gjithe, nje shtet te qytetareve te lire!
Kosova e ka vendosur fatin e saj me te gjitha format legale!