[Leora]

Pirro,

E pse të ndërtohet katedralja?

Mua më vjen keq nëse shkrimi im të është dukur komunist, por nuk do të thotë që nëse nuk pajtohemi me diçka, menjëherë të referohemi në komunizëm. Demokracia i ka pro-të dhe kundër. Pra nëse unë jam kundër diçkaje, që ju jeni pro, nuk do të thotë që unë jam komuniste!

Unë nuk thashë në asnjë fjali timen që ne jemi një shoqëri ateiste! Unë ndiej respekt për besimin e njerëzve, cilido qoftë ai, mirëpo edhe besimi duhet të ketë kufij të caktuar, e sidomos kur kemi të bëjmë ma planifikimin e lokacioneve të objekteve, ku ushtrohen religjione të caktuara.

Pse duhet të ndërtohet një katedrale apo një xhami në një lokacion, që frymëzon nga shkenca, progresi dhe të rinjtë? Ku është lidhshmëria në mes religjionit dhe shkencës, etj.?

Religjioni i shërben lutjeve shpirtërore, dhe atë personale, prandaj ashtu edhe duhet të mbahet!

Pavarësisht se kur janë pranuar, të gjitha religjionet e kanë origjinën në Azi dhe nuk kanë të bëjnë aspak me origjinën shqiptare. Është e vërtetë që besimi musliman ka origjinë aziatike, por ngjashëm edhe besimi i krishterë ka lindur në Azi, më drejtë në Jerusalem!

Prandaj unë qëndroj prapa asaj, që religjionet nuk kanë të bëjnë aspak me origjinën shqiptare!

Unë nuk jam kundër objekteve fetare, por vendi ku është planifikuar të ndërtohet katedralja (apo edhe xhamia), për mua plotësisht është vendim i palogjikshëm!

Ju përshëndes