[Dilaver]

Kush ishte Al-Zarqawi?


Disa prej krimeve më të rënda kundër civilëve dhe punonjësve të huaj në Irak i janë atribuar një grupi që udhëhiqet nga Abu Musaab Al-Zarqawi.
Deklaratat që pretendonin se ishin nga ky grup, që quhet Al-Kaida në Tokën e Dy Lumejve, kanë marrë përgjegjësinë për shumë sulme vetvrasëse, që kanë shkaktuar vdekjen e qindra civilëve shiitë dhe rekrutëve të ushtrisë.
Grupi i tij ka publikuar gjithashtu video të prerjes së kokës të të huajve. Në disa prej tyre, thuhet se vetë Al-Zarqawi ka qenë personi që ka përdorur thikën.
Përveç informacioneve të dhëna nga autoritetet jordaneze dhe deklaratave në internet që i atribuohen grupit të tij, pak dihet për këtë person.
Abu Musaab Al-Zarqawi është emri që ka marrë Ahmad Fadeel Al-Khalayllay, që është me origjinë jordaneze dhe jo palestineze siç besojnë shumë vetë.
Ai ishte nga një familje e varfër nga qyteti industrial Zarqa, në veri të Amanit.
Ai u largua nga shkolla në moshë të vogël dhe më vonë u bashkua me radhët e muxhahidinëve arabë që luftuan kundër forcave sovjetike në Afganistan në vitet 1980.
Kur u kthye në Jordani ai u burgos për pjesëmarrje në një kompllot për të rrëzuar monarkinë, por më vonë u lirua si pjesë e një amnistie të përgjithshme.
Në vitin 2002 ai u dënua me vdekje në mungesë për rolin e tij në vrasjen e një diplomati amerikan.
Lidhur me marrëdhëniet e tij me udhëheqësin e Al-Kaidas, Osama bin Laden, ka informacione konfliktuale.
Megjithatë, deklaratat e tij nga Iraku konfirmojnë angazhimin e tij ndaj ideologjisë së Al-Kaidas.
Ndërsa grupe të tjera kryengritëse luftonin për largimin e trupave të huaja nga Iraku, për Al-Zarqawin Iraku ishte një trampolinë për një luftë më të gjerë kundër të pafeve dhe regjimeve arabe me synimin për krijimin e një kalifati, apo supershteti islamik.
Bota e dëgjoi emrin e tij për herë të parë para luftës në Irak.
Uashingtoni tha atëhere se prania e Al-Zarqawit në Irak ishte pro