[Dilaver]

BDI-ja 18, PDSH-ja 11 deputetë
SHKUP, 6 KORRIK - Partia e VMRODPMNE- së ka 44 deputetë, LSDMja 32 deputetë, PDSH-ja 11, BDI-ja 18, PRSD 6, VMRO-Popullorja 7 deputetë. Kjo theksohet në rezultatin më të ri, që e kumtoi organizata joqeveritare "Most" (Ura). Kjo organizatë i vlerësoi zgjedhjet si të qeta dhe pa incidente serioze.
"Most" ka vërejtje vetëm për stërvitjen e pamjaftueshme për zbatim të procedurës zgjedhore, me çka, sipas saj, ishte ngadalësuar mbledhja dhe renditja e materialit zgjedhor. (MAKFAX)


BDI-ja nën presion ndërkombëtar për të hyrë në qeverinë e VMRO-DMPNE-së
TIRANË, 6 KORRIK – Është e mundur që nën presion ndërkombëtar, partia e Ali Ahmetit, BDI, të hyjë në qeveri me partinë VMRODPMNE, e cila i ka fituar zgjedhjet e 5 korrikut, edhe pse partnere tradicionale e saj ka qenë PDSH-ja.
Një gjë të tillë ka lajmëruar televizioni shqiptar “Top-Channel”, në raportin e tij për zgjedhjet në Maqedoni dhe për radhitjen paszgjedhore të partive shqiptare.
Sipas “Top-Channel”, qëndrimi më radikal i PDSH-së, si dhe pikëpamjet politike mbi federalizimin e udhëheqësit të PDSH-së, Arben Xhaferi, sikur e frikësojnë faktorin ndërkombëtar në lidhje me formimin e një qeverie të qëndrueshme në Maqedoni. (MAKFAX)